1 Tim. 4:3 - Ebaibul

³ Itatamete ŋituŋa ŋul atemar erono akiitar ka akinyam ŋamuja ŋace. Nai erae ŋamuja ŋun ŋuna abu Akuj tosub, ikotere ŋituŋa ŋulu enupito ka toyenete ŋuna a kire imujete kedaut alakari neni ka Akuj.

1 Tim. 4:3 Iomraidhean Croise

Akisy. 9:3

Akainak ayoŋ iyes ibore daadaŋ, ŋini eyari tolosi, toruwor akimuj kus, lopite ŋolopei abunio okoinak iyes ŋikito ka ŋinya, akainak tokona ayoŋ iyes ibore daadaŋ.

Ekal. 5:18

Erae nu ŋuna eŋolik ayoŋ erae ŋuna ejokak: Ŋuna ejok ŋinituŋanan akitiya iŋes akimuj ka akimat, ikotere iruwor ŋini ilakara alotic a daadaŋ a ŋolo itiyae iyoŋ anakwap a na alorwa a ŋulu ekudyoko a ŋulu ikiinakinit Akuj iwon, anerae erae ŋin ainakinet ŋina ikiinakinitae iwon.

Dan. 11:37

Nyitopoloori iŋes ŋakujo atapapaa keŋ, kori akuj ŋina ilipete ŋaberu, mam akuj epoloor aneni a erwosit a ŋol, anerae itopoloor iŋes bon akilo ŋakujo daadaŋ.

Mat. 14:19

Kisiboik nai Yesu ŋasepico a ŋituŋa lonya. Tolemu nai iŋes ŋamugati ŋunakan ka ŋikolya ŋuluarei, kireo kidiama nakuj, kilipak, tosodi tonyilinyili ŋamugati inak ŋikasyomak tokorakis ikes nasepico.

Mat. 15:11

Meere ibore ŋini elomari nituŋanan epedori akitoroniyar iŋes; nai ŋini elomuni anituŋanan iŋes itoroniyari iŋes.”

Mat. 15:36

Tolemu ŋamugati ŋunakanikaarei ka ŋikolya, kilipak. Ani kedau akilipakin tonyilinyili, inak ŋikasyomak tokorakis lotuŋa.

Luk. 24:30

Ani iboikinosi Yesu ka ikes akimuj alomesa, tolemu iŋes amugati, kilipak ka tonyilinyili inak ikes.

Yoa. 6:23

Kepotu ŋatakerin ŋuna alo Tiberia todolut diyete neni emuja asepic ŋina a ŋituŋa ŋamugati, kedau Yesu alakar neni ka Akuj.

Ŋitic. 27:35

Kedau alimun ŋun, tolemu Paulo amugati, tolakar neni ka Akuj alokiŋaren kec a daadaŋ, tonyilinyili, togeu akimuj.

Ŋirom. 14:17

Anerae meere Apukan ka Akuj ŋina ca imujere ka emasere, nai erae ŋina ka akiyookino ka ŋina ke ekisil ta ŋina ka alelyan a ŋina ikiinakinit Etau ŋolo Asegan.

Ŋirom. 14:3

Nyitemokino ituŋanan ŋini enyami ibore daadaŋ isoloe ŋini nyenyami daadaŋ; aso ŋini eŋerit akinyam akiriŋ, nyitemokino etubokini ŋini enyami ibore daadaŋ, anerae acamu Akuj iŋes.

Ŋirom. 14:6

Ituŋanan ŋini itopoloorit akoloŋit ace, itiyae ŋun anakerit Ekapolon. Iŋes daŋ ŋini enyami ibore daadaŋ, itiyae ŋun anakerit Ekapolon, anerae elakari iŋes neni ka Akuj aŋuna ka akimuj. Ŋini daŋ eŋeri akinyam ŋiboro ŋice, itiyae ŋun anakerit Ekapolon ka elakari iŋes neni ka Akuj.

1 Ŋikor. 6:13

Etemari ice ebe, “Erae akimuj ŋina ka akook ka erae akook ŋina ka akimuj.” Iyookino, nai itasaluni Akuj ikes daadaŋ. Nyitemokino akuwan isitiyao aŋuna ka amalao, nai itemokino kitiyanakinere Ekapolon ka Ekapolon iŋes iyokit akuwan.

1 Ŋikor. 7:28

Nai ani kiita iyoŋ, nyisecit iyoŋ ka ani kiitar aberu ŋina sek nyiisitae, nyesecit iŋes. Nai eryamunete ŋituŋa ŋulu iitarito ŋatyokisyo ka acamit ayoŋ akiŋarakin iyes nyiryamut ŋun.

1 Ŋikor. 8:8

Nyepedori akimuj akitojok epite ŋolo iboiyere iwon ka Akuj: emam ibore ikibuci iwon erae pa kikinyam ŋamuja ŋun, nabo emam ibore ikiryamuni iwon erae kikinyam.

Ŋikol. 2:16

Aŋun, nyiwuak idio ituŋanan ŋikisila neni kus aŋuna a ibore a ŋini imujete iyes kori imasete kori lorwa ŋulu ilipeneneere kori nasuban ŋuna elomunia elap kori ŋuna a Sabato.

Ŋikol. 3:17

Ŋinibore daadaŋ itiyaete kori irworosi iyes, itemokino kitiyata alokiro ke Ekapolon Yesu, tolakara neni ka Akuj Papa alotooma Yesu.

1 Tim. 2:4

ŋina ecamit ŋituŋa daadaŋ toiunae ka toyenut ŋuna a kire.

1 Tim. 4:4

Ejok ibore daadaŋ ŋini abu Akuj tosub, emam ibore ŋini itemokino toŋeroe, erae kijaunitae ka alakara aneni ka Akuj;

1 Tim. 5:14

Aŋun, atami ayoŋ atemar emaikina ŋapuseru ŋuna eriŋa esorokaka kiitae, toryamut ŋidwe ka kidara ŋirerya kec, ikotere nai nyeryamut ŋimoi yok adiopaki ŋina ikitoroniyaryata iwon.

Ŋibur. 13:4

Itemokino ŋituŋa daadaŋ kitopoloorito ekiitanu. Itemokino ŋikilyok ka ŋaberu torae ŋulu ikinyoma make, anerae etubokini Akuj ŋulu emalaaka ka ŋikalomak.

Ŋibur. 13:9

Nyicamakis ŋakitatameta ŋuna alalak ŋuna egelegelya ikibatarete iyes ananupit a ŋina a kire. Ejok iyes iryamunete alotai kus agogoŋu alotooma ajokis ŋina ka Akuj, meere alotooma akiwuapit ŋitalyo ŋulu a ŋamuja; nyiŋarakina ŋitalyo ŋul ŋituŋa ŋulu iwuapito ikes.

1 Sam. 9:13

Alomar iyes lotaun bon, iryamunete iyes iŋes eriŋa nyeloto nakibois ŋinamukur akimuj, nyimujete ŋituŋa mati kelot iŋes nen; anerae emaikina iŋes kiterereŋ amuronot, kimuja nai ŋituŋa ŋulu enyaritae nen. Kitipeiyosi, iryamunete iyes iŋes atipei.”