1 Tim. 3:4 - Ebaibul

⁴ Itemokino iŋes erae ŋolo epedorit akidar ekal keŋ ke elope ejok ka ŋolo epedorit akituruwor ŋidwe keŋ ŋulu epupete ŋakiro ka ŋulu eyakatar akerit alopitesyo a daadaŋ.

1 Tim. 3:4 Iomraidhean Croise

Akisy. 18:19

Nyemunoni, anerae adau ayoŋ aseun iŋes ikotere iciki ŋidwe keŋ ka ŋituŋa a ekal keŋ ŋulu iwuapete iŋes, kiwuapa erot ŋolo ke Ekapolon anakitiya ŋuna iyookino ka ŋuna ecamakinitae; ikotere nai isiyookini Ekapolon ŋuna adau akiikin Aburaam.”

Ŋitic. 10:2

Arae iŋes ekile ŋolo ainakina neni ka Akuj, ŋolo akerit ekal keŋ daadaŋ Akuj. Epotonori iŋes lokulyak ŋainakineta ŋuna alalak, kilipenenee iŋes Akuj ŋirwa daadaŋ.

Ŋiep. 5:24

Ikwaŋina epupyoto Ŋikristo Kristo, itemokino ŋaberu daŋ topupete jik ŋikilyok kec.

Ŋipil. 4:8

Aŋetakini ŋikaitotoi kaŋ, totamete ŋakiro nu ŋuna ejokak ŋuna emaikina yaut ekipuri: ŋakiro ŋuna erae kire ŋuna ekerer, ŋuna iyookino, ŋuna emam aronis, ŋuna ka amina ka ŋuna itojokitae.

1 Tim. 3:12

Itemokino ŋikeŋarakinitok ŋulu a Ŋikristo toyakatar ŋaberu ŋapeipei ka topedorito akidar ŋikalya kec a ŋilopeyek ejok.

Tito 1:6

Itemokino ŋolokatukon kikoni ne: torae ŋolo nyitoronitae, toyakar aberu apei; tonupito ŋidwe keŋ Yesu Kristo ka nyelimitoe anakiro a ŋuna ka adedeŋu ka aŋerit akipup ŋakiro.

Tito 2:2

Kitatam ŋikasikou toraakas ŋulu ecoito, ŋulu emaikina tokeritetei, ŋulu epakito, ŋulu egogoŋ ananupit, anamina ka anatitinyikinit.

Tito 2:7

Anakiro a daadaŋ itemokino iyoŋ elope torae akitaanyikinet ŋina a ŋipitesyo a ŋulu ajokak. Kitatam emam alyokonu ka tomukeana.

Yos. 24:15

Nai ani pa kejok aneni kus akitiyanakin Ekapolon, toseutu nai iyes ŋilopeyek nakoloŋit na ŋini itiyanakinete; kerae ŋakujo ŋuna etiyanakinete atapapaa kus Alokekwaye Aŋolol Eupurate, kori ŋakujo a Ŋiamori a ŋulu iboiyete iyes nakwap kec. Ani ayoŋ ka ekal kaŋ, ikitiyanakini Ekapolon.”