1 Tim. 1:14 - Ebaibul

¹⁴ Abu Ekapolon okoinak ayoŋ ajokis keŋ ilapara; ido okoinak anupit ka amina, ŋuna erae ŋuna yok alotooma akimorikina ka Yesu Kristo.

1 Tim. 1:14 Iomraidhean Croise

Awos. 34:6

Kitor Ekapolon kiŋaren a Moses iserae ekiro keŋ ebala, “Ekapolon, Ekapolon, Akuj ŋina esyonion ka ŋina ajokan nooi, ŋina nyepatana akiŋo, Akuj ŋina eyakar amina ŋina nyiryaŋiryaŋa ka akikinyoma ŋina apolon nooi,

Mat. 20:9

Ani epote ŋiketiyak ŋulu adolunete lotic ŋisaae ŋitomon ka epei, totacae ŋinituŋanan eropit ŋolo ka apeikoloŋit.

Ŋitic. 15:11

Nyepedor! Ikinupit iwon atemar ikiiun iwon aŋuna ka ajokis a ŋina ke Ekapolon Yesu, ikwa ikes daŋ.”

Ŋirom. 16:20

Ido eapi Akuj ŋina erae alope ekisil, ainakin iyes apedor akipicar Satan a ŋakejen kus. Toyai neni kus ajokis ŋina ke Ekapolon yok Yesu Kristo.

1 Ŋikor. 15:10

Nai aŋuna ka ajokis a ŋina ka Akuj, arae ayoŋ tokona ekiyakia ka nyeruworo ajokis ŋina abu iŋes okoinak ayoŋ akoŋinait. Akilo, etiya ayoŋ nooi adepar Ŋikiyakia ŋuluce daadaŋ, tari pa kerae agogoŋu kaŋ a elope etiyae, nai ajokis ŋina ka Akuj ŋina eyai neni kaŋ.

1 Ŋikor. 3:10

Aŋuna ka ajokis a ŋina abu Akuj okoinak ayoŋ, abu etiya ikwa ekadukon ŋolo aoson, odukok akisyakinet ŋina ka akai, ido eduki ituŋanan ice akai ŋin. Nai itemokino ŋinituŋanan tocoikinete epite ŋolo edukyo akai ŋin.

2 Ŋikor. 13:14

Toyai neni kus daadaŋ ajokis ŋina ke Ekapolon Yesu Kristo ka amina ŋina ka Akuj ta akimorikina ŋina ke Etau a ŋolo Asegan.

2 Ŋikor. 4:15

Ŋun daadaŋ itiyasi aŋuna kus, ikotere ajokis ŋina iyata alokimar a ŋikanupak iyatakini akipuro ŋina ka alakara neni ka Akuj.

2 Ŋikor. 8:9

Kire iyenete iyes arimaanut ŋina ke Ekapolon yok Yesu Kristo, ŋolo abu aŋuna kus, tari ŋina abaritor, kituruwor bon ekulyakit aŋuna kus, ikotere nai toruworos iyes ŋikabarak aŋuna ka akulyako keŋ.

Ŋigal. 1:13

Ipotu iyes kiirasi epite ŋolo ayakar akiyar kaŋ paaran apaki ŋina ewuapitor ayoŋ edin ŋolo a Ŋiyudayan, epite ŋolo esicanenea ayoŋ ka aryenyeo atukot ŋina a Ŋikristo ŋina ka Akuj ka ekatak akielar iŋes.

1 Ŋites. 1:3

Anerae apaki daadaŋ ŋina ilipere isua Akuj Papa, ikitamunit epite ŋolo itiyaata iyes aŋuna ka anupit kus ka epite ŋolo imunikinitotor aŋuna ka amina kus, ta epite ŋolo ititinyikinitotor aŋuna ka akigeno kus neni ke Ekapolon yok Yesu Kristo.

1 Ŋites. 5:8

Nai ikirae iwon ŋulu ka apaaran, ido itemokino iwon ikikwaan ka ŋituŋa ŋulu nyemerasi, ŋulu eyenete ŋuna itiyaete. Onapa anupit ka amina ikwa arapet ka akigeno ŋina ka aiuno yok ikwa akopiya ŋina iuryarit akou nyewana.

1 Tim. 2:15

Nai eiun aberu aŋuna ka akidore, erae kerubaki iŋes ananupit, anamina, alopite a ŋolo itoodiunit atemar ekerit iŋes Akuj ka ŋolo ka akiyapara.

1 Tim. 4:12

Nyikijamuwa iyoŋ ituŋanan idio aŋuna iraakar iyoŋ esorokit, nai torae akitaanyikinet ŋina a ŋikanupak alorwor kon, alopitesyo kon, anamina kon, ananupit kon ka anasegis ke etau kon.

1 Tim. 6:11

Nai iyoŋ ŋolo ka Akuj, toŋer ŋakiro ŋun daadaŋ. Toŋirik ka agogoŋu akiyookino, akiyar ŋina ecamit Akuj, anupit, amina, atitinyikinit ka akiyapara.

2 Tim. 1:13

Kiric ejok ŋakiro ŋuna a kire ŋuna abu ayoŋ eketatam iyoŋ ananupit ka anamina ŋuna erae ŋuna yok alotooma akimorikina ka Yesu Kristo.

2 Tim. 2:22

Toŋer ekibure ŋolo itemi ŋisorok akisec, toŋirik ka agogoŋu aruwor ŋolo iyookino, ŋolo inupit, ŋolo imina ka ŋolo isilito kaapei ka ŋulu ilipete neni ke Ekapolon a ŋitai a ŋulu asegak.

Tito 2:2

Kitatam ŋikasikou toraakas ŋulu ecoito, ŋulu emaikina tokeritetei, ŋulu epakito, ŋulu egogoŋ ananupit, anamina ka anatitinyikinit.

1 Pet. 1:3

Olakaros neni ka Akuj a Papa ke Ekapolon yok Yesu Kristo! Aŋuna ka akisyon keŋ a ŋina apolon nooi, ikiinakin iwon akiyar ŋina kitete anayarun a Yesu alokatwak. Aŋun, ileleba akigeno ŋina a kire tooma yok,

1 Yoa. 4:10

Nu ikes erae amina: meere atemar iwon ikipotu ominakisi Akuj, nai Akuj iŋes abu ikiminak iwon, kiyaku Lokoku keŋ, toruwor erot ŋolo isyoniyere ŋasecisya yok.

Akis. 22:21

Toyai ajokis ŋina ke Ekapolon Yesu neni a ŋituŋa a ŋulu ka Akuj a daadaŋ. Amen.