1 Sam. 8:9 - Ebaibul

⁹ Itemokino iyoŋ kiira ŋuna irworosi ikes. Nai tolimok ikes tocoito ka kitoodik ikes ŋuna emaikina kitiya erwosit ŋolo ebuni akipuka ikes.”

1 Sam. 8:9 Iomraidhean Croise

Yer. 11:7

anerae abu ayoŋ olimok ka agogoŋu atapapaa kus apaki ŋina ayaunia ayoŋ ikes anakwap a Ijipit atemar torubakisi iwuapito ŋakiro kaŋ, alimokinit ayoŋ ikes ŋakiro ŋun tari nakoloŋit na atemar kiwuapa ŋuna erworo ayoŋ.

Esek. 3:18

Ani kalimok ayoŋ ŋulu aronok ebe, ‘Itwakete iyes kire jik, ido towou iyoŋ alimokin ikes acoikin aronis kec, kori towou iyoŋ akirwor ŋakiro ŋuna iteesikinete ikes aronis kec ikotere eiunete akiyar kec, etwakete kire jik ŋikaronok ŋul aŋuna ka asecit kec, ido emarakini ayoŋ atwanare kec erae nakou kon.

Esek. 46:18

Nyemaikina ekepukan todemana ŋituŋa ibore ŋini erae ŋini kec, emaikina iŋes inak ŋidwe keŋ ŋulusapa ibore ŋini eruwor ŋini kec aloboro keŋ a elope, ikotere nai nyedemar idio alotuŋa kaŋ ibore ŋini erae ŋini kec.”

1 Sam. 10:25

Tolimok nai Samuel ŋituŋa ŋakiro ka arwosiyo ŋuna itemokino kiwuapae ka kitiyae. Kigirak Samuel ŋakiro ŋun lokitaabo, ido ya ekitaabo kiwuak neni etaletoi. Tolimok nai ŋituŋa daadaŋ toboŋosi lorerya kec.

1 Sam. 12:1

Tema Samuel neni a Ŋisirael a daadaŋ, “Adau ayoŋ acamun ŋakiro kus daadaŋ ŋuna ikilimokis iyes ayoŋ, ido akainak ayoŋ iyes erwosit ŋolo ikipukae.

1 Sam. 14:52

Ŋirwa daadaŋ ŋulu ka akiyar a Saul, arae ŋulu a ŋijiesyo a ŋulu aroko nooi a ŋulu ajioto iŋes ka Ŋipilistin, ido apaki daadaŋ ŋina iŋolikinia Saul ekile ŋolo egogoŋ, kori ŋolo ededeŋ, amina iŋes aenen ŋikilyok ŋul akitiya neni keŋ.

1 Sam. 2:13

nabo pa amisito ikes ŋiticisyo ŋulu etiyae esacaradoti aŋuna a ŋituŋa. Apaki daadaŋ ŋina eyaunia ituŋanan amuronot, abunene nen eketiyan a esacaradoti, epei a ŋisapa a ŋul ŋolo etiyaete ke esacaradoti akoloŋit ŋin apaki ŋina ipoere akiriŋ etiŋit auma ŋina a ŋikyal a ŋiuni.

1 Sam. 8:8

Ikwapei etiyakiniata ikes ŋun neni kaŋ ameun akoloŋit ŋina ayaunia ayoŋ ikes alo Ijipit, akitodol nakoloŋit na, akaŋerito ikes ayoŋ, ido itiyanakinete ŋakujo ŋace, aŋun, ikiŋero ikes iyoŋ daŋ.