1 Tim. 3:13 - Ebaibul

¹³ Ŋikeŋarakinitok ŋulu itiyaete etic kec ejok, ikes eryamunete akereru ka epedorete ikes erwor ŋuna ka anupit Yesu Kristo emam akuryanu.

1 Tim. 3:13 Iomraidhean Croise

Mat. 20:28

Ikwaŋinapei, pa abunit Lokoku a Ituŋanan akitiyanakino, nai abunit akitiyanakin ka akijal akeekiyar tolakunere ŋulu alalak.”

Mat. 25:21

Tolimok ekapolon iŋes tema, ‘Ikoŋina! Irae iyoŋ eketiyan ŋolo ajokan ka ŋolo ikinyoma. Ikwaŋina ibunio iyoŋ tojokyaror anakicuruta a ŋina edit, ekewuakini iyoŋ nakicuruta ŋina apolon. Bua olakaros kaapei ka ayoŋ.’

Luk. 19:17

Tolimok ekapolon iŋes tema, ‘Ejok nooi, irae iyoŋ eketiyan ŋolo ikikinyomitae! Ikwaŋina ikikinyomitere iyoŋ anibore a ŋini cici, ipolokini iyoŋ ŋitaunio ŋitomon.’

Ŋitic. 21:35

Ani edolunete ikes nadoketa ŋuna elomarere lolain, todedeŋiar asepic nooi, tosodo ŋisigarya todaka Paulo erae akidak.

Ŋitic. 6:15

Kitekis ŋituŋa daadaŋ ŋulu ka Atukot Stepano, kiŋolikis ereet keŋ ecai ikwa ŋolo ke emalaika.

Ŋitic. 6:5

Tocamu asepic daadaŋ akirot na. Toseut ikes Stepano, ekile ŋolo ayai anupit nooi, ŋolo eleleba Etau ŋolo Asegan. Toseut nabo Pilipo, Prokoro, Nikanor, Timon, Parmena ka Nikolao ŋolo anakwap a ŋina ka Antiokio, ŋolo aris kibelekin toruwor ŋolo alodin a Ŋiyudayan.

Ŋitic. 6:8

Kitiya Stepano, ŋolo ainakinit Akuj ajokis ka apedor, ŋaumonokineta ka ŋakujuwuanisya alotuŋa.

1 Ŋikor. 16:15

Iyenete iyes Stepana ka ŋituŋa ŋulu ke ekal keŋ, erae ikes Ŋikristo ŋulu esyaunete akinup anakwap a ŋina ka Akaia ka ainakinosi akitiya etic aŋuna a ŋituŋa ka Akuj. Ekemaimai ayoŋ iyes ŋikaitotoi,

Ŋipil. 1:14

Nabo eyatak ayakau kaŋ mabus lokaitotoi ŋulu alalak alotooma Kristo akikinyom Ekapolon, ido elimonokinete Ŋakiro ŋuna Ajokak etitiny ka emam akuryanu.

1 Ŋites. 2:2

Iyenete iyes epite ŋolo aponere ikiteryamunere isua ŋican ka itobolyare alo Pilipi. Kikote neni daŋ, abu Akuj yok ikiinak isua atitinyu ŋina limonokinet iyes Ŋakiro ŋuna Ajokak ŋuna eponito aneni keŋ, tari ŋina atyonio nooi etic kosi.

1 Tim. 3:14

Egeno ayoŋ abunore neni kon atipei, nai egiri ayoŋ ŋakiro nu neni kon, ikotere

2 Tim. 2:1

Ani iyoŋ lokoku kaŋ, toruwor ŋolo igogoŋ anajokis a ŋina erae ŋina yok alotooma akimorikina ka Yesu Kristo.

Ŋibur. 6:10

Erae Akuj ŋina iyookino nooi, nyimuryakini iŋes etic ŋolo itiyaete iyes. Idaut iyes akiŋarakin Ŋikristo ŋuluce ka eriŋa iŋaranakinete, ido itoodiunito iyes amina kus neni keŋ alopite a ŋol.