1 Tim. 1:20 - Ebaibul

²⁰ Ŋice alokidiŋ ŋul ikes Umenayo ka Alekisanda, ŋulu adau ayoŋ akipotokin neni a Satan; ikotere itatamete ŋun ikes ajoŋore ŋiyany kec.

1 Tim. 1:20 Iomraidhean Croise

Mat. 18:17

Ani erae kewou akiirar ikes, tolimok atukot a Ŋikristo. Ani nabo keŋer akiirar tari ŋuna elimokini atukot ŋin, kimyek iŋes kikok aneni kon ituŋanan ŋini nyenupit ŋakiro ŋuna ka Akuj kori kikok ekeriran ocur.

Ŋitic. 13:45

Nai ani iŋolikinete Ŋiyudayan ŋasepico, min arakao nooi neni kec, kitepega erwor a Paulo ka kiyanya iŋes.

Ŋitic. 19:33

Toreiyasi Ŋiyudayan Alekisanda kiŋaren ŋituŋa. Ani isimukekinete ŋituŋa iŋes akirworikin, kikia Alekisanda akan keŋ, ikotere eiunor iŋes.

1 Ŋikor. 11:32

Nai ani ikisicani Ekapolon iwon, ikitatami erae akitatam, ikotere nyikitubokin iwon kaapei ka ŋituŋa ŋuluce ŋulu ka akwap.

2 Ŋikor. 10:6

Ani nai kidaut iyes akitoodiun atemar ipupete ŋuna ikilimokin, etenio isua akisican daadaŋ ŋulu nyepupete ŋuna elimokinitae ikes.

2 Ŋikor. 13:10

Egiri ayoŋ nu eriŋa alwana aneni kus, ikotere ani abuni, nyadedeŋiar alopite a ŋolo esitiyaa apolou ŋina abu Ekapolon okoinak ayoŋ aŋuna ka adukunio, nai meere akielielaar iyes.

2 Ŋites. 3:15

Nyitusubut iŋes emoit; nai kisirworo iŋes erae lokaato kus.

1 Tim. 5:15

Anerae adaut ŋapuseru ŋace akiŋer Kristo, ewuapakis Satan.

2 Tim. 2:14

Tolimok nabo ŋituŋa kon ŋakiro ŋun ka kicik ikes ka agogoŋu alokiŋaren Akuj tojoŋoto apega a ŋakiro; emam ajokis eyaunete ŋakiro ŋun, nai emunaarete ŋulu epupete ikes.

2 Tim. 2:17

Akitatam ŋina ikoni ŋin, ikwaan ka ajeme ŋina eriŋa nyeiyoro ŋina enyami akuwan. Ŋikilyok ŋiarei ŋulu adaut akitatam ŋakiro ŋuna ikote ŋun ikes Umenayo ka Pileto.

2 Tim. 3:2

Eruworosi ŋituŋa ŋulu eseguwaka, erorokaka alosiliŋa, ituroko ka isupaka; eruworosi ŋulu itoŋoyeneneete ŋuluce, ŋulu nyekerito ŋikauruunak kec, ŋulu nyetemarete alakara ka ŋulu nyesegak alotai;

Ŋibur. 12:5

Ikimuryakis mono iyes ŋakiro ŋuna irworo Akuj neni kus ikitumunikinit ikwapei ŋidwe keŋ a? “Lokoku, nyimenit akisicanet ŋina ikisicania Ekapolon iyoŋ, kiurya nyikikadak ikibuŋae iŋes iyoŋ.

Akis. 13:1

Abu oanyuwa etyaŋ elomuni ananam. Ayakar ŋamomwar ŋatomon ka ŋakyes ŋakanikaarei; a ŋinamomwara ayakar atoriet ka ŋinakou ayakar ekiro ŋolo eyanyit Akuj.

Akis. 3:19

Eyayakini ka esicani ŋulu amina ayoŋ; aŋun, tomwakutu tokiwa!