1 Sam. 7:6 - Ebaibul

⁶ Aŋun, apotu ikes tocunakinos Misipa, tookut ŋakipi tobukosi alokiŋaren Ekapolon. Kiredakis ikes akiron akoloŋit ŋin temasi, “Ikidau isua akisec alokiŋaren Ekapolon.” Ido abu Samuel toruwor ekatubon ŋakiro ka ekarikon a Ŋisirael alo Misipa.

1 Sam. 7:6 Iomraidhean Croise

Akisy. 31:49

tosodi tonyara ekiro a amoru a ŋina asipokini iŋes esibit epir ebe Misipa, anerae abala iŋes, “Ikite Ekapolon ayoŋ ka iyoŋ, apaki tari ŋina nyikirukitor.

2 Sam. 14:14

Kire jik, ikitwaki iwon daadaŋ, ikikoni iwon ŋakipi ŋuna ebukokinio nalup, ŋuna emam ituŋanan eokuni nabo. Nyikirikiranari Akuj alemar akiyar a ituŋanan, nai eye Akuj ŋirotin ŋulu eboŋunio neni keŋ ituŋanan ŋini eluŋakina aneni keŋ.

1 Ŋirw. 8:47

ani nai ketamut ikes anakwap a ŋina erikoryo ŋuna kepotu kitiyata, ido tokiwa, todyekanaros neni kon anakwap a ŋulu erikorete ikes, temasi ‘Ikisec isua ka ikitiya ŋuna nyiyookino; ikitiya isua ŋuna a ŋileec;’

1 Ŋakiro a ŋirwa 11:18

Apotu nai ŋikilyok ŋulu arwok ŋuluuni ŋul toemaros neni a Ŋipilistin, totubo alokidiŋ, tookut ŋakipi anakare a ŋina edunyit epuke a Betelem, kiwokosi neni a Daudi. Nai abu Daudi nyemat ŋakipi ŋun; abu tobukok kiŋaren Ekapolon erae ainakinet.

2 Ŋakiro a ŋirwa 20:3

Tobul Yeosapat, toseu alotau keŋ akiŋit Ekapolon ŋakiro; tolimu atemar torono ŋituŋa a Yudaya daadaŋ.

Neem. 9:27

Aŋun, ibu iyoŋ kipotok ikes napedor a ŋimoe kec, ŋulu apotu kiteryamut ikes ŋican. Tosodi anapaki a ŋina ayakatar ikes locan, apotu ikes ikigworokis iyoŋ ka ibu iyoŋ kiira akigworo kec anakuj, alotooma akisyon kon ŋina apolon, ibu iyoŋ inak ikes ŋikaiunak ŋulu apotu toiut ikes anapedor a ŋimoe kec.

Yob 16:20

Akajamuwarito ayoŋ ŋikonei kaŋ; ebwaliyasi ŋakiyo ŋakonyen kaŋ adyekit Akuj ekeŋarak ayoŋ.

Yob 3:24

Anerae akisuta kaŋ akimuj kaŋ, eropiunit aumen aneni kaŋ lopite ŋolo eropiyoto ŋakipi.

Yob 33:27

eikini ituŋanan ŋin iŋes alokiŋaren ŋituŋa ebe, ‘Abu ayoŋ osec ka oŋer akitiya ŋuna iyookino, nai nyisicana Akuj ayoŋ aŋuna abu ayoŋ etiya.

Yob 40:4

“Kiira, arae ayoŋ ecaryoit koŋin, anukiro akaboŋokini ayoŋ iyoŋ? Abuni ayoŋ akituk kaŋ ka akan.

Yob 42:6

Aŋun, ajamuwar ayoŋ bon aŋuna a ŋakiro kaŋ, ido akii ewuakinit apuwa ka ekuron nakuwan kaŋ.”

Ŋikiru. 106:6

Ikidau isua akisec ikwapei atapapaa kosi; ikidau akitiya aronis, ikidau akitiya ŋuna aronok.

Ŋikiru. 119:136

Eleleete ŋakiyo anakonyen kaŋ, anerae nyiwuapitae ŋikisila kon.

Ŋikiru. 42:3

Ŋakiyo kaŋ ikes erae akimuj kaŋ naparan ka nakwaare, ekeŋiseneneete ayoŋ ŋituŋa apaaran jwii ebe, “Ai bo eyai Akuj kon?”

Ŋikiru. 6:6

Alemun ayoŋ anakigworo kaŋ; akuwar kia itapapalete ekitaada kaŋ ŋakiyo ŋuna egworor ayoŋ; ibwaliyananarete ŋakiyo ibore ŋini ecoloŋit ayoŋ aperi.

Ŋikiru. 62:8

Okoe ŋituŋa kikinyoma Akuj; anerae Akuj iŋes erae akaiunan yok.

Yer. 31:19

Aponi isua ikiŋeri iyoŋ, nai aponi tokiwae aronis kosi, aponi isua toyenunae ŋunakitiya, nai aponi kiyaloloŋoi nooi, apotu ŋileec ikiruma isua ka abu ikikadak isua, anerae ikipotu isua oseca eriŋa eraakae ŋisorok.’

Yer. 36:9

Alokaru a ŋolo a ŋikan elap ŋolo a ŋikanikaomwon ipukat erwosit Yeoiakim lokoku a Yosia ŋolo a Yudaya, apotu ŋituŋa ŋulu eboiyete alo Yerusalem ka ŋituŋa daadaŋ ŋulu aponito Yerusalem alotaunio a Yudaya kiseraut akiredakin akiron alokiŋaren Ekapolon.

Yer. 9:1

Okoe kerae ca torae akou kaŋ eitanit a ŋakipi ka torae ŋakonyen kaŋ elelya a ŋakiyo, kapedorit ayoŋ akigworo naparan ka nakwaare aŋuna a ŋituŋa kaŋ a ŋulu aari, a ŋulu a ŋican.

Aum. 2:11

Amuumu ŋakonyen kaŋ aŋuna ka akigworo, eryebete ŋakiro etau kaŋ nooi. Akaup ayoŋ akiyaloloŋ aŋuna amunyarere ŋituŋa kaŋ ka aŋuna iridyata ŋidwe ka ŋiŋwea alorotin a ŋulu ke etaun.

Aum. 3:49

“Erubakinete ŋakiyo eleleete anakonyen kaŋ, mam nyejoŋoete alel,

Aum. 5:16

Adaun ibore daadaŋ ŋini sek ikituror isua. Aponi isua tosecae, ido tokona ikiryamunit isua ŋican.

Esek. 20:4

Lokoku a ituŋanan, itemokino iyoŋ aŋuna ka atubokin ikes a? Totubok ikes. Tolimok ikes toyenut ŋakiro ŋuna ka asiilyo ŋuna apotu atapapaa kec kitiyata

Osea 5:1

“Kiirasi ŋakiro nu, iyes ŋisacaradotin! Topupokisi, okoe ŋituŋa a Isirael! Kiirasi, okoe ŋituŋa a erwosit! Ebunit atubokino neni kus; anerae iruworosi iyes aloc alo Misipa ka atibait ŋina elokitae lomoru Tabor

Yoel 2:12

Ebala Ekapolon ebe, “Tari tokona kikote neni daŋ, toboŋutu neni kaŋ a ŋikusitai a daadaŋ, kiredanakisi akiron, kigworos ka kiyaloloŋete.

Ŋilep. 16:29

“Emaikina iyes kiwuapa ŋakiro ŋuna etubunitoe nu ŋikaru ka ŋikaru: Ani edoli ŋirwa ke elap ŋitomon, elap ŋolo a ŋikanikaarei, emaikina iyes kiredakis akiron, ido nyitiyata etic edio; kiraakasi Ŋisirael ŋulu ikiurito Ŋisirael, kori ŋigelanotin ŋulu iboiyete kaapei ka Ŋisirael;

Ŋilep. 26:40

“‘Nai ani kelimosi ikes ŋasecisya kec ka ŋuna atapapaa kec, ŋuna aponiata ikes eketepegeta ayoŋ ka okoŋero ayoŋ,

Luk. 15:18

Anyouni ayoŋ oboŋo neni a papa kaŋ, olimok iŋes otema, “Papa, asec ayoŋ alokiŋaren Akuj ka alokiŋaren kon;

Yos. 18:26

Misipe, Kepira, Mosa,

Ŋikat. 10:10

Aŋun, apotu Ŋisirael kigworokis Ekapolon temasi, “Ikisec isua alokiŋaren kon aŋuna aŋerere isua Akuj kosi, ido alosi akilip neni ata Baal.”

Ŋikat. 10:15

Tolimokis Ŋisirael Ekapolon temasi, “Ikisec isua, kitiya neni kosi ŋuna nyejokak aneni kon, nai tolakunae isua nakoloŋit na!”

Ŋikat. 2:4

Ani irikakini emalaika ŋolo ke Ekapolon akirwor ŋakiro ŋun neni a Ŋisirael a daadaŋ, apotu ŋituŋa kiworout ecelasi nooi ka kigworo.

Ŋikat. 20:23

Kitipeiyosi Ŋisirael, kigworo neni ke Ekapolon apaaran daadaŋ akitodol eboŋ, kiŋita nabo ikes Ekapolon ŋakiro temasi, “Elosyo ba nabo isua diyete akicodor akitijikin ŋiyeneta kosi ŋituŋa a ekabila a Benjamin a?” Toboŋok Ekapolon ikes tema, “Toloto kitijikisi ikes.”

Ŋikat. 20:26

Toloto nabo Ŋisirael daadaŋ Besel kigworo neni ke Ekapolon iboiyete a nen, kiredakis akiron akoloŋit ŋin akitodol eboŋ. Inanakis nai alo kiŋaren Ekapolon ŋainakineta ŋuna epeyo ka ŋamuronisya ŋuna ke ekisil.

Ŋikat. 3:10

Abu etau ŋolo ke Ekapolon min neni ka Osiniel, toruwor iŋes ekatubon ŋakiro alo Isirael, abu tolot lojie, ido abu Ekapolon kipotok erwosit Kusan-Risasaim ŋolo ka Aram napedor ka Osiniel, abu iŋes kilou Kusan-Risasaim.

1 Sam. 1:15

Nai abu Ana toboŋok iŋes tema, “Nyamera ayoŋ, ekapolon kaŋ; arae ayoŋ aberu ŋina aryamunit ŋican ŋulu apipilak nooi; nyemata ayoŋ epiini, kori ŋagwe ŋadi ŋuna adwarak, nai igworonokini etau kaŋ Ekapolon.

1 Sam. 10:17

Tonyarau Samuel Ŋisirael neni ke Ekapolon, nakibois ŋina anyaritae Misipa.

1 Sam. 12:10

Apotu nai ikes kikalout neni ke Ekapolon temasi, ‘Ikisec isua, anerae aŋeri Ekapolon, ido alomakin akitiyanakin ata Baal ka ata Asitarite; nai toiunae isua tokona anapedor a ŋimoe kosi, ido ikitiyanakini isua iyoŋ.’

1 Sam. 7:15

Abu Samuel torubak epolokinit akwap a Isirael ŋirwa daadaŋ ŋulu ka akiyar keŋ.