1 Sam. 9:21 - Ebaibul

²¹ Toboŋok Saul tema, “Arae ayoŋ ituŋanan ŋini a ekabila a Benjamin a ŋolo edit alokabilae a Ŋisirael. Ŋituŋa a ekal kosi daŋ, erae ŋicaryo alokalya a ekabila a Benjamin. Kaanukiro nai ikilimokinia iyoŋ ayoŋ ŋakiro ŋuna ikote ŋun?”

1 Sam. 9:21 Iomraidhean Croise

Ŋikiru. 68:27

Eŋaranakinito ŋituŋa ŋulu alalak ŋulu alosete ŋul, ŋituŋa ŋulu ka ateker a Benjamin, ŋituŋa ŋulu a ekabila a Benjamin, ekabila ŋolo adit alokabilae a Ŋisirael a daadaŋ, ikes ayakasi kiŋaren ŋituŋa ŋulu alalak ŋulu alosete ŋul, totupakis ŋikarikok a ekabila Yuda, ka asepic a ŋituŋa kec totupakis ŋikarikok a ŋikabilae a Sebulon ka Naputali.

Ŋikiru. 68:28

Okoe Akuj, kitoodiu apedori kon, kitoodikinae isua agogoŋu kon okoe Akuj lopite ŋolo ibunio ikitoodikinia ekiŋaren.

Osea 13:1

Ani paaran sek irworikinete ŋituŋa a Epuraim, abulenene Ŋisirael ŋuluce ka etopoloorito Ŋisirael daadaŋ ikes, nai apotu ŋituŋa a Epuraim toseca aŋuna elipyata neni a Baal, aŋun, etwakete ikes.

Luk. 14:11

Anerae ŋinituŋanan itopolooro bon, itiditeunio; nai ŋini itiditeuna bon, itopolooryo.”

Ŋiep. 3:8

Arae neni kaŋ a ŋolo arae ecaryoit alotuŋa a daadaŋ a ŋulu ka Akuj aponi okoinakin ajokis ŋina limonokinet Ŋakiro ŋuna Ajokak neni a ŋulu nyerae Ŋiyudayan--ŋakiro ŋuna ka ajakaanut a Kristo a ŋina nyeŋicun etyae keŋ.

1 Sam. 10:27

Nai apotu ŋasyanisya ŋace temasi, “Epedori mono etuŋanan lo aiun iwon a?” Tojamuwasi ikes Saul, ido nyeaut ŋainakineta ŋadi neni a Saul. Nai abu Saul nyemitak ŋakiro kec. Apaki ŋin, atiŋit neni aronon nooi Naas erwosit ŋolo a Ŋiamoni erwosit ŋolo a Ŋigadi ka ŋolo a Ŋirubeni. Amina Naas agoronor ŋakonyen ŋuna aloteten ŋuna a ŋimoe keŋ a ŋul, ido pa acamit ainakin Ŋisirael ekaiunan. Mam Ŋisirael ŋulu eboiyete alokekwaye Yorodan ŋulu abu Naas erwosit a Ŋiamoni toesik nyegororo ŋakonyen ŋuna aloteten. Nai ayakasi Ŋisirael ŋalipyo ŋakanikaarei ŋulu kepotu tosiwa aneni a Ŋiamoni toloto Yabes-Gilead.

1 Sam. 14:51

Arae Kis papa a Saul ka arae Ner papa ka Abiner a ŋolo arae lokoku ka Abiel.

1 Sam. 15:17

Tema Samuel, “Tari kimenen iyoŋ bon, meere mono iyoŋ irae ekarikon a ŋikabilae a Ŋisirael a? Abu Ekapolon ikiosak iyoŋ akimyet toruwor erwosit a Isirael.

1 Sam. 18:18

Tolimok Daudi Saul tema, “Ŋae mono ayoŋ, ŋae mono ekal a papa kaŋ, kori ateker a papa kaŋ alo Isirael, icamitor iyoŋ akituruwor ayoŋ ekamuran ke erwosit?”

1 Sam. 18:23

Aŋun, apotu ŋiketiyak a Saul yaasi ŋakiro ŋun neni a Daudi, tolimokis ikes aneni kec bon. Nai abu Daudi kiŋit ikes tema, “Etakani mono aneni kus epatana aruwor ekamuran ke erwosit orae bo ayoŋ ekulyakit ka ituŋanan ŋini nyayenen alotuŋa a?”

1 Sam. 9:22

Ya nai Samuel Saul ka eketiyan a Saul, ya ikes tooma akai, kisiboik ikes kiŋaren ŋituŋa ŋulu anyaraunitae nen, ŋulu adolit ekimar ŋatomoniuni.