1 Tim. 3:11 - Ebaibul

¹¹ Ŋaberu kec daŋ, itemokino erae ŋuna emaikina tokeritetei, nyirworotor ŋulucetuŋa, torae ŋuna etyamaarito ka ŋuna ikinyomitae anakiro a daadaŋ.

1 Tim. 3:11 Iomraidhean Croise

Ŋikiru. 101:5

Amunyari ayoŋ ŋituŋa daadaŋ ŋulu irworosi itoroniarito ŋuluce, nyacamuni ayoŋ arukit ka ŋulu itopolooro bon ka ŋulu eturok.

Ŋikiru. 15:3

ikes ŋulu nyecamito asyomar ŋuluce, ŋulu nyitiyaete aronis neni a ŋikonei kec, kori ŋulu nyinyaŋete ŋikidunyet kec.

Ŋikiru. 50:20

Irworosi iyes a ŋinapaki itoroniarito ŋiyeneta kus, ido iswomatar ŋikaitotoi kus.

Ŋakit. 10:18

Ituŋanan ŋini imunonit ŋuna ikimanitor, irworo alyokonu, ituŋanan ŋini irworor ŋuluce, erae ibaŋaanot.

Ŋakit. 25:13

Ekiyakia ŋolo ikinyoma, erae ituŋanan ŋini ejok aneni a ŋini iyakit iŋes, ikwaan iŋes ejok ka alilimu ŋina elilimio akwap itiyao naparan.

Yer. 9:4

Tocoikinito ŋikidunyet kus ka nyikinyomito idio alotooma ŋiyeneta kus, anerae erae ŋiyeneta kus daadaŋ ŋulu amodyanakinak ka irimito ŋikidunyet kus daadaŋ erae ŋikamodiyanak.

Esek. 44:22

Nyemaikina ŋisacaradoti kiita aberu ŋina erae apuserut, kori ŋina aŋerosi ka ekile keŋ, nai emaikina ikes kiita aberu ŋina sek nyiryamakina ka ekile, ŋina erae ŋina alotuŋa a Isirael, kori apuserut ŋina sek arae lokile keŋ esacaradoti.

Ŋilep. 21:7

Nyemaikina ikes kiita ŋaberu ŋuna erae ŋamalaae, kori ŋuna sek iryamakina ka ŋikilyok, kori ŋuna sek elakitae, anerae emaikina ŋisacaradotin erae ŋulu esegak aneni ka Akuj kec.

Mat. 4:1

Ya nai Etau ŋolo ka Akuj Yesu nalongisat, ikotere itemi Satan iŋes.

Yoa. 6:70

Toboŋok Yesu ikes tema, “Nyeseuna ayoŋ iyes ŋulutomon ka ŋiarei a? Nai, eyai kidiŋ kus ŋolo erae ŋolo a Satan!”

Ŋirom. 1:29

Ileleba neni kec ŋakiro ŋuna nyiyookino--aronis, akiŋobel ka ediŋet; ileleba arakao, akiar, ebura, amodiyo, ŋinyas ka asyoma.

1 Tim. 1:12

Alakara ayoŋ neni a Yesu Kristo Ekapolon yok, ŋolo akainaki ayoŋ agogoŋu aŋuna ke etic kaŋ, anerae ekemarak ayoŋ atemar arae ŋolo ekinyoma aŋuna ekewuakinia ayoŋ lotic keŋ,

1 Tim. 3:2

Itemokino ekarikon ŋolo a Ŋikristo erae ŋolo nyitoronitae, ŋolo eyakar aberu apei, ŋolo etyamaarit, ŋolo ecayete ŋatameta, ŋolo ejokak ŋipitesyo, ŋolo ijaununui ŋituŋa lore keŋ ka ŋolo epedorit akitatam ejok.

1 Tim. 6:2

Nyejok ŋipi ŋulu erae ŋikapolok kec Ŋikristo ejamuwarito ikes, aŋuna eraakatar ŋikepukak kec ŋikaitotoi alotooma Kristo. Nai akilo, itemokino ikes kitiyanakis ikes ejok nooi, anerae ŋulu itiyanakinio eraakasi ŋikanupak ŋuluminan.

2 Tim. 3:3

eruworosi ŋulu emamukatar aminanar, ŋulu emam akitim, ŋulu irworotor ŋuluce, ŋulu ededeŋ ka eryenyaaka; eruworosi ŋulu eremokino ŋuna ajokak,

2 Tim. 4:5

Nai aneni kon, itemokino torae ŋolo ipakit anakiro a daadaŋ, kidaŋidaŋi ŋican, kitiya etic ŋolo ke ekalimonokinan a Ŋakiro a ŋuna Ajokak ka kitiya etic kon daadaŋ irae eketiyan ŋolo ka Akuj.

Tito 2:3

Ikwaŋinapei, kitatam ŋakimak kiboiyoto alopite a ŋolo itoodiunit atemar ekerito ikes Akuj, nyirworotor ŋulucetuŋa ka nyeruworosi ŋakamerak. Itemokino ikes toruworos ŋuna itatamete ŋakiro ŋuna ajokak,

Tito 3:2

Tolimok ikes nyirworotor idiotuŋanan, nai torae ŋulu ke ekisil ka ŋulu edaŋaŋ make, ŋulu itoodiunito arimao neni a ŋituŋa a daadaŋ.

1 Pet. 5:8

Totenito, tokienyete! Anerae irimit Satan, ŋolo erae emoit kus ikwa eŋatuny ŋolo irurumae iwarit idio ŋini nyamat.