1 Sam. 6:17 - Ebaibul

¹⁷ Ŋitorubei ŋulu etiyaunitae a egolid ŋulu ekwaan ka ŋabusyo ŋulu apotu Ŋipilistin yaasi neni ke Ekapolon erae ainakinet ŋina a ekaile a ŋolo ka asecit kec ikes nu: Ayaunitae apei aŋuna ka Asidod, apei aŋuna a Gasa, apei aŋuna ka Asikelon, apei aŋuna a Gas ka apei aŋuna ka Ekiron.

1 Sam. 6:17 Iomraidhean Croise

2 Sam. 1:20

Nyemaikina ŋakiro nu tolimoroe alo Gas, kori kiserae alorotin a ŋulu ka Asikelon; anerae epedorete ŋidwe a Ŋipilistin ŋulupesur alelyan, epedorete ŋidwe a ŋul a ŋulu nyileŋeritae alakar.

2 Sam. 21:22

Arae ŋikilyok ŋuluomwon ŋul ŋipapae a Ŋirepai a ŋulu alo Gas; apotu Daudi ka ŋirukitos keŋ toara ikes.

2 Ŋirw. 1:2

Abu erwosit Aasia ŋolo a Isirael tocakun alogoropa keŋ alo Samaria towana nooi, ido eperi. Aŋun kiyakiya iŋes ŋituŋa tolimok ikes tema, “Toloto neni a Baalsebub a ŋina erae akuj a Ŋipilistin, a ŋina eyai lotaun Ekiron, tosodo kiŋita iŋes erae kapedori ayoŋ aŋaleun, kori mam.”

2 Ŋakiro a ŋirwa 26:6

Abu Usia tolot akitijikin Ŋipilistin, tobwaŋabwaŋaa ŋarwatatain ŋuna ke etaun Gas ka ŋuna ke etaun Yabine ta ŋuna ke etaun Acidod ka abu todukok ŋitaunio diyete Acidod ka iwace anakwap a Ŋipilistin.

Yer. 25:20

ŋituŋa ŋulu inyalal daadaŋ, ŋirwosi daadaŋ ŋulu ka akwap a Us, ŋirwosi daadaŋ ŋulu ka akwap a Ŋipilistin, ikes Askelon, Gasa, Ekiron, ŋipiya ŋulu ka Acidod;

Ŋilep. 5:7

Nai ani pa kepedori iŋes alemun amesek, emaikina iŋes yau neni ke Ekapolon ikwapei ainakinet aŋuna ka asecit keŋ ŋakuryo ŋaarei, kori ŋatemeleudi ŋaarei, apei erae ainakinet aŋuna ka asecit ka ŋinace erae ainakinet ŋina epeyo.

Amos 1:6

Alimu Ekapolon ŋakiro nu ebe, “Aŋuna arubakiniata ŋituŋa a Gasa itiyaete ŋasecisya ŋuna alaak nooi, nyaesikini ayoŋ akisican ikes, anerae apotu ikes torikosi ŋituŋa daadaŋ alorerya kec, togyelasi erae ŋipi neni a ŋituŋa ke Edom.

Amos 6:2

Toloto kiŋolikis etaun Kaline, a nen, toloto Amas lotaun ŋolo apolon, ido totiyaaros a nen, toloto Gas lotaun ŋolo a Ŋipilistin. Itamete iyes atemar igogoŋ iyes akilo ŋituŋa a ŋakwapin a ŋun a? Kori elal akwap kus akilo ŋuna kec a?

Ŋikis. 28:27

Ikisicani Ekapolon iyes a ŋilepunoe a ŋulu esicanitere ŋituŋa a Ijipit ka a ŋajemei a ŋuna erae etoku, a ŋiipu, akipiere a ŋawat, mam nyiŋaleunete iyes alodekesyo a ŋul.

Ŋikat. 1:18

Apotu ŋituŋa a Yuda kikamasi etaun Gasa ka akwap keŋ daadaŋ, etaun Askelon ka akwap keŋ daadaŋ ta etaun Ekiron ka akwap keŋ daadaŋ.

Ŋikat. 14:19

Toloma atipei etau ŋolo ke Ekapolon neni a Samuson, totiyaar iŋes Asikelon. Toar alotaun a ŋol ŋikilyok ŋatomoniuni, toŋata ŋiboro kec, inak ŋilowi ŋulu a ŋasuban neni a ŋikilyok a ŋulu atedorete ŋakiro keŋ. Toboŋo lore a papa keŋ eŋoit nooi.

Ŋikat. 16:1

Akoloŋit apei abu Samuson tolot Gasa, neni eryamunotor iŋes ka amalaat, tosodi kituruwo iŋes aberu keŋ.

Ŋikat. 16:21

Aŋun, kikamut Ŋipilistin Samuson, togoronosi ŋakonyen keŋ. Yaasi iŋes Gasa, toena iŋes a ŋiriko a ŋulu etiyaunitae a eburonis, inakinae akiryerea amoru a ŋinakiryeet alojera.

1 Sam. 5:1

Ani kedemasi Ŋipilistin Ŋisirael Asaduku ŋina ka Akuj, apotu yaasi alo Ebenesa yaasi Asidod,

1 Sam. 5:10

Aŋun, apotu ikes kiyakiyasi Asaduku ŋina ka Akuj a Ŋisirael yaasi Ekiron. Nai adolun Asaduku ŋina ka Akuj ŋin Ekiron bon, kikalout ŋituŋa ke Ekiron temasi, “Kaanukiro ayauniata ikes Asaduku ŋina ka Akuj a Ŋisirael neni yok akiar iwon ka ŋituŋa yok?”

1 Sam. 5:8

Aŋun, apotu ikes kiyakiyasi ŋituŋa anyarare ŋikapolok a Ŋipilistin, temasi ikes neni a ŋikapolok, “Nyo emaikina iwon etiyata aŋuna ka Asaduku a ŋina ka Akuj a Ŋisirael?” Toboŋokis ŋituŋa ŋulu a Gas temasi, “Yautu Asaduku ŋina ka Akuj neni kosi.” Aŋun, apotu ikes yaasi Asaduku ŋina ka Akuj a Ŋisirael Gas.

1 Sam. 6:4

Kiŋita Ŋipilistin ŋituŋa ŋul temasi, “Ani inakinet emaikina isua inakinae neni ka Akuj aŋuna ka ekaile a ŋolo ka asecit kosi?” Toboŋokis ikes temasi, “Yaasi ŋitorubei ŋikan ŋulu a egolid ŋulu ikwaan ka ŋabusyo ka ŋitorubei ŋikan ŋulu a ŋidooi ŋulu itiyaunitae a egolid, yaasi ŋul itiriyanito ke ekimar a ŋikapolok a Ŋipilistin; anerae ipotu iyes daadaŋ kaapei ka ŋikapolok todyakakinos edeke ŋol.