1 Sam. 6:21 - Ebaibul

²¹ Aŋun, apotu ikes kiyakiyasi ŋituŋa lotuŋa a Kirias-Yearim alimokin ikes ebe, “Enyakut Ŋipilistin Asaduku ŋina ke Ekapolon. Totiyaunos ne, ido yaa Asaduku a ne nakibois kus.”

1 Sam. 6:21 Iomraidhean Croise

2 Sam. 6:2

Torotokis iŋes ka ŋikilyok ŋul alo Baala a ŋina alo Yudaya akiom Asaduku ŋina ka Acamunet. Enyaritae Asaduku ŋin a ekiro ke Ekapolon a ŋolo Etiron, a ŋolo eyai kidiŋ Ŋisubuna ŋulu a ŋabebenuk ŋulu icekinitae kidiama Asaduku.

Ŋikiru. 78:60

Abu kimyek eema keŋ ŋolo ayai Silo, eema ŋolo sek ayakar iŋes kaapei ka ŋituŋa.

Yer. 26:20

Ayai daŋ ekile ece ŋolo adwarenene alokiro ke Ekapolon, arae ekile ŋol Uria lokoku a Semaia ŋolo abunit alo Kirias-Yearim. Abu iŋes todwar ŋuna aronok aŋuna a etaun a lo ka aŋuna a akwap a na, erworo iŋes ŋakiro ŋuna ikwaan jik ka ŋuna alimu Yeremia.

Yer. 7:12

Toloto tokona nakibois kaŋ ŋina koloŋ ayai Silo, neni abu ayoŋ ewuak toyakaun ekiro kaŋ apaki ŋina esyaunan, ido kiŋolikis ŋuna abu ayoŋ etiya nen aŋuna ka aronis a ŋituŋa kaŋ a Ŋisirael.

Yer. 7:14

aŋun etiyae ayoŋ ŋuna abu etiya Silo neni ka Akai a ŋina enyaritere a ekiro kaŋ, a ŋina ikinyomito iyes ka akibois ŋina abu ayoŋ okoinak iyes ka neni atapapaa kus.

Yos. 15:60

Kirias-Baal, (iŋes Kirias-Yearim) ka Raba. Arae ŋul a nen ŋitaunio ŋiarei ka ŋirerya kec.

Yos. 15:9

Kiporo alokidiama ekamukumukut ŋol, kitor lolelya a Nepetoa, tomyaa lotaunio ŋulu alomoru Epuron; kilugok a nen kitor Baala (iŋes Kirias-Yearim);

Yos. 18:14

Ameun alokamukumukut a ŋolo iteosi ka Bes-Oron alowae a ŋolo alo Kwap, elugokinit ekukoru kinapakin ekamukumukut alowae a ŋolo alo To, kiropo Kirias-Baal (iŋes Kirias-Yearim) etaun a ŋituŋa a Yuda. Arae ŋol ekukoru ŋolo alo To.

Yos. 9:17

Tosodo Ŋisirael tonyout, torotokis lotaunio a ŋituŋa a ŋul. Ani elunyarosi ŋirwa ŋiuni, todolo ikes lotaunio lu: Gibeon, Kepira ka Beerot ta Kirias-Yearim.

Ŋikat. 18:12

kitipeiyosi ikes kiboiyosi Kirias-Yearim alo Yudaya. Aŋakiro aŋun, enyaritae akibois ŋin Maane-Dan tari nakoloŋit na, eyai akibois ŋin To Kirias-Yearim.