1 Sam. 9:3 - Ebaibul

³ Apeikoloŋit, kepotu ŋisigirya a Kis a papa a Saul toolyoto. Aŋun, abu Kis tema neni a Saul a lokoku keŋ, “Torukosi ka eketiyan epei, toloto kiwarasi ŋisigirya.”

1 Sam. 9:3 Iomraidhean Croise

Ŋikat. 10:4

Ayakar Yair ŋidwe ŋulusapa ŋatomoniuni ŋulu adokito ŋisigirya ŋatomoniuni. Ayakatar ikes ŋitaunio ŋatomoniuni ŋulu aya Gilead, tari nakoloŋit na enyaritae ikes ŋitaunio a Yair.

Ŋikat. 5:10

Tolimosi ŋun, iyes ŋulu imeto ŋisigirya ŋulu akwaŋak, iyes ŋulu iboiyete aloboro a ŋulu ebusak ka iyes ŋulu ilosete alorotin,

1 Sam. 10:14

Kiŋit mamae keŋ Saul ke eketiyan a Saul tema, “Ai ilosito iyes?” Toboŋok Saul tema, “Ewararitae isua ŋisigirya; ani nai eyenunio isua atemar nyeriŋa etakanunete, aponi isua tolotoi neni a Samuel.”

1 Sam. 10:2

Ani tokona irotokini iyoŋ aneni kaŋ akoloŋit na, iryamasi iyoŋ ka ŋikilyok ŋiarei diyete alyal a Rakel anakwap a Benjamin aneni enyaritae Selisa. Ikilimokinete ikes iyoŋ temasi, ‘Aryamun ŋisigirya ŋulu ilosit iyoŋ akiwarar. Nyeriŋa tokona papa kon etamatamae aŋuna a ŋisigirya, alomaki atamatam aŋuna kon ebala: Anukiro emaikina ayoŋ etiya aŋuna a lokoku kaŋ?’

1 Sam. 9:2

Ayakar Kis ikoku keŋ ŋinisapat ŋini anyaritae Saul, arae Saul esorokit ŋolo ebus, mam ekile alo Isirael ebus akilo iŋes; arae iŋes ekile ŋolo aoyan akilo Ŋisirael daadaŋ.

1 Sam. 9:20

Nai tojoŋo atamatam ŋuna a ŋisigirya kon a ŋulu aolito ŋirwa ŋiuni ŋulu alunyar; adaun ikes aryamun. Ŋae mono etamakinito Ŋisirael daadaŋ atemar kipuka ikes, meere mono iyoŋ ka ŋituŋa a ekal a papa kon a?”

1 Sam. 9:4

Apotu nai Saul ka eketiyan ŋol kiwarasi ŋisigirya, kiwara nakwap ŋina a ŋikamukumukui ŋina enyaritae Epuraim ka kiwara nakibois ŋina enyaritae Salisa; nai apotu ikes nyeryamut ŋisigirya. Kiwarasi nakibois ŋina enyaritae Saalim, nai apotu nyeryamut. Ekaku, kiwarasi nakwap ŋina a Benjamin, nai apotu nyeryamut tari a nen.