1 Tim. 1:17 - Ebaibul

¹⁷ Toyai akerit ka apolou ŋina nyedaun neni ke Erwosit a ŋolo ipukae ŋikaru ka ŋikaru, ŋolo nyetwani, ŋolo erae iŋes bon erae Akuj! Amen.

1 Tim. 1:17 Iomraidhean Croise

1 Ŋakiro a ŋirwa 29:11

Okoe Ekapolon, irae iyoŋ ŋolo ipol nooi, iyakar apedor, apolou, akiloun ka ailiil; anerae ibore daadaŋ ŋini eyai nakuj ka kwap; erae ŋini kon; okoe Ekapolon, erae apukan ŋina kon; ikitopolooritae iyoŋ irae Ekapolon a daadaŋ.

Neem. 9:5

Kirworikis nai ŋilepi Yesua, Kadimel, Bani, Asabineia, Serabia, Odia, Sebania ka Pesaia temasi, “Tonyoutu, kipuro Ekapolon Akuj kus ŋikaru ka ŋikaru. Kipuroe ekiro kon ŋolo itopolooritae, ŋolo itopolooritae alokidiama akilo akitopoloorit daadaŋ ka akipuro daadaŋ.”

Ŋikiru. 10:16

Erae Ekapolon erwosit ŋolo a ŋikaru ka ŋikaru, isunyarosi ŋituŋa a ŋakwapin anakwap keŋ alo Isirael.

Ŋikiru. 106:48

Akipuro toyai neni ke Ekapolon, Akuj ŋina a Isirael, ameun tokona tari ŋikaru ka ŋikaru. Emaikina ŋituŋa daadaŋ temasi, “Amen.” Kipuroe Ekapolon!

Ŋikiru. 145:13

Erae apukan kon ŋina a ŋikaru ka ŋikaru, irae iyoŋ ekepukan ŋolo a jik, ŋolo a ŋanyameta a daadaŋ. Erae Ekapolon ŋolo ikinyoma anakiikineta keŋ a daadaŋ, emina iŋes ŋisubuna keŋ daadaŋ.

Ŋikiru. 41:13

Akipuro toyai neni ke Ekapolon, Akuj ŋina a Isirael, akipuro toyai neni keŋ tokona ka ŋikaru ka ŋikaru. Amen! Amen!

Ŋikiru. 45:1

Ileleba ŋakiro ŋuna ajokak lotau kaŋ, apaki na ŋina atamya eete aŋuna ke erwosit. Ikwaan aŋajep kaŋ eeo ejok ka akalamu ŋina ke ekegiran a ŋolo etenit.

Ŋikiru. 45:6

Eropari apukan kon, okoe Akuj ŋikaru ka ŋikaru; ipukat iyoŋ ŋituŋa kon anakiyookino.

Ŋikiru. 57:11

Okoe Akuj, emaikina kipuroe ekiro kon alokidiama nakuj; kimyek apolou kon min nakwap daadaŋ.

Ŋikiru. 90:2

Eriŋa ŋimoru nyitiyauna, kori eriŋa ŋalup ka akwap nyetakanuna ikwapei eyakatar, irae iyoŋ Akuj ŋina a jik.

Yer. 10:10

Nai erae Ekapolon Akuj ŋina a kire, erae iŋes Akuj ŋina eyari ka erwosit ŋolo a ŋikaru ka ŋikaru. Ani enyunyurikin iŋes, tomaranik akwap ka nyepedorete ŋituŋa a ŋakwapin akidaŋidaŋ aŋoit keŋ.

Dan. 2:44

Alorwa a ŋirwosi a ŋul, iwuakini Akuj ŋina anakuj apukan ŋina nyepedoryo alemar, kori nyeinakinio apukan ŋin neni a ŋituŋa a ŋice. Emunyari apukan ŋin ŋapukasinei ŋunace daadaŋ kitasalu, ido erubakini iŋes ŋikaru ka ŋikaru.

Dan. 4:34

Ani elunyar apaki ŋin, abu ayoŋ Nebukadinesar ereo nakuj, abu ayoŋ oyenu ŋakiro nabo. Abu ayoŋ epur Akuj ŋina alokidiama nooi, abu epur ka etopoloo Akuj ŋina eyari ŋikaru ka ŋikaru, Abu ayoŋ etiya ŋun, anerae erae apolou keŋ ŋina a ŋikaru ka ŋikaru ka iboi apukan keŋ ŋanyameta ka ŋanyameta.

Dan. 4:37

Ayoŋ Nebukadinesar epuro ka etopoloorit erwosit ŋolo eyai nakuj, anerae erae ŋiticisyo keŋ daadaŋ ŋulu a kire ka iyookino ŋuna itiyae iŋes, tosodi epedori iŋes akitiditeun ŋulu iturosi.

Dan. 7:14

Aponi inakinae iŋes apukan ka apolou ta arwosiyo, ikotere itiyanakineta iŋes ŋituŋa daadaŋ, ŋakwapin ka ŋituŋa ŋulu irworosi ŋaŋajepa ŋuna egelegelya. Erae apukan keŋ ŋina a ŋikaru ka ŋikaru, ŋina nyedaun ka nyemunaaryo apukan keŋ.”

Mika 5:2

Abu Ekapolon tema, “Betelem, etaun ŋolo eyai Epurata, tari kerae iyoŋ idit nooi alotaunio a ŋulu ka ateker a Yuda, alemuni ayoŋ ekepukan aneni kon, ekepukan ŋolo ebuni akipuka Isirael, ekepukan ŋolo eponito ŋakiro keŋ ananyameta a ŋuna a koloŋ.”

Mal. 1:14

Ilamam ituŋanan ŋini emodiyana, ŋini ani kiik ainakin ayoŋ ibarasit ŋini ajokan alosipan keŋ, yau neni kaŋ ibarasit ŋini nyejok; arae ayoŋ Erwosit ŋolo apol akilo ŋuluce, ido itopolooritae ekiro kaŋ anakwapin.”

Mat. 25:34

Etemari Erwosit isirwori ŋituŋa ŋulu aloteten keŋ, ‘Potu iyes ŋulu ikiterereŋit Papa kaŋ! Toryamut ajakaanut ŋina itemokinitoe aŋuna kus ameun anasubunet akwap.

Mat. 28:20

Kitatama ikes toyenut ka kiwuapa ŋakiro daadaŋ ŋuna adau ayoŋ akicikakin iyes; ka daŋ toyenete atemar ikirukit ayoŋ ka iyes ŋirwa daadaŋ tari ŋina esalunia akwap.”

Mat. 6:13

Nyikiya isua nakitemyet, nai toiunae isua aneni aronon. [Anerae apukan ka apedor ka apolou erae ŋuna kon, ŋikaru ka ŋikaru. Amen.]’

Yoa. 1:18

Emam ituŋanan eanyunit Akuj; nai Lokoku ŋolo donupei ŋolo erae epei ka Papa, iŋes ikitaanyu iwon Akuj.

Yoa. 5:44

Icamito iyes ikitopoloosi ŋulucetuŋa, nai nyiwarito aryamun akitopolooro aneni a ŋolo bon erae Akuj. Ikokinete nai iyes ikinupete ayoŋ ai?

Ŋirom. 1:20

Emam ituŋanan epedori akiŋolikin Akuj. Nai ŋinapei koloŋ asubunia Akuj akwap, epedorete ŋituŋa ayenun apedor keŋ ŋina nyedaun ka akujuwuanut keŋ aloboro a ŋulu esubunit iŋes. Aŋun, emam epite ŋolo erimakinere ikes.

Ŋirom. 1:23

Akilo ikes akilip neni ka Akuj a ŋina eyari jik anapolou keŋ, ilipete ikes neni a ŋitorubei a ŋulu itiyaunitae ikwaan ka ŋituŋa ŋulu etwakete, kori ŋikyeny kori ŋityaŋ kori ŋiboorei ŋulu alyatok.

Ŋirom. 11:36

Anerae abu iŋes tosub ŋiboro daadaŋ ka itorunito ŋiboro daadaŋ neni keŋ ka eyakasi aŋuna keŋ. Toyai apolou neni ka Akuj ŋikaru ka ŋikaru! Amen.

Ŋirom. 16:27

Toyai apolou ŋina nyedaun alotooma Yesu Kristo neni ka Akuj, a ŋina erae iŋes bon eos nooi! Amen.

Ŋirom. 2:10

Nai neni a ŋituŋa a daadaŋ a ŋulu itiyaete ŋuna ajokak, einakini Akuj ikes ekisil, itopoloori ka itojoki daŋ; neni a Ŋiyudayan mono, ido nai neni a ŋulu nyerae Ŋiyudayan daŋ.

Ŋirom. 2:7

Einakini Akuj akiyar ŋina nyedaun neni a ŋulu erubakinete itiyaete ŋuna ajokak, kiwarito akitopolooro ka akitojokyo aneni ka Akuj ka kiwarito akiyar ŋina nyedaun.

Ŋikol. 1:15

Erae Kristo etorube ŋolo ka Akuj a ŋina nyetakani. Erae iŋes ekiyai ŋolo ka Akuj Papa, akisyakinet ŋina a ŋisubuna a daadaŋ.

Ŋibur. 11:27

Anupit iŋes arotokinio Moses alo Ijipit pa ekuryana atemar eŋoi erwosit a Ijipit. Torubak iŋes etitinyikinit esibit etakani aneni keŋ Akuj ŋina nyetakani.

Ŋibur. 2:7

Ibu iyoŋ kitiditeu iŋes apaki ŋina diouriyen akilo ŋimalaikan, ibu nai inak iŋes apolou ka akerit;

1 Pet. 5:11

Toyai apolou neni keŋ ŋikaru ka ŋikaru! Amen.

2 Pet. 3:18

Nai torubakisi ipoloete anajokis ka anayenut a ŋina ke Ekapolon ka Ekaiunan yok Yesu Kristo. Toyai apolou neni keŋ tokona ka ŋikaru ka ŋikaru! Amen.

1 Yoa. 4:12

Emam ŋini eŋolik Akuj ŋinapei koloŋ. Ani kikiminin iwon make, iboi Akuj alotooma yok, ido itemokin kire amina keŋ neni yok.

Yud. 1:25

Neni keŋ, a ŋolo erae Akuj ŋina donupei, Ekaiunan yok alotooma Yesu Kristo Ekapolon yok, toyai akipuro, apolou, agogoŋu ka apedor, tari eriŋa nyesubuna akwap, tokona ka ŋikaru ka ŋikaru! Amen.

Akis. 15:3

Aeosi ikes eete ŋolo a Moses a ŋolo arae eketiyan ka Akuj ka eete ŋolo a Imesek ebasi, “Okoe Ekapolon! Akuj ŋina etiron! Epolok nooi ka eumokina ŋiticisyo kon! Okoe Erwosit ŋolo a ŋakwapin! Iyookino ka erae kire ŋipitesyo kon!

Akis. 17:14

Itijiyete ikes Imesek, nai ilouni ikes Imesek kaapei ka ŋulu enyaritae, ŋulu eseunitae ka ŋikewuapak ŋulu erubakinito enupito iŋes, anerae erae iŋes Ekapolon a ŋikapolok ka Erwosit a ŋirwosi.”

Akis. 19:1

Kedaunosi ŋun, abu eira ebunit anakuj etoil ŋolo apol, ŋolo asibit ŋolo a ŋituŋa a ŋulu alalak ebala, “Alleluia! Aiuno, apolou ka apedor erae ŋulu ka Akuj yok!

Akis. 19:16

Egiritae lokaaso ka namuro keŋ ekiro lo, “Erwosit a ŋirwosi ka Ekapolon a ŋikapolok.”

Akis. 19:6

Abu eira etoil ŋolo asibit ŋolo a ŋituŋa a ŋulu alalak, ŋolo asibit ŋolo a ŋakipi a ŋuna eremuno anakope, ŋolo asibit ŋolo ka agirokinet a ŋina ireta. Eira ikes ebasi, “Alleluia! Anerae erae Ekapolon Akuj yok ŋina etiron, Erwosit!

Akis. 7:12

ebasi, “Amen! Akipuro, apolou, aosou, akitalakanar, akerit, apedor ka agogoŋu toyakas neni ka Akuj ŋikaru ka ŋikaru! Amen!”