1 Tim. 1:15 - Ebaibul

¹⁵ Erae na alimunet ŋina ikinyoma ka emaikina tocamunae: Abuni Yesu Kristo nakwap aiun ŋikasecak. Ayoŋ iŋes ekasecan ŋolo aronon nooi akilo daadaŋ,

1 Tim. 1:15 Iomraidhean Croise

Yob 42:6

Aŋun, ajamuwar ayoŋ bon aŋuna a ŋakiro kaŋ, ido akii ewuakinit apuwa ka ekuron nakuwan kaŋ.”

Esek. 16:63

Ani nai esyoni ayoŋ ŋuna daadaŋ itiya iyoŋ, itamuni iyoŋ ŋuna itiya ka ikirumete ŋileec nyirworik nabo jik aŋuna a ŋileec kon.”

Mat. 1:21

idouni iŋes ikoku ŋini sapat, ilimokini iyoŋ ekeekiro Yesu, anerae eiuni iŋes ŋikeetuŋa anasecisya kec.”

Mat. 18:10

“Tocoito ijamuwarete tari ipei a ŋulu cicik a lu, anerae akalimokini ayoŋ iyes atemar, erukito ŋimalaikan kec jwi jwi ka Papa kaŋ ŋolo eyai nakuj. [

Mat. 18:11

Anerae abuni Lokoku a Ituŋanan aiun ŋulu eolito.]

Mat. 20:28

Ikwaŋinapei, pa abunit Lokoku a Ituŋanan akitiyanakino, nai abunit akitiyanakin ka akijal akeekiyar tolakunere ŋulu alalak.”

Mat. 9:13

Toloto toriputu apolou a Ŋakigireta a ŋuna ebasi, ebala Akuj, ‘Acamit ayoŋ akisyon, meere amuronot.’ Anerae nyabunit ayoŋ anyaraun ŋulu iyookino, nai ŋikasecak.”

Mar. 2:17

Ani iirari Yesu akiŋiset ŋin, tema, “Nyiitanito ŋituŋa ŋulu eŋaleete emuron, nai ŋulu edyakasi. Nyabunit ayoŋ anyarare ŋulu iyookino, nai ŋikasecak”.

Luk. 15:2

Tolomakis Ŋiparisayon ka ŋiketatamak a Ŋikisila akiŋuruŋura ebasi, “Okoe! Abe erukito bo ituŋanan en ka ŋikasecak, nabo imujete ka ikes!”

Luk. 19:10

Anerae abuni Lokoku a Ituŋanan akiwarit ka aiun ŋulu eoliyorito.”

Luk. 5:32

Nyabunit ayoŋ anyarare ŋulu iyookino, nai ŋikasecak, ikotere tokiwa ŋasecisya kec.”

Yoa. 1:12

Nai ŋulu daadaŋ apotu kijaut iŋes, tonupa ekiro keŋ, abu iŋes inak ikes apedor ŋina ruworet ŋidwe ŋulu ka Akuj.

Yoa. 1:29

Akoloŋit ŋina atupakini ŋin, kiŋolik Yoana ebunit Yesu neni keŋ, ido tolimu tema, “Kiŋolikisi Imesek ŋini ka Akuj, ŋini elemari asecit ŋina ka akwap.

Yoa. 12:47

Ani kiira ituŋanan ŋakiro kaŋ nyiwuapak, nyatubokini ayoŋ iŋes. Pa abuni ayoŋ atubonokin ŋituŋa ŋulu ka akwap, nai aiun ikes.

Yoa. 3:36

Ŋini enupi Lokoku, iŋes eyakar akiyar ŋina nyedaun; ŋini nyepupi Lokoku, nyeryamuni akiyar ŋin, nai eyai anyunyura ŋina ka Akuj neni keŋ.”

Ŋitic. 11:1

Kiirasi Ŋikiyakia ka ŋikanupak ŋulu alo Yudaya daadaŋ atemar kecamut ŋituŋa ŋulu pa arae Ŋiyudayan daŋ ŋakiro ŋuna ka Akuj.

Ŋitic. 11:18

Ani iirarete ikes ŋun, tojoŋoto apega. Kipuro Akuj temasi, “Ainaki nai Akuj ŋulu nyerae Ŋiyudayan daŋ apaki ŋina ekiyata, toyara!”

Ŋitic. 3:26

Aŋun, abu Akuj toseu eketiyan keŋ, kiyaku mono neni kus akiterereŋ iyes; kibelekinos iyes daadaŋ alopitesyo kus a ŋulu aronok.”

Ŋirom. 11:14

Acepaki apedori ainakin arakao lotuŋa kaŋ, Ŋiyudayan, ikotere aŋuna kaŋ toiunia Akuj ikes ŋice.

Ŋirom. 5:6

Anerae ani eriŋa iwon ikipalag aŋuna ikipukator asecit iwon, abu Kristo totwan aŋuna yok a ŋikasecak apaki ŋina aseunit Akuj.

1 Ŋikor. 15:9

Anerae arae ayoŋ ecaryoit a Lokiyakia, nyitemokino akanyaritae ekiyakia, anerae abu ayoŋ esican Ŋikristo.

Ŋiep. 3:8

Arae neni kaŋ a ŋolo arae ecaryoit alotuŋa a daadaŋ a ŋulu ka Akuj aponi okoinakin ajokis ŋina limonokinet Ŋakiro ŋuna Ajokak neni a ŋulu nyerae Ŋiyudayan--ŋakiro ŋuna ka ajakaanut a Kristo a ŋina nyeŋicun etyae keŋ.

1 Tim. 1:13

tari paaran keyanyit ayoŋ iŋes kori kesicanit kori ketoŋoit; nai aponi ekesyoni ayoŋ, anerae apaki ŋin, pa anupit ayoŋ Kristo; aŋun, pa ayeni ayoŋ ŋuna etiyae.

1 Tim. 1:19

ido torubak irae ŋolo inupit ka ŋolo ecayete ŋatameta. Aŋero ŋituŋa ŋice akipup ŋuna ecayete anatameta kec, tosodi enyasut anupit kec.

1 Tim. 3:1

Erae na alimunet ŋina ikinyoma: ani kiitanit ituŋanan aruwor ekarikon ŋolo a Ŋikristo, iitanit iŋes etic ŋolo ajokan nooi.

1 Tim. 4:9

Erae na alimunet ŋina ikinyoma ka emaikina tocamunae.

1 Tim. 6:13

Alokiŋaren Akuj ŋina einanakini akiyar neni a ŋinibore daadaŋ ka alokiŋaren Yesu Kristo ŋolo abu kisera anupit keŋ alokiŋaren Ponitio Pilato, ekecikakini ayoŋ iyoŋ

2 Tim. 2:11

Erae na alimunet ŋina ikinyoma: “Ani kikitwakit iwon ka iŋes, ikiyari daŋ iwon kaapei ka iŋes.

Tito 3:8

Erae ŋun ŋakiro ŋuna a kire. Acamit iyoŋ kitatam ŋakiro ŋun ka agogoŋu, ikotere nai ŋulu enupito Akuj eruwor ŋulu emitakinito akitiya ŋiticisyo ŋulu ajokak. Ejokak ŋakiro ŋun daadaŋ, ido iŋarakinete ŋituŋa daadaŋ.

Ŋibur. 7:25

Aŋun nai, epedori iŋes jik tokona ka jwi jwi aiun ŋulu daadaŋ epote neni ka Akuj itorunito neni keŋ, anerae eyari iŋes jik, ilipenene Akuj aŋuna a ŋituŋa a ŋul.

1 Yoa. 3:5

Iyenete iyes atemar atakanuni Yesu alemar ŋasecisya ka emam asecit aneni keŋ.

1 Yoa. 3:8

Ituŋanan daadaŋ ŋini esecenene, iŋes erae ŋini a Satan, anerae aberakin koloŋ sek Satan asecenen ŋinapei anakisyakinet. Atakanuni Lokoku ka Akuj aŋuna ka akinyasun etic a Satan.

1 Yoa. 5:11

Alimoret iŋes na: Ikiinak Akuj iwon akiyar ŋina nyedaun ka ebunit akiyar na aneni a Lokoku keŋ.

Akis. 21:5

Tolimu nai ŋolo eboi alokicoloŋ a ŋolo ka apolou tema, “Kiŋolik! Tokona eturuwo ayoŋ ŋiboro daadaŋ ŋikitet!” Abu iŋes nabo okolimok ayoŋ tema, “Kigir ŋun, anerae erae ŋakiro ŋuna a kire ŋuna epedoryo akikinyom.”

Akis. 22:6

Okolimok emalaika ayoŋ tema, “Iyookino ŋakiro ŋun erae ŋuna a kire, ŋuna epedoryo akikinyom. Abu Ekapolon Akuj, ŋina einanakini etau keŋ neni a ŋikadwarak, kiyakiu emalaika keŋ akitoodikin ŋiketiyak keŋ ŋakiro ŋuna itemokino kitiyakin anapaki a ŋina eapi.”

Akis. 5:9

Apotu ikes toeikis eete ŋolokitete temasi, “Emaikina iyoŋ alemun ekitaabo toŋaa ŋakipuceta keŋ. Anerae ikiaritae sek iyoŋ ka ibu togyelu ŋituŋa a ŋaokot kon iyau neni ka Akuj, ŋituŋa a ŋikabilae, a ŋaŋajepa, a ŋakwapin ka a ŋibukui a daadaŋ.