1 Tim. 1:10 - Ebaibul

¹⁰ aŋuna a ŋulu emalaaka, aŋuna a ŋikilyok a ŋulu iteperete ŋikilyok ŋuluce, aŋuna a ŋulu ekokoiyanarete ŋituŋa ŋuluce, aŋuna a ŋikalyokonok ka ŋulu ikoŋete ka alyokonu ka ŋulu itiyaete ŋace ŋuna nyemaasi ka akitatam ŋina iyookino.

1 Tim. 1:10 Iomraidhean Croise

Akisy. 19:5

Tonyarata ikes Lot temasi, “Nyaalu ŋikilyok ŋulu sek apote neni kon eboŋ? Yau ikes kiŋa ne neni kosi ikotere toyenae isua ikes.”

Akisy. 37:27

Potu, ogyelasi iŋes neni a Ŋisimael, akilo iwon akiar iŋes, anerae erae iŋes lokaato yok ŋolo ikirae ka iwon akuwan apei.” Tocamut ŋikaitotoi keŋ ŋun.

Akisy. 40:15

Kire! Aponi okokokoun ayoŋ anakwap a Ŋiburaniyae; tokona daŋ a ne, mam ŋakiro ŋuna etiyat ayoŋ, ŋuna ekewuakinitotor ikes ayoŋ lojera.”

Awos. 20:7

“Nyisitiyaete ekiro ke Ekapolon Akuj kus analyokonu, anerae nyeesikini Akuj akisican ituŋanan ŋini isitiyae ekiro keŋ analyokonu.

Awos. 21:16

“Ituŋanan ŋini ekokoiyari ituŋanan ŋinice, kegyelarit iŋes ituŋanan ŋin, kori keriŋa eyai neni keŋ, emaikina toarae.

Osea 10:4

Irworosi ikes ŋakiro ŋuna nyitiyakinite, ikoŋete ikes alyokonu, ido tocamunos. Aŋun, alalaar akisitanakin a ŋakiro a ŋunacaryo, lopite ŋolo epetakinor edowan neni itatae.

Ŋilep. 18:22

Nyemaikina ekile kiryamakinos ke ekile lopite ŋolo iryamanakinotor ekile ka aberu; erae ŋakiro ŋun asiilyo.

Ŋilep. 20:13

Ani kiryamakin ekile ke ekile lopite ŋolo iryamanakinotor ekile ka aberu, etiyata ŋul daadaŋ ŋakiro ŋuna ka asiilyo. Emaikina ikes toarae; erae atwanare kec nakyes kec.

Sakar 5:4

Alimu Ekapolon ŋolo Etiron ŋakiro nu ebe, ‘Eyakiyari ayoŋ ŋicen ŋul, ido epete ŋicen ŋul kai a ŋolokokolan ka kai a ŋini ikoŋi alyokonu alokiro kaŋ. Erubakinete ŋicen ŋul anakais a ŋul, ido emunaarete ŋakito kaapei ka ŋamoru a ŋakais kec.’ ”

Sakar 8:17

Nyituko akitiya aronis neni a ŋikidunyet kus, nyiminasi akikoŋ alyokonu. Aŋerit ayoŋ ŋun daadaŋ.”

Mal. 3:5

Ebala Ekapolon ŋolo Etiron, “Abuni ayoŋ neni kus atubokin iyes, ido alimuni ayoŋ atipei ŋakiro ŋuna etoroniyaritor ŋikekukujak, ŋikalomak, ŋikalyokonok, ŋiketunak ŋulu itunaete ŋiropito a ŋiketiyak kec, ŋikamodyanakinak ŋulu emodiyanarete ŋiboro anapuseru, alokokyok ka alotuŋa a ŋulugelae. Alimuni ayoŋ atipei ŋakiro ŋuna etoroniyaritor daadaŋ ŋulu nyakakerito ayoŋ.

Yoa. 8:44

Irae iyes ŋidwe a papa kus a Satan ka icamito iyes akiwuap ŋuna ecamit iŋes. Arae iŋes ekaaran ŋinapei anakisyakinet, ka nyikamunito iŋes ŋuna a kire, anerae emam ŋuna a kire aneni keŋ. Ani elimuni iŋes alyokonu, itiyae ŋuna erae ekeepite, anerae erae ekalyokonon ka erae papa ka alyokonu.

Ŋirom. 1:26

Aŋakiro a ŋun, emyek Akuj ikes itiyaete ŋuna ke ekibure kec a ŋolo a ŋileec, anerae ajoŋoto ŋaberu arukit ka ŋikilyok, alomakis arukit make ikwa ekile ka aberu.

Ŋikis. 24:7

Ani kikamun ituŋanan ŋini ekokoiyarit ituŋanan ŋini erae Esiraelit, akituruwor iŋes epito, kori agyelar, emaikina ituŋanan ŋini ekokoiyarit ŋinice toarae. Aŋun, ilemarete iyes aronis alokidiŋ kus.

1 Tim. 4:6

Ani kilimok iyoŋ ŋakiro nu neni a ŋikaitotoi alotooma Kristo, iruwor iyoŋ eketiyan a Yesu Kristo ŋolo ajokan, apaki daadaŋ ŋina irubakinitor iyoŋ iryamunit agogoŋu anakiro a ŋuna ka anupit ka anakitatam a ŋina ajokan a ŋina idau iyoŋ akiwuap.

1 Tim. 6:3

Itemokino iyoŋ kitatam. Ituŋanan daadaŋ ŋini itatami ŋakiro ŋuna egelaaka ka ŋini nyecamunit ŋakiro ŋuna a kire ŋuna ke Ekapolon yok Yesu Kristo ka ŋuna ikitatami iwon alodin yok,

2 Tim. 1:13

Kiric ejok ŋakiro ŋuna a kire ŋuna abu ayoŋ eketatam iyoŋ ananupit ka anamina ŋuna erae ŋuna yok alotooma akimorikina ka Yesu Kristo.

2 Tim. 4:3

Anerae ebuni apaki ŋina nyepupokiniata ŋituŋa ŋakiro ŋuna erae ŋuna a kire, nai iwuapete ekibure kec a ŋilopeyek ka ecununete aŋuna kec ŋiketatamak ŋulu alalak ŋulu elimokinete ikes ŋuna ecamito ŋaki kec akiirar.

Tito 1:13

Iyookino ŋakiro ŋuna abu iŋes tolimu. Aŋakiro a ŋun, itemokino iyoŋ kisibura ikes nooi, ikotere toruworos ikes ŋikanupak ŋulu ajokak;

Tito 1:9

Itemokino kiricite ejok akitatam ŋina ecamuna, ŋina ikinyoma ŋina a Ŋikristo. Alopite a ŋol epedori akisimukekin ŋuluce anakitatam a ŋin, a ŋina iyookino ka akitepeg ŋulu itepegito akitatam ŋin.

Ŋibur. 13:4

Itemokino ŋituŋa daadaŋ kitopoloorito ekiitanu. Itemokino ŋikilyok ka ŋaberu torae ŋulu ikinyoma make, anerae etubokini Akuj ŋulu emalaaka ka ŋikalomak.

Yud. 1:7

Totamunito daŋ Sodoma ka Gomora ta ŋitaunio ŋulu edunyatar ikes, ŋulu apotu ŋituŋa kitiyaata ikwa ŋimalaikan ŋul anakitiya ŋakiro ŋuna ka amalao ka asupitoi ŋina gelaanot. Isicanitae tokona ikes anakim a ŋina nyeduŋe. Alopite a lo erae ikes akitaanyikinet tocoikiniata daadaŋ.

Akis. 18:13

Sinamo--ekitoe ŋolo itukukunyi akimuj, eminae ŋolo ke ekinyate ka akimyet ŋina akukunyon ŋina eminae ka eceminae ŋolo akukunyon nooi ŋolo icunyo; epiini ka akimyet, ŋakirya ka ŋaganoi, ŋaatuk ka ŋamesekin, ŋaŋolei ka ŋagaari; ŋipi ka ŋituŋa daŋ.

Akis. 21:27

Nai emam ibore ŋini aronon elomari neni keŋ, emam tari idiotuŋanan ŋini itiyae ŋuna a ŋileec ka ŋuna ka alyokonu. Ŋituŋa ŋulu igiritae lokitaabo ŋolo ka akiyar ŋolo a Imesek, ikes bon elomarete tooma etaun ŋol.

Akis. 21:8

Nai ŋikakuryanak, ŋikalukinok, ŋulu nyenupito, ŋikaarak, ŋimalaanotin, ŋikekukujak, ŋulu ilipete neni a ŋakujo ka ŋikalyokonok daadaŋ imasakinio ikes nanam ŋina ka akim ka ŋina a Sulpa. Erae ŋin atwanare ŋina a ŋaarei.”

Akis. 22:15

Nai kiŋa etaun ŋolo apolon eyakaunosi ŋisiilyanotin, ŋikapilak, ŋimalaanotin, ŋikaarak, ŋulu ilipete neni a ŋakujo car ka daadaŋ ŋulu irworosi ka kitiyaete alyokonu.