1 Sam. 8:7 - Ebaibul

⁷ Tema nai Ekapolon neni a Samuel, “Tocamu ŋakiro daadaŋ ŋuna irworosi ŋituŋa neni kon; anerae nyikiŋerito iyoŋ ŋituŋa aruwor Ekapolokiniton kec, nai ayoŋ akaŋero ŋituŋa araakau erwosit ŋolo epukat ikes.

1 Sam. 8:7 Iomraidhean Croise

Awos. 16:8

Tema daŋ Moses, “Iyenunete iyes atemar erae neni ke Ekapolon iŋuruŋurasi iyes. Iyenunete iyes ŋun apaki ŋina ikiinakinia iŋes iyes akiriŋ tonyama eboŋ ka ŋamugati tonyama taparacu, anerae eira iŋes akiŋuruŋura kus neni keŋ. Ata ŋae mono isua? Meere neni kosi iŋuruŋurasi iyes, nai erae neni ke Ekapolon.”

Isa. 66:4

ayoŋ daŋ, aseuni ajamuwar ikes, ainakini ikes ibore ŋini ekerito ikes, anerae ani anyarae ayoŋ ikes, mam ŋini abu okoboŋok ayoŋ ŋakiro, ani esirworikini ayoŋ ikes, apotu ikes nyepupokis ŋakiro kaŋ, nai apotu ikes kitiyata ŋuna aronok alokiŋaren kaŋ, toseut akitiya ŋuna pa eketalakarito ayoŋ.”

Yer. 34:14

‘Ani edolete ŋikaru ŋikanikaarei, emaikina ituŋanan ŋini erae Iburaniyat daadaŋ ŋini keponi ikigyelakin iyes ka ŋini adau akitiyanakin iyes alotooma ŋikaru ŋikanikapei, tolacakinae anakitiyanakin iyes.’ Nai apotu atapapaa kus nyiwuapa ŋakiro kaŋ kori nyepupokis daŋ ŋakiro kaŋ.

Esek. 2:3

ebala, “Lokoku a ituŋanan, ekeyakiyari ayoŋ iyoŋ neni a Ŋisirael, lotuŋa ŋulu aruwor ŋikaŋerok, ŋulu akaŋero ayoŋ; ŋinapei akitodol tokona, lopite ŋolo aponiata atapapaa kec okoŋeryoto ayoŋ.

Esek. 3:7

Nai emam Ŋisirael ŋini ecamuni apupokin ŋakiro ŋuna irwori iyoŋ, anerae nyecamito daadaŋ akiirar ŋuna erworo ayoŋ aŋuna etogogoŋioto ŋakyes kec ka aruworotor ŋasyanisya alotai kec.

Ekim. 22:20

Akuwar ŋin totakanu Ekapolon neni a Balaam tolimok iŋes tema, “Ani keponito ŋikilyok ŋul anyaraar iyoŋ, tonyou toloto kaapei ka ikes, nai kitiya ŋuna akalimokini ayoŋ iyoŋ.”

Mat. 10:40

“Ituŋanan ŋini ikijauni iyes, ekejau ayoŋ, nabo ŋini ekejauni ayoŋ, ejau iŋes ŋini ekeyakuunit ayoŋ.

Luk. 10:16

Tolimok Yesu ŋikeekasyomak tema, “Ituŋanan daadaŋ ŋini ikiirari iyes, ekeira tari ayoŋ; ituŋanan daadaŋ ŋini ikiŋeri iyes, akaŋer tari ayoŋ; ŋini akaŋer ayoŋ, aŋer tari ŋini ekeyakuunit ayoŋ.”

Luk. 19:14

Nai aremokino ŋituŋa ŋulu ka akwap keŋ iŋes, kiyakiyasi ŋituŋa neni alosi iŋes temasi, ‘Nyikicamit isua ituŋanan ŋin eruwor erwosit kosi.’

Luk. 19:27

Nai ani ikwa ŋimoi kaŋ lu, ŋulu nyakacamito ayoŋ akipuka ikes, torikutu ikes ne toŋolae ete ayoŋ!’”

Yoa. 13:16

Akalimokini ayoŋ iyes kire atemar, emam epito ŋolo epol akilo ekeekapolon, nabo daŋ emam ekiyakitono ŋolo epol akilo ŋolo iyakit iŋes.

Ŋikat. 8:23

Tolimok Gideon ikes tema, “Nyekepukae ayoŋ iyes ka nyikipukae iyes lokoku kaŋ, Ekapolon iŋes ikipukae iyes.”

1 Sam. 10:19

Nai iŋero iyes tokona Akuj kus, ŋina abu itoiu iyes anakiro a ŋuna aronok a daadaŋ ka alocan kus; nai tokona itemasi iyes, ‘Mam! Tosekinae isua erwosit ŋolo ikipukae.’ Aŋun nai, toloto kiŋaren Ekapolon a ŋikabilae ka a ŋatekerin kus.”

1 Sam. 12:1

Tema Samuel neni a Ŋisirael a daadaŋ, “Adau ayoŋ acamun ŋakiro kus daadaŋ ŋuna ikilimokis iyes ayoŋ, ido akainak ayoŋ iyes erwosit ŋolo ikipukae.

1 Sam. 12:12

Nai ani iŋolikinete iyes erwosit Naas ŋolo a Ŋiamoni ebuni akirem iyes, ipotu iyes toŋero Ekapolon aruwor erwosit kus, ido itemasi neni keŋ, ‘Itemokino ikipuka isua erwosit.’

1 Sam. 8:22

Tema Ekapolon neni a Samuel, “Tocamu ŋakiro ŋuna iŋitasi Ŋisirael, inak ikes erwosit kipuka.” Tolimok nai Samuel Ŋisirael tema, “Toboŋosi iyes daadaŋ lorerya kus.”

1 Sam. 8:8

Ikwapei etiyakiniata ikes ŋun neni kaŋ ameun akoloŋit ŋina ayaunia ayoŋ ikes alo Ijipit, akitodol nakoloŋit na, akaŋerito ikes ayoŋ, ido itiyanakinete ŋakujo ŋace, aŋun, ikiŋero ikes iyoŋ daŋ.