1 Sam. 8:6 - Ebaibul

⁶ Nai apotu ŋun nyitalakasi Samuel elimunete ikes ebe, “Inakinae isua erwosit ŋolo ikipukae isua.” Aŋun, abu Samuel kilip neni ke Ekapolon.

1 Sam. 8:6 Iomraidhean Croise

Ŋikiru. 109:4

Tari ketiyae ayoŋ neni kec ŋuna ka amina, ekesitanakinete ikes ayoŋ tari kelipi ayoŋ aŋuna kec.

Awos. 32:21

Kiŋit nai Moses Aron tema, “Anukiro apotu ŋituŋa lu kitiyata neni kon, ŋuna iyaunia iyoŋ asecit na ŋina apolon nooi neni kec?”

Awos. 32:32

Nai tokona, akadyekit ayoŋ iyoŋ kisyoni asecit kec ŋin, ani pa kisyon, kikisa ekiro kaŋ alokitaabo a ŋolo igirit iyoŋ ŋirorwa a ŋituŋa.”

Osea 13:10

Ai bo tokona eyai erwosit kus ikotere ikiuni iyes? Ai eya ŋikapolok alotaunio kus a daadaŋ, ŋulu sek ibasi iyes ayoŋ, “Inakinae isua erwosit ka ŋikepukak.”

Ekim. 16:15

Abu nai Moses toŋo nooi, ido tema neni ke Ekapolon, “Nyicamu ŋainakineta kec. Mam nyeyaa ayoŋ aneni kec tari ŋolo arae esigirya epei daŋ ka nyewana ayoŋ idio alokidiŋ kec.”

Ekim. 16:22

Anenipei, toramakinos Moses ka Aron todolo ŋireetin kwap, ido temasi, “Okoe Akuj, Akuj ŋina a ŋitai a ŋituŋa a daadaŋ, iŋoikini iyoŋ ŋituŋa daadaŋ aŋuna ka asecit a ipeituŋanan a?”

Ekim. 16:46

Tolimok Moses Aron tema, “Tolemu isipirya kon ŋini ke ekinyate, kiwuak akim ŋina anamuroet tooma keŋ, kiwuak ekinyate, ido iya atipei natukot, tomooku ŋituŋa; anerae aŋo Ekapolon ka ageiki edeke akiar ŋituŋa.”

Ŋipil. 4:6

Nyiyaloloŋete aŋuna a idiobore, nai anakiro a daadaŋ, kimaimaa ka tolimokisi Akuj ibore ŋini iitanito iyes, tolimonokinete iŋes a ŋitai a ŋulu elakara neni keŋ.

Yak. 1:5

Ani keyai ipei alokidiŋ kus ŋini icana aosou, itemokino iŋes kiŋit Akuj. Einakini Akuj iŋes ikwa einanakinia ŋituŋa daadaŋ anarimao emam akisibura.

1 Sam. 10:19

Nai iŋero iyes tokona Akuj kus, ŋina abu itoiu iyes anakiro a ŋuna aronok a daadaŋ ka alocan kus; nai tokona itemasi iyes, ‘Mam! Tosekinae isua erwosit ŋolo ikipukae.’ Aŋun nai, toloto kiŋaren Ekapolon a ŋikabilae ka a ŋatekerin kus.”

1 Sam. 12:12

Nai ani iŋolikinete iyes erwosit Naas ŋolo a Ŋiamoni ebuni akirem iyes, ipotu iyes toŋero Ekapolon aruwor erwosit kus, ido itemasi neni keŋ, ‘Itemokino ikipuka isua erwosit.’

1 Sam. 12:17

Meere apaki ŋina elemere ŋaganoi na, ŋina emamukar akiru a? Anyarae ayoŋ Ekapolon yau agiro ka akiru; ikotere iyes iyenunete ka iŋolikinete atemar eroko nooi ŋuna itiyata iyes alokiŋaren Ekapolon, anerae ipotu iyes kiitana aryamun erwosit ŋolo ikipukae iyes.”

1 Sam. 12:19

Temasi ŋituŋa daadaŋ neni a Samuel, “Kilip neni ke Ekapolon Akuj kon aŋuna kosi a ŋiketiyak kon, ikotere nyikitwaka, anerae eyatakin isua nasecisya kosi daadaŋ asecit ŋina ikicamitor erwosit ŋolo ikipukae isua.”

1 Sam. 12:23

Ani eruwor ayoŋ, nyikiryama ca ka akisec neni ke Ekapolon anajoŋore akilip aŋuna kus, ido eketatami ayoŋ iyes ŋipitesyo ŋulu ejokak ka ŋulu iyookino.

1 Sam. 15:11

“Akakadakis ayoŋ ŋakiro ŋuna abunio eturuworya Saul erwosit, anerae akaŋer iŋes ayoŋ ka nyiwuapa iŋes ŋuna ecikit ayoŋ iŋes.” Toŋo Samuel nooi, kigwor neni ke Ekapolon akuwar kia.

1 Sam. 7:5

Tema nai Samuel, “Tocunakisi Ŋisirael daadaŋ Misipa, ido elipi ayoŋ neni ke Ekapolon aŋuna kus.”