1 Tim. 1:19 - Ebaibul

¹⁹ ido torubak irae ŋolo inupit ka ŋolo ecayete ŋatameta. Aŋero ŋituŋa ŋice akipup ŋuna ecayete anatameta kec, tosodi enyasut anupit kec.

1 Tim. 1:19 Iomraidhean Croise

Mat. 6:27

Ŋae alokidiŋ kus alotooma akiyaloloŋ epedori akitooya akiyar keŋ?

1 Ŋikor. 11:19

(Kire itemokino toyai atyakatyaka kidiŋ kus, ikotere kileereunioto ŋulu enupito kire.)

Ŋigal. 5:4

Iyes ŋulu ikatakinito aruwor ŋulu iyookino alokiŋaren Akuj aŋuna ka akiwuapit Ŋikisila, idaut iyes atyakar aneni a Kristo. Ipena iyes neni nyikiinakinia Akuj iyes ajokis keŋ.

1 Tim. 1:5

Nai ŋuna elosikinitoe isua anakitatam kosi erae amina ŋina ebunit alotau a ŋolo Asegan, anatameta a ŋuna ecayete ka ananupit a ŋina a kire.

1 Tim. 3:9

Itemokino ikes kiricito akimunono ŋina ka anupit a ŋatameta a ŋuna ecayete.

1 Tim. 6:12

Tojiye ejiye ŋolo ajokan ŋolo ka anupit, ikotere iryamuni akiyar ŋina nyedaun, ŋina abu Akuj ikinyarak iyoŋ apaki ŋina iserakinia iyoŋ alokiŋaren ŋisuudae ŋulu alalak anupit kon Kristo.

1 Tim. 6:21

Anerae ebasi ŋice ikiyakatar ikes aosou ŋin, ŋuna nai atakanut ikes nu, aoliyosi ikes ananupit Kristo. Toyai neni kus ajokis ŋina ka Akuj.

1 Tim. 6:9

Nai ikes ŋulu ecamito aruwor ŋikabarak elomarete nakitemyo ka ikamunete ŋaloketa ŋuna ke ekibure a ŋolo ka abaŋao a ŋolo awanan, ŋuna isibusokinete ikes toryamut ŋican ka akinyasuno.

2 Tim. 2:18

Aoliyosi ikes anakiro a ŋuna a kire aŋuna itatamyata atemar adau ayarun alunyar, ido alopite a ŋol, etaŋayaŋayakis anupit a ŋice.

2 Tim. 4:4

Eŋerete ikes apupokin ŋakiro ŋuna a kire, ido elosikinete akipup ŋiemuto ŋulucaryo.

Tito 1:9

Itemokino kiricite ejok akitatam ŋina ecamuna, ŋina ikinyoma ŋina a Ŋikristo. Alopite a ŋol epedori akisimukekin ŋuluce anakitatam a ŋin, a ŋina iyookino ka akitepeg ŋulu itepegito akitatam ŋin.

Ŋibur. 3:14

Anerae ikirae iwon daadaŋ ŋipei alotooma Kristo, erae kikirubak ikititinyikinit ananupit lopite ŋolo ikisyakinia.

1 Yoa. 2:19

Apotu ikes totyakaros aneni yok, nai pa arae ikes ŋirukitos yok. Kerae torubakinito ikirukit ka iwon, kikirukit ka iwon; nai abu atyakar kec kisileereu atemar pa arae ikes ŋirukitos yok.

Akis. 3:10

Aŋuna iricakinia iyoŋ akirot kaŋ ŋina ikicikak iyoŋ atitinyu ŋina nyikirikira, ekeuryari ayoŋ iyoŋ apaki ŋina ka akikatakino ŋina ebunit nakwapin daadaŋ akikatakin ŋulu iboiyete anakwap.

Akis. 3:3

Totamu nai ŋuna aponi ikitatami ka ikisiirar iyoŋ, kiricak ikes ka toki! Ani pa kikienyu iyoŋ, abuni ayoŋ neni kon ikwa ekokolan ka nyiyeni iyoŋ apaki ŋina abunio ayoŋ.

Akis. 3:8

Ayeni ayoŋ ŋiticisyo kon. Kiira! Ewuak ayoŋ kiŋaren kon ekek ŋolo eŋaara ŋolo emam ŋini epedori agolokin. Ayeni ayoŋ atemar iyakar iyoŋ agogoŋu ŋinadio edit, nai iricit iyoŋ akirot ka nyieŋero iyoŋ anupit ayoŋ.