1 Tim. 2:10 - Ebaibul

¹⁰ nai itemokino ikes torae ŋuna ajokak a ŋiticisyo, ikwapei ejokyata ŋun anaberu a ŋuna ebasi ikinupit ikes ŋakiro ŋuna ka Akuj.

1 Tim. 2:10 Iomraidhean Croise

Ŋakit. 31:25

Erae iŋes ŋina egogoŋ ka itopolooritae, mam ŋuna itubulito iŋes anapakio a ŋuna eponito alokiŋaren.

Ŋakit. 31:31

Emaikina inakinae iŋes akitalakaret aŋuna a etic keŋ a daadaŋ, emaikina iŋes toryamu akitopolooro aneni a ŋituŋa a daadaŋ.

Ŋitic. 9:36

Ayai Yoppa akanupan ŋina anyaritae Tabisa. (Anyaritae ekiro keŋ a Ŋagirik Dorka, iŋes atemar “Agete.”) Etiyae iŋes ŋuna ajokak akiŋaranakin ŋikulyak.

Ŋitic. 9:39

Torukosi nai Petero ka ikes. Ani edoli, yaarae nagule ŋina ayai kidiama. Awuasi ŋapuseru daadaŋ alodiyete Petero, kigworos ka kitoodikis iŋes ŋikiteiteyo ka ŋikotyo ŋulu kitiyauni Tabisa eriŋa erukito ka ikes.

Ŋiep. 2:10

Akuj iŋes ikiteyakau iwon lopite ŋolo ikiyakar tokona anakimorikina yok ka Yesu Kristo. Adau iŋes asubun iwon nabo alotooma Yesu Kristo, ikotere nai iwon ikitiyae ŋiticisyo ŋulu ajokak, ŋulu aris iŋes kedau akitemonokin kitiyae iwon.

1 Tim. 2:11

Itemokino ŋaberu toyenut ŋakiro anakililiŋ ka anakitiditeuna.

1 Tim. 2:9

Eitanit ayoŋ ŋaberu daŋ tonapito ejok alopitesyo a ŋulu nyisuparete ŋituŋa ŋuluce. Nyitemokino ikes akisibusa a ŋitim a ŋulu eoitoe, kori anapit ŋiboro ŋulu itiyaunitae a egolid kori a ŋakamilimili kori a ŋilowi a ŋulu epol egyelit;

Tito 2:14

Abu iŋes tojal akiyar keŋ aŋuna yok, aiun iwon anaronis a daadaŋ ka akituruwor iwon ŋituŋa ŋulu asegak ŋulu erae ŋulu keŋ make, ŋulu imuit nooi akitiya ŋuna ajokak.

Tito 3:8

Erae ŋun ŋakiro ŋuna a kire. Acamit iyoŋ kitatam ŋakiro ŋun ka agogoŋu, ikotere nai ŋulu enupito Akuj eruwor ŋulu emitakinito akitiya ŋiticisyo ŋulu ajokak. Ejokak ŋakiro ŋun daadaŋ, ido iŋarakinete ŋituŋa daadaŋ.

1 Pet. 2:12

Itemokino ŋipitesyo kus toruworos ŋulu ajokak alotuŋa a ŋulu nyenupito Akuj; apaki ŋina ikisitakiniata ikes iyes ebasi ŋikasecak, eyenunete ikes ŋiticisyo kus ŋulu ajokak, ido kipuro Akuj Akoloŋit ŋina ka abunore keŋ.

2 Pet. 3:11

Ikwapei inyasunere ŋiboro lu daadaŋ alopite a lo, nyo nai itiyakin neni kus? Itemokino akiyar kus torae ŋina ajokan ŋina ecamit Akuj.

Akis. 2:19

Ayeni ayoŋ ŋiticisyo kon, amina kon, anupit kon, akijaanakin kon, atitinyu ŋina nyibunyakina ka ayeni atemar iloito ŋiticisyo kon ŋulu a tokona ŋulu paaran ke ekiŋaren.