1 Tim. 5:10 - Ebaibul

¹⁰ ka ŋina eyenitae aŋuna a ŋiticisyo keŋ a ŋulu ajokak, ŋina abu kitopolou ŋidwe keŋ ejok, ŋina abu kijaununuye ŋituŋa ŋulu gelae lore keŋ, ŋina abu kitiya ŋiticisyo ŋulu ka akitiditeuna neni a ŋituŋa a ŋulu ka Akuj, ŋina abu kiŋarak ŋituŋa alocan kec ka ŋina abu torubak itiyae ŋuna ajokak alopitesyo a daadaŋ.

1 Tim. 5:10 Iomraidhean Croise

Akisy. 18:4

Kimyek kare ca yaunae ŋakipi ŋadi kilotaryata iyes ŋakejen, ido kieŋut a lokitoe.

Akisy. 19:2

Tema, “Ekeŋitakinit iyes ŋikapolok kaŋ toriut akiper kai a eketiyan kus, kilotasi ŋakejen; kisyokakis nai moi taparacu eriŋa ataparacu.” Tolimokis ikes Lot temasi, “Mam, eperyo isua nenilapat alokidiŋ etaun.”

Akisy. 24:32

Tolomu ekile ŋol kai; tosodi Laban tolacu ŋiboro alokaala, inak neni a ekile a ŋol aŋuna a ŋikaala eoot ka ŋinya ŋice ŋulu eŋadatae itoonitoe. Inak ŋakipi daŋ kilotarya ŋakejen keŋ ka kilotaryata daŋ ŋikilyok ŋulu arukitotor iŋes ŋakejen kec.

Akisy. 43:24

Ani kedau ekapolokiniton etic alokai a Yosepu ŋol ayaun ŋikilyok ŋul tooma akai a Yosepu, ainakin ŋakipi, akisilotar ikes ŋakejen ka kedau ainakin ŋisigirya kec ŋinya,

Ŋikiru. 119:4

Ekapolon, idau iyoŋ ainakin isua ŋikisila kon, ŋulu emaikina isua kiwuapae emam akibil tari epei.

Isa. 1:17

“Toyenutu akitiya ŋuna ajokak, kiwara akiyookino, toiutu ŋulu isicanitae, kiŋarakisi ŋikokyok, kirworo aŋuna a ŋapuseru.”

Ŋilep. 25:35

“‘Ani keruwor iyenet kus idio icanaanot, todaun epite ŋolo iŋarakinor bon emaikina iyes, kiŋarakisi iŋes, toyarik neni kus esibit igelaanot ŋini iboiyete ka iyes.

Mat. 25:17

Ikwaŋinapei, eketiyan daŋ ŋolo akorakinitae ŋicweei ŋiarei, abu toryamu ŋicweei ŋice ŋiarei.

Mat. 5:16

Ikwaŋinapei, itemokino akica kus tocai kileere alotuŋa, ikotere ikes eanyuwarete ŋiticisyo kus ŋulu ajokak, kipuro Papa kus ŋolo eyai nakuj.

Luk. 7:38

Min iŋes kaku nakejen a Yesu igworo, kitapapal ŋakejen a Yesu a ŋakiyo keŋ, toninaiya nai iŋes ŋakejen a ŋitim keŋ, tonu, kiwosak akimyet.

Luk. 7:44

Tosodi toboboŋ Yesu neni ka aberu, tolimok Simoni tema, “Ite iyoŋ aberu na a? Abu ayoŋ olomu kai kon, ibu iyoŋ nyikiinak ayoŋ ŋakipi ŋuna kilotaret ŋakaakejen, nai etapapal iŋes ŋakaakejen a ŋakiyo keŋ ka aninaiya a ŋitim keŋ.

Ŋitic. 10:22

Toboŋokis ikes temasi, “Kornelio, ekapolokiniton ŋasigarya, iŋes ikiyakuunit isua. Erae iŋes ekile ŋolo ajokan, ŋolo iyookino ka ekerit iŋes Akuj. Ekerito Ŋiyudayan daadaŋ iŋes. Alimokini emalaika ŋolo ka Akuj iŋes anyarare iyoŋ bu kai keŋ, ikotere kiira iŋes ŋuna ilimuni iyoŋ.”

Ŋitic. 22:12

“Ayai Damasko ekile ŋolo anyaritae Anania, ŋolo ajokan, ŋolo ainakina neni ka Akuj. Ewuapit iŋes Ŋikisila a Moses ka akerito iŋes Ŋiyudayan daadaŋ ŋulu alo Damasko.

Ŋitic. 6:3

Aŋun ŋikaitotoi, toseutu alokidiŋ kus ŋikilyok ŋikanikaarei ŋulu ajokak, ŋulu ileleba Etau ŋolo Asegan ka aosou, ŋulu itemokino oinakisi etic lo.

Ŋitic. 9:36

Ayai Yoppa akanupan ŋina anyaritae Tabisa. (Anyaritae ekiro keŋ a Ŋagirik Dorka, iŋes atemar “Agete.”) Etiyae iŋes ŋuna ajokak akiŋaranakin ŋikulyak.

Ŋitic. 9:39

Torukosi nai Petero ka ikes. Ani edoli, yaarae nagule ŋina ayai kidiama. Awuasi ŋapuseru daadaŋ alodiyete Petero, kigworos ka kitoodikis iŋes ŋikiteiteyo ka ŋikotyo ŋulu kitiyauni Tabisa eriŋa erukito ka ikes.

Ŋirom. 12:13

Tomora ŋiboro kus ka ŋikanupak ŋuluce ŋulu ekulyakaka ka toŋaununutu ŋituŋa ŋulugelae lorerya kus.

Ŋiep. 2:10

Akuj iŋes ikiteyakau iwon lopite ŋolo ikiyakar tokona anakimorikina yok ka Yesu Kristo. Adau iŋes asubun iwon nabo alotooma Yesu Kristo, ikotere nai iwon ikitiyae ŋiticisyo ŋulu ajokak, ŋulu aris iŋes kedau akitemonokin kitiyae iwon.

Ŋikol. 1:10

Aŋun, ipedorete nai iyes akiyar alopite a ŋolo itopolooritotor Ekapolon ka ŋolo italakarit iŋes anakiro a daadaŋ. Eyauni akiyar kus arait ŋina erae ŋiticisyo ŋulu ajokak ka iyatakin ayenut kus Akuj.

1 Tim. 2:10

nai itemokino ikes torae ŋuna ajokak a ŋiticisyo, ikwapei ejokyata ŋun anaberu a ŋuna ebasi ikinupit ikes ŋakiro ŋuna ka Akuj.

1 Tim. 3:2

Itemokino ekarikon ŋolo a Ŋikristo erae ŋolo nyitoronitae, ŋolo eyakar aberu apei, ŋolo etyamaarit, ŋolo ecayete ŋatameta, ŋolo ejokak ŋipitesyo, ŋolo ijaununui ŋituŋa lore keŋ ka ŋolo epedorit akitatam ejok.

1 Tim. 3:7

Itemokino iŋes erae ituŋanan ŋini itojokito ŋituŋa ŋulu nyerae Ŋikristo daŋ, anerae acepaki eruwor ŋolo itoronitae, tosodi toloma nauno ŋina a Satan.

1 Tim. 5:16

Nai ani keyakar aberu ŋina erae Akristoit ŋapuseru lokal keŋ, itemokino iŋes kidar ikes, nyeinak atyonis neni ka atukot a Ŋikristo, ikotere nai atukot idarit ŋapuseru ŋuna emam kire jik ituŋanan ŋini iŋarakinit.

1 Tim. 5:25

Ikwaŋinapei, ilereete ŋiticisyo ŋulu ajokak, nai ŋulu nyilereete daŋ, nyepedoryo akiwua ekaku.

1 Tim. 6:18

Tolimok ikes kitiyata ŋuna ajokak, tobarito aloticisyo a ŋulu ajokak ka totenito akimor ŋiboro kec ka ŋuluce anarimao.

2 Tim. 1:5

Atamunit anupit ŋina a kire ŋina iyakar iyoŋ, ŋina ikoni ŋina a tata kon Lois ka ŋina a toto kon Eunike. Ayeni ayoŋ jik atemar iyakar tari iyoŋ anupit ŋin.

2 Tim. 2:21

Ani nai kitesegun ituŋanan bon anakiro a ŋuna aronok a daadaŋ, eruwor iŋes eborosit ŋolo kisitiya aloticisyo a ŋulu epolok; itesegunitae iŋes ka epedori Ekapolon keŋ akisitiya iŋes, anerae etenit aŋuna a ŋiticisyo a ŋulu ajokak a daadaŋ.

2 Tim. 3:15

Itamunit iyoŋ atemar ameun ŋinapei eriŋa iyoŋ irae ikoku, iyeni iyoŋ ŋakiro ŋuna igiritae Nakigireta, ŋuna epedorete ainakin iyoŋ aosou ŋina ikirikori naiuno alotooma anupit Yesu Kristo.

2 Tim. 3:17

ikotere nai ituŋanan ŋini ka Akuj erae ŋini ilelebikina, ŋini etenit aŋuna a ŋiticisyo a ŋulu ajokak a daadaŋ.

Tito 2:14

Abu iŋes tojal akiyar keŋ aŋuna yok, aiun iwon anaronis a daadaŋ ka akituruwor iwon ŋituŋa ŋulu asegak ŋulu erae ŋulu keŋ make, ŋulu imuit nooi akitiya ŋuna ajokak.

Tito 2:7

Anakiro a daadaŋ itemokino iyoŋ elope torae akitaanyikinet ŋina a ŋipitesyo a ŋulu ajokak. Kitatam emam alyokonu ka tomukeana.

Tito 3:1

Tolimok ŋituŋa kon atemar itemokino ikes ekerito ŋikepukak ka ŋikapolok, toruworos ŋulu epupete ŋakiro, ŋulu imuit akitiya ŋuna ajokak alopitesyo a daadaŋ.

Tito 3:14

Itemokino ŋituŋa ŋulu a ŋatukon yok toyenut akitiya ŋiticisyo ŋulu ajokak, ikotere eryamunete ŋiboro ŋulu iŋarakiniata ŋituŋa ŋulu eyakatar akiitanit; ido nyiboiyete erae ŋicaryo.

Tito 3:8

Erae ŋun ŋakiro ŋuna a kire. Acamit iyoŋ kitatam ŋakiro ŋun ka agogoŋu, ikotere nai ŋulu enupito Akuj eruwor ŋulu emitakinito akitiya ŋiticisyo ŋulu ajokak. Ejokak ŋakiro ŋun daadaŋ, ido iŋarakinete ŋituŋa daadaŋ.

Ŋibur. 10:24

Ewara epite ŋolo ikisimukekinor iwon make, ominakisi ŋuluce ka etiyata ŋuna ajokak.

Ŋibur. 13:2

Nyikimuryak iyes aŋaunun ŋituŋa ŋulu gelae lorerya kus. Ayakasi ŋulu apotu kitiyata ŋun, ido apotu toŋaut ŋimalaikan pa eyenete atemar arae ikes ŋimalaikan.

Ŋibur. 13:21

Ikimaimai isua Akuj ŋina ikiinanakini ekisil, ikiinak iyes ibore ŋini ajokan daadaŋ ŋini iitanito iyes aŋuna ka akitiya acamit keŋ. Itiyakini iŋes aneni yok ŋuna italakarito iŋes alotooma Yesu Kristo. Toyai neni keŋ apolou ŋikaru ka ŋikaru! Amen.

1 Pet. 2:12

Itemokino ŋipitesyo kus toruworos ŋulu ajokak alotuŋa a ŋulu nyenupito Akuj; apaki ŋina ikisitakiniata ikes iyes ebasi ŋikasecak, eyenunete ikes ŋiticisyo kus ŋulu ajokak, ido kipuro Akuj Akoloŋit ŋina ka abunore keŋ.

1 Pet. 4:9

Kijaununos alorerya kus make emam eŋuriŋur.

3 Yoa. 1:12

Iteyenunito ŋituŋa daadaŋ ŋuna ajokak aŋuna a Demetrio; ŋakiro ŋuna a kire daŋ iteyenunito aŋuna keŋ. Ikiteyenunit isua daŋ aŋuna keŋ, ka eteyenunit ayoŋ atemar erae kire.