1 Tim. 1:9 - Ebaibul

⁹ Itemokino iwon oyenete atemar nyeyeunitae Ŋikisila aŋuna a ŋituŋa a ŋulu iyookino, nai aŋuna a ŋulu ebilibiliyete Ŋikisila ka ŋulu eŋerito akipukao, aŋuna a ŋulu nyenupito Akuj, ŋikasecak, aŋuna a ŋulu nyesegak alotai ka ŋulu ejamuwarito Akuj, aŋuna a ŋulu earete atapapa kec kori atatoto kec, ka ŋikaarak,

1 Tim. 1:9 Iomraidhean Croise

2 Sam. 16:11

Tema Daudi neni ka Abisai ka neni a ŋiketiyak keŋ a daadaŋ, “Erae lokoku kaŋ ke elope iŋes iwarit akiar ayoŋ, etya nai ai acamit ŋina acamitor Ebenjaminait lo akiar ayoŋ! Kimyekisi iŋes kitiya ŋuna ecamit, kimyekisi iŋes kicenonor, anerae adau Ekapolon alimokin iŋes akitiya ŋun.

2 Ŋirw. 19:37

Akoloŋit apei eriŋa iŋes ilipi alokai a ŋina ka Akuj keŋ a ŋina anyaritae Nisirok apotu ŋidwe keŋ ŋulusapa Adiramalek ka Sareser kitelo iŋes a ekileŋ toara, ido tosiwa ikes nakwap ŋina anyaritae Ararat. Abu lokoku keŋ ŋolo anyaritae Esaradon kilunyokin lokicoloŋ keŋ kipuka Asiriya.

2 Ŋakiro a ŋirwa 32:21

Abu nai Ekapolon kiyakiya emalaika ŋolo abu toar ŋasigarya ŋuna ajiok daadaŋ ka ekapolon kec ta ekarikon kec aneni eboiyoto ŋasigarya ka Asiriya. Apotu ŋun kitoboŋosi Senakerib nakwap keŋ pa elakara. Ani elomari Senakerib kai ka akuj keŋ, apotu ŋidwe keŋ ŋice ŋulusapa toara iŋes a nen a ekileŋ.

Awos. 20:13

“Nyiar.

Awos. 21:14

Nai ani kiredak ituŋanan aŋoikin ŋinice toar, emaikina iyes torikosi ituŋanan ŋin a Namuroet kaŋ toara iŋes.

Ŋakit. 20:20

Ani kicen iyoŋ papa kon, kori toto kon, elomari akiyar kon locan, lopite ŋolo elemarere etaa ŋolo ecai aneni iryono cuc.

Ŋakit. 28:17

Ani keyakar ituŋanan ekaile ŋolo earitor iŋes ituŋanan ŋinice, emaikina ituŋanan ŋin torubak erae ŋini irimit akitodol neni etwania, emaikina nyiŋarak ituŋanan idio iŋes.

Ŋakit. 28:24

Ituŋanan ŋini ekokoe ŋiboro a papa keŋ, kori a toto keŋ, ido tema, “Nyerae ŋun asecit,” erae iŋes irukitos a ŋulu amunyarak.

Ŋakit. 30:11

Eyakasi ŋituŋa ŋulu eminasi akicen atapapa kec, ido nyegasete toryamut atatoto kec arereŋu.

Ŋakit. 30:17

Ituŋanan ŋini ite papa keŋ ejamuwarit, ido tojamuwarite akiwuap ŋakiro a toto keŋ, editarete ŋikurukwa ŋakonyen keŋ anakadipaalat, enyamete ŋataruk akuwan keŋ.

Yer. 23:11

Alimu Ekapolon ebe, “Nyenupito ŋikadwarak kaapei ka ŋisacaradotin Akuj, aryamu ayoŋ atemar itiyaete ikes tari ŋuna aronok alo Kai kaŋ.

Esek. 21:25

Ani eruwor iyoŋ, iyoŋ ekaŋileec, ekarikon a Isirael ŋolo aronon, ŋolo aapuu akoloŋit kon adolun, ŋolo aapuu apaki ŋina ikisicanere;

Ŋilep. 20:9

Ani kicen ituŋanan idio papa keŋ kori toto keŋ, emaikina ituŋanan ŋin toarae, aŋuna ecenio papa keŋ kori toto keŋ, erae atwanare keŋ nakou keŋ.

Mat. 10:21

“Ipotori lokaato lokaato keŋ toarae; papa daŋ ipotori ikoku keŋ; elukinete ŋidwe ŋikauruunak kec ka ipotorete ikes toarae.

Ŋirom. 1:30

Itoroniarito ŋuluce alorworisya kec make, eŋerito Akuj, itoŋoyeneneete ŋuluce, isupaka, ituroko, etamete ŋarwa ŋuna alalak akitiya aronis, nyekerito ikes ŋikecekauruunak.

Ŋirom. 4:13

Abu Akuj kiik Aburaam ka ŋiletok keŋ atemar eruwor akwap ŋina kec; pa etiyae Akuj ŋun aŋuna ewuapitor Aburaam Ŋikisila, nai aŋuna acamunere iŋes erae ŋolo iyookino ananupit keŋ.

Ŋirom. 5:20

Abu Akuj kitolomu Ŋikisila aŋuna ka akiyatakin asecit, anerae aponi iŋes kisileereunoe; nai neni abunio asecit kiyatakinor, abu ajokis ŋina ka Akuj kiyatakin nooi adepar.

Ŋirom. 6:14

Nyikipukat asecit iyes, anerae nyikipukato iyes Ŋikisila, nai ikipukat ajokis ŋina ka Akuj.

Ŋigal. 3:19

Arae nai nyo etic a Ŋikisila? Aponi kiyatakinae Ŋikisila nakiikinet akitoodiunia ibore ŋini erae asecit ka etemokino kiboiyoto ikes akitodol abunore ŋina ke eletonit a ŋolo ka Aburaam a ŋolo aris Akuj kiik. Apotu ŋimalaikan kikobut Ŋikisila kwap, kisitorut neni a Moses, a ŋolo arae ekemorikinan Akuj ka ŋituŋa.

Ŋigal. 5:18

Nai ani kikitenit iyes Etau ŋolo ka Akuj, iŋes atemar nyikipukato iyes Ŋikisila.

Ŋigal. 5:21

akimanit, emeret, amatanu ŋagwe ka ŋace daŋ ŋuna ikote nenipei nen. Akalimokini tokona ayoŋ iyes ikwapei sek akalimokinitor: ikes ŋulu eyakatar ŋun, nyeyakaun Napukan ka Akuj.

Ŋigal. 5:23

akitiditeuna ka akiyokiuno bon. Emam Ŋikisila eremokino ka ŋakiro ŋuna ikote ŋun.

Ŋikis. 27:16

“‘Ilamam ituŋanan daadaŋ ŋini nyitopoloorit papa keŋ ka toto keŋ’ Eboŋokinete ŋituŋa daadaŋ temasi, ‘Kiyookin ŋun.’

2 Ŋites. 2:8

Kisileereunoe nai Eketepegan Akuj; nai ani ebuni Ekapolon Yesu, eari Eketepegan ŋol a ekuwuam a ŋolo ka akituk keŋ ka inyasuni Yesu iŋes ka akica a ŋina enwakinwaki a ŋina ebunio iŋes.

1 Tim. 4:7

Nai toŋer ŋiemuto ŋulu nyecamam ka ŋakiro ŋuna ka Akuj, ŋulu emam apolou kec. Torubak itatama bon aruwor ŋolo iboi anakiyar a ŋina ecamit Akuj.

1 Tim. 6:20

Timoteo, kidar ejok ŋuna ikicikakin iyoŋ akidar. Toŋer ŋakiro ŋuna nyecamakina aneni ka Akuj ŋuna koŋinae ka ŋipegeta ŋulu enyarito ŋituŋa ŋice atemar “Aosou.”

2 Tim. 2:16

Toŋer ŋakiro ŋuna koŋinae ŋuna nyecamam ka ŋakiro ŋuna ka Akuj; itooliyorete ikes ŋituŋa aneni ka Akuj.

2 Tim. 3:2

Eruworosi ŋituŋa ŋulu eseguwaka, erorokaka alosiliŋa, ituroko ka isupaka; eruworosi ŋulu itoŋoyeneneete ŋuluce, ŋulu nyekerito ŋikauruunak kec, ŋulu nyetemarete alakara ka ŋulu nyesegak alotai;

Tito 1:10

Anerae eyakasi ŋulu alalak, akilo nooi ŋulu ebelekinosi alodin a ŋolo a Ŋiyudayan aruwor Ŋikristo, ŋulu eŋerito akipukao ka emodyanakinete ŋuluce a ŋakiro kec a ŋuna erae ŋacaryo.

Tito 1:16

Ebasi ikes iwogasi ebe ikiyeni Akuj, nai itepegito ŋiticisyo kec ŋun. Erae ikes ŋulu emoitaka, nyepupete ŋakiro ka nyepedorete akitiya idiobore ŋini ajokan.

Tito 1:6

Itemokino ŋolokatukon kikoni ne: torae ŋolo nyitoronitae, toyakar aberu apei; tonupito ŋidwe keŋ Yesu Kristo ka nyelimitoe anakiro a ŋuna ka adedeŋu ka aŋerit akipup ŋakiro.

Tito 3:3

Anerae ikibaŋaaka paaran sek iwon daŋ ŋilopeyek, pa ikipupi ŋakiro ka ikimodikinitae. Ikirae ŋipi ŋulu ke ekibure ka ŋulu a ŋakiro a daadaŋ a ŋuna etalakarito ŋikasecak. Ikipotu iwon eboiyoto alopite a ŋolo aronon ka ŋolo ka arakao; ikitidiŋito iwon ŋuluce ka ikitidiŋit iwon daŋ ikes.

Ŋibur. 11:31

Anupit iŋes ejaunia amalaat ŋina anyaritae Raab ŋirototin ŋulu a Ŋisirael; aŋun aponi nyeari iŋes ikwa ŋituŋa ŋuluce ŋulu aŋerito Akuj.

Ŋibur. 12:16

Nyitemokino idio kus eruwor ŋini emalaana kori ŋini ejamuwarit Akuj, ikwa Esau ŋolo abu kisyeca anakimujet ka apei bon apolou ŋina araakar iŋes esapat ŋolo kiyae.

1 Pet. 2:7

Epol egyelit ŋolo ka amoru a ŋin nooi aneni kus a ŋulu inupito Yesu, nai aneni a ŋulu nyenupito, ebasi Ŋakigireta, “Amoru ŋina aŋerete ŋikadukok, iŋes tokona itogogoŋit akai alokoona;”

1 Pet. 3:20

Erae ŋul ŋitai a ŋulu awounete akiwuap Akuj, apaki ŋina atitinyikinitor iŋes idarit Noa kirikak akiduk ataker. Ŋituŋa ŋidikudyo--ŋulu arae ŋikanikauni bon--aponi toiunae a ŋakipi a ŋuna ekearete ataker.

1 Pet. 4:18

Ikwapei igiritere Nakigireta atemar, “Ani nai ketyono aiun ŋulu ajokak, nyo nai itiyakin neni a ŋikasecak a ŋulu eŋerito Akuj?”

Yud. 1:15

atubokin ŋituŋa daadaŋ, atubokin ŋulu nyekerito Akuj aŋuna a ŋaronisya a ŋuna apotu ikes kitiyata, ka atubokinia ikes a ŋakiro a daadaŋ a ŋuna kepotu ikes kirworotor iŋes emam akerit.”

Akis. 21:8

Nai ŋikakuryanak, ŋikalukinok, ŋulu nyenupito, ŋikaarak, ŋimalaanotin, ŋikekukujak, ŋulu ilipete neni a ŋakujo ka ŋikalyokonok daadaŋ imasakinio ikes nanam ŋina ka akim ka ŋina a Sulpa. Erae ŋin atwanare ŋina a ŋaarei.”

Akis. 22:15

Nai kiŋa etaun ŋolo apolon eyakaunosi ŋisiilyanotin, ŋikapilak, ŋimalaanotin, ŋikaarak, ŋulu ilipete neni a ŋakujo car ka daadaŋ ŋulu irworosi ka kitiyaete alyokonu.