1 Tim. 3:16 - Ebaibul

¹⁶ Ikilimorit iwon ebe, epol kire jik akimunono ŋina ke edin yok: “Abu iŋes totakanu erae ituŋanan, abu Etau kitoodiu iŋes erae ŋolo iyookino, apotu ŋimalaikan kiŋolikis iŋes. Aponi tolimonokinae ŋakiro keŋ lobukui, apotu ŋituŋa ŋulu alalak anakwap tonupa iŋes, aponi yaarae iŋes kidiama napolou ŋina ka Akuj.”

1 Tim. 3:16 Iomraidhean Croise

Isa. 7:14

Aŋun, Ekapolon elope iŋes ikiinakini iyoŋ akitoodikinet. Topupok, epotiuni apese ŋina nyiryamakina ka ekile ikoku, idouni iŋes ikoku ŋinisapat, elimokini iŋes ekiro a ikoku a ŋin Emmanuel

Isa. 9:6

Edoun ikoku aŋuna yok, ikiinakin iwon ikoku ŋinisapat, eruwor iŋes ekepukan, enyarao iŋes, “Ekesirworiunan ŋolo ajokan nooi, Akuj ŋina etiron, Papa ŋolo a ŋikaru ka ŋikaru, Ekapolon a ekisil.”

Mika 5:2

Abu Ekapolon tema, “Betelem, etaun ŋolo eyai Epurata, tari kerae iyoŋ idit nooi alotaunio a ŋulu ka ateker a Yuda, alemuni ayoŋ ekepukan aneni kon, ekepukan ŋolo ebuni akipuka Isirael, ekepukan ŋolo eponito ŋakiro keŋ ananyameta a ŋuna a koloŋ.”

Mat. 1:23

“Epotiuni ka idouni apese ŋina nyiryamakina ka ekile ikoku ŋini sapat, enyarao ekeekiro Emmanuel.” (Apolou keŋ atemar, “Ikirukit iwon ka Akuj.”)

Mat. 13:11

Toboŋok Yesu ikes tema, “Ikiinakinitae iyes ayenut ŋuna imunono ŋuna ka Apukan a ŋina anakuj, nai nyeinakinitae ikes.

Mat. 28:2

Ŋolopeikiro tomaranik akwap; bu emalaika ŋolo ke Ekapolon anakuj, kikokoriyo amoru nawae, kiboikin kidiama keŋ.

Mat. 3:16

Ani kedaun Yesu akibatis, todoku iŋes anakipi tosodi toŋaari nakuj, kiŋolik iŋes Etau ŋolo ka Akuj ebuni alokidiama ikoni akuri, todo neni keŋ.

Mat. 4:11

Torotok nai Satan aneni a Yesu, tosodi potu ŋimalaikan ŋulu ka Akuj kiŋarakis iŋes.

Mar. 1:13

Kiboi Yesu analoŋisat ŋirwa ŋatomoniomwon, kitem nai Satan iŋes. Ayakasi ŋityaŋ daŋ naloŋisat ŋin, nai apotu ŋimalaikan kiŋarakis iŋes.

Mar. 16:19

Kedau Ekapolon Yesu erwori neni kec, aponi yae iŋes nakuj, kiboikin nakan ŋina aloteten Akuj.

Mar. 16:5

Toloto jik, ani elomarete ikes nalyal, toanyuwasi ekile ŋolo sorokit iboi alowae a ŋolo aloteten, enapit elou ŋolo akwaŋan kya. Tobul ikes nooi.

Luk. 2:32

Akica ŋina ecaikini lobukui ŋulu nyerae Ŋiyudayan, ka ŋina erae akipuro ŋina a ŋituŋa kon Isirael.”

Luk. 20:44

Ani kenyarit Daudi iŋes ‘Ekapolon;’ ikokini nai iŋes eruwor lokoku keŋ ai?”

Luk. 22:43

Bu emalaika anakuj, kitogogoŋ iŋes.

Luk. 24:4

Ani eriŋa ikes ewuasi a nen eŋayaŋayato a ŋakiro a ŋun, towua ŋinapeipaki ŋikilyok ŋiarei ŋulu anapito ŋilowi ŋulu amilimilete alodiye kec.

Luk. 24:51

Ani eriŋa iŋes iterereŋi ikes, kikyaarae iŋes alokiŋaren kec, tolot nakuj.

Yoa. 1:14

Bu Akirot toruwor ituŋanan, oruko ka isua. Aanyun isua apolou keŋ, apolou ŋina aryamuni iŋes aneni ka Akuj Papa ikwapei Lokoku keŋ ŋolo donupei ka eleleba neni keŋ ajokis ka ŋuna a kire.

Yoa. 13:3

Ayeni Yesu atemar abu Papa kiwuak ŋiboro daadaŋ nakan keŋ; ayeni daŋ iŋes atemar abuni aneni ka Akuj, ido eboŋori nabo nenipei keŋ.

Yoa. 15:26

“Ebuni ekeŋarakiniton, ŋolo eyakuuni ayoŋ aneni a Papa. Erae iŋes Etau ŋolo irworo ŋuna a kire; ebuni iŋes akiteyenun ayoŋ.

Yoa. 16:28

Abu ayoŋ aneni a Papa, abu nakwap, nabo aesikini ayoŋ akwap, oboŋo neni a Papa.”

Yoa. 17:5

Papa, inakinae ayoŋ apolou tokona alokiŋaren kon, apolou ŋinapei ikiyakar ayoŋ ka iyoŋ eriŋa tari akwap nyesubuna.

Yoa. 20:12

kiŋolik ŋimalaikan ŋiarei ŋulu anapito ŋilowi ŋulu akwaŋak iboiyete aneni eperikinitoe akuwan a Yesu. Eboi epei alowae a ŋolo ka akou, epei alowae a ŋolo a ŋakejen.

Yoa. 6:62

Ani bo nai kiŋolikis iyes Lokoku a Ituŋanan edokari neni ebunitor iŋes?

Ŋitic. 1:19

Kiirasi ŋituŋa daadaŋ ŋulu aya Yerusalem ŋakiro ŋun, ido tolimokis a aŋajep kec ekiro a emanikor a ŋol “Akel Dama,” iŋes atemar, “Emanikor ŋolo a ŋaokot.” )

Ŋitic. 10:34

Togeu Petero erwor tema, “Tokona ayenu ayoŋ kire atemar nyetyakatyakat Akuj ŋituŋa;

Ŋitic. 14:27

Ani edolunete ikes Antiokio, tocunakis ŋikanupak, tolimokis ikes ŋakiro daadaŋ ŋuna abu Akuj kitiya aneni kec ka epite ŋolo abunio Akuj toŋaarya erot ŋolo enupyata ŋituŋa ŋulu nyerae Ŋiyudayan.

Ŋitic. 20:28

Kimukeuna make ka kiyoko esipan daadaŋ ŋolo ecikak Etau ŋolo Asegan nakan kus. Toraakas ŋikeyokok ŋulu ka atukot a ŋina a ŋikanupak Akuj, ŋina abu iŋes kituruwo ŋina keŋ a ŋaokot a Lokoku keŋ.

Ŋirom. 10:12

Anerae emam atyaketait eyai kidiŋ Ŋiyudayan ka ŋulu nyerae Ŋiyudayan; erae Akuj apei ka erae Ekapolon a daadaŋ, ido iterereŋi nooi daadaŋ ŋulu ilipete neni keŋ.

Ŋirom. 10:18

Nai eŋita ayoŋ nu: erae mono kire atemar nyiirara ikes ŋakiro a? Kire apotu ikes kiirasi--ikwapei ebaakatar Ŋakigireta ebe, “Apotu ŋakiro ŋuna erworosi ŋikiyakia kielakin akwap daadaŋ; apotu ŋakiro kec tonaŋa nakisaleta ŋuna ka akwap.”

Ŋirom. 16:25

Oinakisi akipuro neni ka Akuj! Epedori iŋes akiturubakin iyes inupito alopite a ŋolo a Ŋakiro a ŋuna Ajokak a ŋuna a Yesu Kristo, ŋuna etatami ayoŋ ka alopite a ŋolo ka akitoodikinet a ŋakiro a ŋuna koloŋ emunonitae.

Ŋirom. 16:26

Nai tokona esileereun ŋakiro ŋun a Nakigireta a ŋikadwarak ka eteyenikin lotuŋa a ŋibukui a daadaŋ lopite ŋolo icikakinitor Akuj ŋina nyesaluni; ikotere tonupa ka kiwuapa daadaŋ ŋakiro ŋuna ka Akuj.

Ŋirom. 3:4

Mam jik! Erubakini Akuj iricit ŋakiikineta keŋ tari kelyokoko ŋituŋa daadaŋ. Ikwapei igiritere Nakigireta ebe, “Apaki ŋina irworikinia iyoŋ Akuj, ileere atemar iyookino iyoŋ; ka iloununui iyoŋ ŋina ikisitakinere.”

Ŋirom. 8:3

Adau Akuj akitiya ibore daadaŋ ŋini pa apedorete Ŋikisila akitiya, anerae epalag ŋipitesyo a ituŋanan. Abu Akuj totubok asecit alotooma ituŋanan anakiyakuun Lokoku keŋ, ŋolo abu bu alokuwane a ŋolo a ituŋanan a ŋolo eyai asecit, alemarya asecit.

Ŋirom. 9:5

Erae ikes ŋiletok ŋulu atapapaa yok a ŋulu apolok nooi a ŋulu elimokinitae ŋirorwa kec lokabilae a ŋituŋa ka Kristo daŋ alopite a ŋolo araakar iŋes ituŋanan, arae ŋolo anateker kec. Kipuroe Akuj ŋina ipukat daadaŋ, ŋikaru ka ŋikaru! Amen.

1 Ŋikor. 15:47

Adam ŋolo eŋarenon, ŋolo asubunio analup, erae ekaakwap. Adam ŋolo a ŋiarei ŋolo erae Kristo, erae ekanakuj.

1 Ŋikor. 2:7

Nai ikitatami isua iyes aosou ŋina ka Akuj ŋina imunono ŋina iwuaitae. Eriŋa tari akwap nyesubuna, keris Akuj ketyaku atemar itemokino iwon omora ka iŋes apolou keŋ.

2 Ŋikor. 1:19

Anerae Yesu Kristo ŋolo erae Lokoku ka Akuj ŋolo apotu Silipano, Timoteo ka ayoŋ itolimonokin iyes ŋakiro keŋ--nyerae iŋes, “Ee” ka “Mam”, nai erae iŋes, “Ee” ŋolo ka Akuj.

Ŋigal. 2:8

Anerae ikwapei abunio Akuj kituruworya Petero ekiyakia neni a Ŋiyudayan, abu eketuruwo ayoŋ daŋ ekiyakia neni a ŋituŋa a ŋulu nyerae Ŋiyudayan.

Ŋigal. 4:4

Nai, ani edoli apaki ŋina etemokino, abu Akuj kiyaku Lokoku keŋ ka alope. Abu iŋes bu erae lokoku ka aberu ikwa ŋulucetuŋa ka abu topolou ipukato Ŋikisila a Ŋiyudayan,

Ŋiep. 1:9

ikitaanyu iŋes iwon alosikinet keŋ ŋina imunono ikwapei araakar acamit ka alakara keŋ ŋin.

Ŋiep. 6:19

Kilipanakinetei ayoŋ daŋ, ikotere okoinak Akuj akirot ŋina iyookino ayoŋ erwor; ikotere nai erwor emam akuryanu, ido etaanyu ŋituŋa akimunono ŋina a Ŋakiro a ŋuna Ajokak.

Ŋikol. 1:23

Itemokino nai iyes torubakis icasito ananupit kus, nyiryaŋiryaŋanakin anakigeno a ŋina a Ŋakiro a ŋuna Ajokak a ŋuna ipotu iyes kiirasi, ŋuna adaun alimonokin lotuŋa daadaŋ anakwapin--ŋakiro ŋun araakar ayoŋ Paulo ekalimonokinan.

Ŋikol. 1:27

Abu Akuj tocamu akisileerekin ikes alalau ka apolou ŋina a ŋakiro a ŋuna imunono a ŋun, ŋuna erae aŋuna a ŋituŋa a daadaŋ. Ŋakiro ŋuna imunono ikes Kristo alotooma kus, ŋolo erae akigeno ŋina ikiponia iwon akimor apolou ŋina ka Akuj.

Ŋikol. 1:6

Erubakinito Ŋakiro ŋuna Ajokak erayete ka epoloete ka ealakin nakwapin daadaŋ, lopite ŋolo etiyakinotor neni kus ameun akoloŋit ŋina iiraryata iyes ekiŋaren ŋuna ka ajokis a ŋina ka Akuj ka ipotu iyes toanyut epite ŋolo eyakatar ikes kire.

Ŋikol. 2:2

Etiyae ayoŋ ŋun, ikotere kimukekiniata iyes alotai kus ka kimorikinos anamina; ido nai toryamut ebari daadaŋ ŋolo eyauni ayenut ka toyenut ejok ŋakiro ŋuna imunono ŋuna ka Akuj, ŋuna erae Kristo elope.

2 Ŋites. 1:10

Itiyakinio ŋun Akoloŋit ŋina ebunio iŋes aryamun akitopolooro aneni a ŋituŋa keŋ ka aryamun aumokinet aneni a ŋulu enupito iŋes. Iyakaunosi iyes daŋ kidiŋ kec, anerae inupa iyes ŋakiro ŋuna aponi isua ikilimokin iyes.

2 Ŋites. 2:7

Anerae adaut ŋapedorosyo ŋuna itiyaete aronis anakimunono ageun etic kec, nai nyisileereunio ikes mati mono kelemar iŋes alorot a ŋolo iretakinitor iŋes ikes.

1 Tim. 3:9

Itemokino ikes kiricito akimunono ŋina ka anupit a ŋatameta a ŋuna ecayete.

Ŋibur. 1:3

Inwakunit iŋes akica ŋina ka apolou a ŋina ka Akuj, nabo ikwaan iŋes per ka Akuj alope. Isicasit iŋes akwap ka agogoŋu a ŋina ka akirot keŋ. Ani kedau aryamikin ŋituŋa akisyonio ŋina a ŋasecisya kec, abu kiboikin nakuj lowae ŋolo aloteten Akuj.

Ŋibur. 12:2

Orubakisi ikite Yesu ŋolo erae neni keŋ ebunitor anupit yok daadaŋ, ŋolo ilelebikini anupit yok. Abu iŋes todaŋ atwanare alomusalaba, nyemitak ŋileec, anerae apol alelyan ŋina edarit iŋes. Iboi tokona alowae a ŋolo aloteten ekicoloŋ ŋolo ka Akuj.

Ŋibur. 7:7

Emam aŋayaŋayat, ileerete ŋakiro ŋun ebe ŋini iterereŋi ŋinice epol akilo ŋini iterereŋio.

Ŋibur. 8:1

Akirot ŋina ikirworo iwon iŋes na: ikiyakar iwon Esacaradoti yok ŋolo Apolon nooi, ŋolo iboi alowae a ŋolo aloteten ke ekicoloŋ a ŋolo ka Akuj a ŋina etiron a ŋina anakuj.

1 Pet. 1:12

Abu Akuj kitoodik ŋikadwarak atemar, pa arae aŋuna kec a ŋilopeyek erworotor ikes ŋakiro ŋun, nai arae aŋuna kus. Ŋakiro ŋuna Ajokak ŋunapei ŋun elimonokinete tokona Ŋikiyakia neni kus anapedor a ŋina ke Etau a ŋolo Asegan a ŋolo eyakuunio anakuj. Tari ŋimalaikan daŋ iitanito ayenun ŋakiro ŋunapei.

1 Pet. 1:20

Abu Akuj toseu iŋes eriŋa nyesubuna akwap ka aponi kitoodiunae iŋes aŋuna kus ŋirwa lu ŋulu esidyok.

1 Pet. 1:21

Alotooma keŋ, inupito iyes Akuj, ŋina eteyaruni iŋes alokatwak, ido inak iŋes apolou; ikotere nai eyakaun anupit ka akigeno kus neni ka Akuj.

1 Pet. 3:18

Tari Kristo daŋ abu totwan apeitwanet bon aŋuna a ŋasecisya, totwan iŋes ŋolo amam asecit aŋuna a ŋikasecak; ikotere ikirikorya iyes neni ka Akuj. Apotu ŋituŋa toara Kristo alokuwane, nai abu Akuj kiteyaru iŋes erae ituŋanan ŋini erae etau.

1 Pet. 3:22

Abu iŋes tolot nakuj ka eyai lowae ŋolo aloteten Akuj, ipukat ŋimalaikan daadaŋ ka ŋikapolok ŋulu eyakatar ŋapedorosyo anakuj.

1 Yoa. 1:2

Ŋina esileereunere akiyar ŋin, ikipotu isua oanyuwasi iŋes ka ikiteyenunit ŋuna keŋ ka ikiserae neni kus akiyar ŋina nyedaun, ŋina aya kaapei ka Akuj Papa, ŋina aponi kisileereunoe neni kosi.

1 Yoa. 3:5

Iyenete iyes atemar atakanuni Yesu alemar ŋasecisya ka emam asecit aneni keŋ.

1 Yoa. 3:8

Ituŋanan daadaŋ ŋini esecenene, iŋes erae ŋini a Satan, anerae aberakin koloŋ sek Satan asecenen ŋinapei anakisyakinet. Atakanuni Lokoku ka Akuj aŋuna ka akinyasun etic a Satan.

Akis. 17:5

Egiritae ikona loreet keŋ ekiro ŋolo imunono apolou keŋ, “Babilon ŋolo apolon nooi, toto a ŋamalaae ka ŋakiro ŋuna aronok anakwap daadaŋ.”

Akis. 17:7

Nai ekeŋit ayoŋ emalaika tema, “Kaanukiro ikibulitor iyoŋ? Akalimokini ayoŋ iyoŋ apolou ŋina a ŋakiro a ŋuna imunono a ŋuna ka aberu a ŋin ka ŋuna ke etyaŋ a ŋolo iboiyo iŋes, a ŋolo eyakar ŋakyes ŋakanikaarei ka ŋamomwar ŋatomon.

Akis. 7:9

Ani kelunyar ŋun, abu oanyuwa asepic a ŋituŋa a ŋulu pa apedori idiotuŋanan akimarun. Arae ikes ŋulu a ŋibukui, a ŋikabilae, a ŋakwapin ka a ŋaŋajepa a daadaŋ. Apotu ikes towua alokiŋaren ekicoloŋ ŋolo a Imesek; tonapito ŋilowi ŋulu akwaŋak ka toyakatar ŋaten ŋuna a ŋaŋolya nakan kec.