1 Tim. 2:15 - Ebaibul

¹⁵ Nai eiun aberu aŋuna ka akidore, erae kerubaki iŋes ananupit, anamina, alopite a ŋolo itoodiunit atemar ekerit iŋes Akuj ka ŋolo ka akiyapara.

1 Tim. 2:15 Iomraidhean Croise

Isa. 7:14

Aŋun, Ekapolon elope iŋes ikiinakini iyoŋ akitoodikinet. Topupok, epotiuni apese ŋina nyiryamakina ka ekile ikoku, idouni iŋes ikoku ŋinisapat, elimokini iŋes ekiro a ikoku a ŋin Emmanuel

Isa. 9:6

Edoun ikoku aŋuna yok, ikiinakin iwon ikoku ŋinisapat, eruwor iŋes ekepukan, enyarao iŋes, “Ekesirworiunan ŋolo ajokan nooi, Akuj ŋina etiron, Papa ŋolo a ŋikaru ka ŋikaru, Ekapolon a ekisil.”

Yer. 31:22

Okoe iyes ŋituŋa ŋulu emam akikinyoma, tari ori irimito iyes? Adau Ekapolon asubun ibore ŋini kitete anakwap, iyoki aberu ekile.”

Luk. 2:7

Kidou iŋes ikoku keŋ ŋini sapat ŋini kiyae, kimukok ŋilowi, kiperik iŋes nataker ŋina amasyata ŋaatuk, anerae amam ikes neni perot ka adidiŋ akai ŋina a ŋipeyok.

1 Ŋikor. 12:23

Ŋinerin ŋulu ikitami iwon atemar emam nyelal ajokis eyai, ikes ŋinerin ŋulu ecoikinitae nooi ka ŋinerin ŋulu ka akuwan ŋulu nyejokak akiŋolikin, ikes ŋulu ikiyait iwon ka akiyapara.

1 Tim. 1:14

Abu Ekapolon okoinak ayoŋ ajokis keŋ ilapara; ido okoinak anupit ka amina, ŋuna erae ŋuna yok alotooma akimorikina ka Yesu Kristo.

1 Tim. 1:5

Nai ŋuna elosikinitoe isua anakitatam kosi erae amina ŋina ebunit alotau a ŋolo Asegan, anatameta a ŋuna ecayete ka ananupit a ŋina a kire.

1 Tim. 2:9

Eitanit ayoŋ ŋaberu daŋ tonapito ejok alopitesyo a ŋulu nyisuparete ŋituŋa ŋuluce. Nyitemokino ikes akisibusa a ŋitim a ŋulu eoitoe, kori anapit ŋiboro ŋulu itiyaunitae a egolid kori a ŋakamilimili kori a ŋilowi a ŋulu epol egyelit;

Tito 2:12

Ikitatami ajokis ŋin iwon aesikin ŋipitesyo ŋulu nyekerito Akuj ka ekibure ŋolo ka akwap a na ka itemokino ikiboi ikirae ŋulu ikitenit anatameta, ŋulu ikiyookino ka ŋulu ikikerit Akuj anakwap a na,

1 Pet. 4:7

Aapuu asalunet ŋina a ŋiboro a daadaŋ. Aŋun, itemokino iyes iyokiuno make ka itenito, topedorito akilip.