1 Sam. 7:17 - Ebaibul

¹⁷ Nai amina iŋes aboŋonor Rama, anerae nen iŋes ayai akai keŋ, ido abu iŋes kipuka Isirael a nen ka abu todukok nen Namuroet aŋuna ke Ekapolon.

1 Sam. 7:17 Iomraidhean Croise

Akisy. 33:20

Todukok Namuroet nen, tonyara ekiro a akibois a ŋin El-Eloe-Isirael.

Akisy. 35:7

Todukok Yakob Namuroet nen, tonyara ekiro a akibois a ŋin El Besel, anerae arae nen abunio Akuj totakanunia neni a Yakob apaki ŋina arotokinio aneni alokaato keŋ.

Isa. 10:29

Atuborosi iŋes ka ŋasigarya keŋ alorot, aperiyosi Geba. Abul ŋituŋa ŋulu iboiyete alotaun Rama, aema ŋituŋa ŋulu eboiyete alo Gibea a ŋina a Saul.

Ŋikat. 4:5

Anait iŋes akiboi alokwap edukanit ŋolo anyaritae edukanit a Debora. Ayai edukanit ŋol kidiŋ Rama ka Besel anakwap a ŋina a ŋikamukumukui a ŋina a Epuraim. Aponeneete Ŋisirael neni a Debora atubokino ŋakiro kec.

Ŋikat. 6:24

Abu nai Gideon todukok namuroet nen aŋuna ke Ekapolon, tolimok ekiro a namuroet a ŋin “Ekapolon iŋes erae ekisil” Eriŋa namuroet ŋin eyai Opira lotaun ŋolo a Ŋiabieseri tari tokona.

1 Sam. 1:1

Ayai nakwap ŋina a ŋikamukumukui ŋina a Epuraim ekile ece ŋolo abunit alo Romasaim. Anyaritae ekiro keŋ Elkana, arae iŋes Esupait lokoku a Yeroam a ŋolo arae lokoku a Eliu, a ŋolo arae lokoku a Tou, a ŋolo arae lokoku a Sup a ŋolo arae Epuramait.

1 Sam. 1:19

Tonyout ikes taparacu sek kilipa neni ke Ekapolon; toboŋosi nai lore kec Rama. Kiryamakinos Elkana ka aberu keŋ Ana, ido abu Ekapolon toboŋok akilip ka Ana.

1 Sam. 11:15

Aŋun, apotu ŋituŋa daadaŋ toloto Giligal, kituruwosi Saul erwosit a nen alokiŋaren Ekapolon. Toara ŋamuronisya ŋuna ke ekisil a nen alokiŋaren Ekapolon. Tolelyana nooi Saul ka Ŋisirael daadaŋ a nen.

1 Sam. 14:35

Todukok Saul Namuroet aŋuna a Ekapolon nen; arae ŋin Namuroet ŋina ke ekiŋaren, ŋina abu Saul todukok aŋuna a Ekapolon.

1 Sam. 15:34

Tonyou nai Samuel a nen tolot Rama; ido tonyou Saul a nen kitipeiyo lore keŋ Gibea nakibois ŋina a Saul.

1 Sam. 2:11

Toboŋo nai Elkana lore keŋ Rama, kidoŋ Samuel Silo akitiyanakin Ekapolon, topolokinite esacaradoti Eli iŋes.

1 Sam. 28:3

Ani nai etwani Samuel, apotu Ŋisirael daadaŋ kigworo aŋuna keŋ, ido tonuka iŋes Rama, lotaun keŋ ke elope. Apaki ŋin, aris Saul kirita ŋimurok ka ŋulu a ŋililae anakwap a Isirael.

1 Sam. 8:4

Apotu nai ŋikasikou daadaŋ tocunakinos toloto Rama neni a Samuel,

1 Sam. 9:12

Toboŋokis ŋapesur temasi, “Eyai, eŋolopei alokiŋaren kus ŋol. Kiwonyakisi! Adolun iŋes lotaun kosi napei na, anerae earito ŋituŋa amuronot nakoloŋit na anakibois a ŋinamukur.