1 Tim. 2:8 - Ebaibul

⁸ Eitanit nai ayoŋ atemar anakiboisyo a daadaŋ, a ŋuna ilipyata Ŋikristo, itemokino ŋikilyok kilipa ikiarito ŋakan ŋuna emam asecit; tomam aŋoit kori ebura eyakatar.

1 Tim. 2:8 Iomraidhean Croise

1 Ŋirw. 3:11

Tema Akuj neni keŋ, “Aŋuna ikiŋisya iyoŋ ayoŋ ŋakiro ŋun, ido nyiŋita iyoŋ ayoŋ akiyar ŋina aoyan aŋuna kon a elope, meere tari ebari aŋuna kon a elope, meere tari amunyar ŋimoe kon, nai ayenun epite ŋolokipukaet ejok,

Yob 16:17

nai emam ŋakiro ŋuna aronok ŋuna etiyat ayoŋ ka etopoloorit ayoŋ Akuj anakilip kaŋ.

Ŋikiru. 134:2

Kikyaasi ŋakan kus ilipete iteorito nakibois ŋina asegan, ido kipuro Ekapolon.

Ŋikiru. 141:2

Tocamu akilip kaŋ lopite ŋolo icamunia iyoŋ eure ke ekinyate ŋolo abobon; tocamu akikyaarit kaŋ ŋakan kaŋ lopite ŋolo icamunia iyoŋ amuronot ŋina ka ataboŋ.

Ŋikiru. 24:4

Erae ŋulu ejokak ŋiticisyo kec ka ŋulu iyookino alotai kec, erae ŋulu nyilipete neni a ŋakujo a ŋunacaryo, kori nyikoŋete anakiro aŋuna erae alyokonu.

Ŋikiru. 26:6

Ekapolon, elotari ayoŋ ŋakan kaŋ etoodiunit atemar nyasecit;

Ŋikiru. 28:2

Kiira ŋakiro ŋuna ka akilip kaŋ, apaki ŋina egworor ayoŋ neni kon akiŋarakino, apaki ŋina ekeyaaritor ayoŋ ŋakan kaŋ elipi neni kon eteorit nakibois kon ŋina asegan nooi.

Ŋikiru. 35:13

Nai apaki ŋina adyakatar ikes, abu ayoŋ onap ŋilowi ŋulukigworet egwor aŋuna kec, ido abu etiditeun bon eredak akiron ka elip ejuurui,

Ŋikiru. 63:4

Ekepuri ayoŋ iyoŋ ŋirwa daadaŋ ŋulu ka akiyar kaŋ, ido ekyaari ayoŋ ŋakan kaŋ elip anyarit ekiro kon.

Ŋikiru. 66:18

Ani kerae sek emunonite ayoŋ asecit alotau kaŋ, pa kepupokinit Ekapolon ŋakiro kaŋ;

Ŋakit. 15:8

Erae ŋamuronisya a ŋulu aronok asiilyo aneni a Ekapolon, nai elakara Ekapolon aŋuna ka akilip a ituŋanan a ŋini iyookino.

Ŋakit. 21:27

Erae amuronot a ŋulu aronok ibore ŋini erae asiilyo, etya nai asiilyo ŋin ai erae keyaunitae amuronot ŋin aŋuna ka akitiyaa aronis!

Isa. 1:15

Ani ikyaarete iyes ŋakan kus ilipete, nyeŋoliuni ayoŋ neni kus, tari daŋ kilipa iyes ŋakilipasinei ŋuna alalak, nyapupokini ayoŋ, anerae itereŋa iyes ŋakan kus anakiar ŋituŋa.

Mat. 21:21

Toboŋok Yesu ikes tema, “Akalimokini ayoŋ iyes kire atemar, ani iyakatar iyes anupit ka nyiŋayaŋayato, itiyaete iyes ŋuna etiyak ayoŋ lobobore. Meere ŋuna bon, ilimokinete tari emoru lo atemar ‘Kiyoto a ne, kimasar nanam,’ itiyakinio.

Mat. 5:44

Nai tokona akalimokini ayoŋ iyes atemar, tominas ŋikusimoe ka kilipanakinete ŋulu ikisicanito iyes;

Mat. 6:12

Kisyoni isua ŋasecisya kosi, ikwaŋina ikisyoniyo isua daŋ ŋulu eseceneneete aneni kosi.

Luk. 23:34

Kirworik Yesu tema, “Papa kisyoni ikes, anerae nyeyenete ŋuna itiyaete.” Tokora ikes ŋikeelowi ka akilamilam ŋisigirya.

Luk. 24:50

Tosodi toriko iŋes ikes Betania. Kikyaa iŋes ŋakeekan a nen, kiterereŋ ikes.

Yoa. 4:21

Tolimok nai Yesu iŋes tema, “Aberu, tonup ŋuna kaŋ, ebunit apaki ŋina nyilipyata iyes neni ka Akuj a Papa alomoru a lo kori alo Yerusalem.

Ŋitic. 10:2

Arae iŋes ekile ŋolo ainakina neni ka Akuj, ŋolo akerit ekal keŋ daadaŋ Akuj. Epotonori iŋes lokulyak ŋainakineta ŋuna alalak, kilipenenee iŋes Akuj ŋirwa daadaŋ.

Ŋitic. 10:31

Kirworik iŋes tema, ‘Kornelio, eira Akuj akilip kon ka atamu daŋ ŋainakineta kon lokulyak.

Ŋitic. 10:4

Kitek Kornelio emalaika ekuryanit, kiŋit tema, “Ekapolon, nyo?” Toboŋok emalaika iŋes tema, “Acamu Akuj akilip kon ka ŋainakineta kon lokulyak ka ikitamu iŋes iyoŋ.

Ŋitic. 21:5

Tari ŋina alimunitere ŋun, ani edaun ŋarwa ŋuna arukitere isua ka ikes, kitemokinetei isua arotokin. Ikitenakis isua ŋikanupak daadaŋ ka ŋaberu kec ta ŋidwe daŋ, tolotoi kiŋa etaun nacukut ŋina ka anam, toryedikoe kilipae, ido totyakatei.

Ŋitic. 7:60

Toryedik nai tocelu a etoil a ŋolo apolon tema, “Ekapolon! Nyimarak asecit na neni kec!” Ani kedau iŋes alimun ŋun, kiridak.

1 Ŋikor. 1:2

ikigirit abaruwa na neni ka atukot a Ŋikristo a ŋina eyai Korinto: neni kus a ŋulu ikityakunitae anakimorikina ka Yesu Kristo, ŋulu ikinyarae aruwor ŋituŋa ŋulu ka Akuj, kaapei ka ŋulu daadaŋ ilipete anakiboisyo a daadaŋ alokiro a Yesu Kristo Ekapolon yok, a ŋolo erae Ekapolon kec ka ŋolo yok.

1 Ŋikor. 7:7

Okoe, kerae kikote ŋituŋa daadaŋ ayoŋ ŋolo amamukar aberu. Nai eyakar ŋinituŋanan ainakinet keŋ aneni ka Akuj; icetuŋanan ainakinet ŋina ikoni ŋin, ice ŋina egelaana.

2 Ŋikor. 2:14

Olakaros neni ka Akuj! Anerae ikiŋarenikinit iŋes iwon jwi jwi anakiloun a ŋina a Yesu Kristo! Ikisitiyae iŋes iwon akielakin nakwap daadaŋ eure ŋolo akukunyon ŋolo ka ayenut keŋ.

Ŋipil. 1:12

Ŋikaitotoi, acamit ayoŋ iyes toyenut ebe, ŋakiro ŋuna etiyakin neni kaŋ, eŋarakis akielar Ŋakiro ŋuna Ajokak.

1 Ŋites. 1:8

Anerae meere bon ŋakiro ŋuna ke Ekapolon ŋuna alimonokin iyes eelakin Makedonia ka Akaia, nai tari anupit kus Ekapolon, eelakin akwap daadaŋ. Aŋun, emam ŋace ŋuna itemokino isua olimutu.

1 Tim. 5:14

Aŋun, atami ayoŋ atemar emaikina ŋapuseru ŋuna eriŋa esorokaka kiitae, toryamut ŋidwe ka kidara ŋirerya kec, ikotere nai nyeryamut ŋimoi yok adiopaki ŋina ikitoroniyaryata iwon.

Tito 3:8

Erae ŋun ŋakiro ŋuna a kire. Acamit iyoŋ kitatam ŋakiro ŋun ka agogoŋu, ikotere nai ŋulu enupito Akuj eruwor ŋulu emitakinito akitiya ŋiticisyo ŋulu ajokak. Ejokak ŋakiro ŋun daadaŋ, ido iŋarakinete ŋituŋa daadaŋ.

Ŋibur. 10:22

Aŋun, oapiyasi neni ka Akuj a ŋitai a ŋulu iwuapito ŋuna a kire ka ananupit a ŋina egogoŋ; nabo a ŋitai a ŋulu iteseguna anasecisya ka ŋawat ŋuna adaun akilotar a ŋakipi a ŋuna asegak.

Yak. 4:8

Toapuutu neni ka Akuj, eapuuni iŋes daŋ neni kus. Kilotasi ŋakan kus iyes ŋikasecak! Kitesega ŋitai kus iyes ŋituŋa ŋulu a ŋitai a ŋiarei!

1 Pet. 3:7

Ikwaŋinapei, iyes daŋ ŋikilyok, itemokino kiboiyete ka ŋaberu kus ejok, toyenete atemar epalag ikes. Tokerito ikes, anerae einakini Akuj ikes daŋ ikwa iyes akiyar ŋina nyedaun. Kitiyata ŋun, ikotere tomam ibore isigukini akilip kus.