1 Sam. 5:7 - Ebaibul

⁷ Ani nai iŋolikinete ŋituŋa ka Asidod ŋakiro ŋun, temasi, “Nyemaikina Asaduku ŋina ka Akuj a Ŋisirael erubakini eyai neni yok; anerae ikitiŋ iwon Akuj a Ŋisirael erono nooi, iwon kaapei ka akuj yok Dagon.”

1 Sam. 5:7 Iomraidhean Croise

2 Sam. 6:9

Tokuryaniar Daudi akoloŋit ŋin aŋuna ke Ekapolon, kiŋis bon tema, “Alipite apedorya ayoŋ ayaun Asaduku ŋina ka Acamunet?”

1 Ŋakiro a ŋirwa 15:13

Arae aŋuna pa kiponiata iyes ŋilepi yaut iŋes ekiŋaren ne, iŋes abunio Akuj toŋo nooi aŋuna yok, anerae pa aponi iwon kidarae Asaduku ŋin lopite ŋolo amaikina kidarere.”

Awos. 10:7

Kiŋita ŋulu epukatotor Parao iŋes temasi, “Tari ori erubakinit ekile lo ikiteryamunit iwon ŋican? Emyekisi ŋituŋa toloto, ikotere ilipete neni ke Ekapolon Akuj kec. Eriŋa mono iyoŋ nyiŋolikina atemar enyasun Ijipit a?”

Awos. 12:33

Kibunyakis Ŋijipitian Ŋisirael arotokin atipei anakwap kec, anerae abasi ikes, “Ani pa kerotokis Ŋisirael, ikimunyar iwon daadaŋ.”

Awos. 8:28

Aŋun, abu Parao tema, “Ekemyekini ayoŋ iyes toloto inakis ŋamuronisya neni a Ekapolon Akuj kus analoŋisat, erae ca pa kiloto iyes neni elwana nooi. Kilipakinae ayoŋ.”

Awos. 8:8

Abu nai Parao tonyarau Moses ka Aron tema, “Kilipa neni a Ekapolon tolema ŋakidodoka aneni kaŋ ka alotuŋa kaŋ, ido emyekini ayoŋ Ŋisirael toloto kitiyata amuronot neni a Ekapolon.”

Awos. 9:28

Kilipa neni ke Ekapolon! Akalalaki ayoŋ nooi agiro ka ŋakako ŋuna eyaunit Ekapolon! Nyekemyekini ayoŋ iyes kiboiyoto a ne adiopaki nabo.”

Yer. 46:25

Tolimu Ekapolon ŋolo a ŋajoresyo, Akuj a Ŋisirael tema, “Kiirasi, ayauni ayoŋ akisicanet neni ka Amon a akuj a Tebes ka neni a Parao, Ijipit ka ŋakujo keŋ ta ŋirwosi keŋ, neni a Parao ka daadaŋ ŋulu ikinyomito iŋes.

Yer. 48:7

“Kire jik, aŋuna iponiata iyes kikinyoma ŋaduketa kus ŋunajiet ka abaru kus, iyes daŋ ikikamaryo. Eyaaryo akuj kus Kemos nakwap ace kaapei ka ŋisacaradotin keŋ ka ŋiketiyak keŋ.

1 Sam. 4:8

Woitakoi! Ŋae ikilakuni iwon anakan a ŋakujo a nu a ŋuna agogoŋok? Erae ikes ŋakujo ŋunakoloŋ apotu toara Ŋijipitian analoŋisat a ŋidekesyo a ŋulugelegelya.

1 Sam. 5:6

Totiŋ Ekapolon ŋituŋa ka Asidod erono nooi, inak ikes ekabule. Kisican Ekapolon ŋituŋa ka Asidod ka ŋikidunyet kec a edeke a ŋolo aronon nooi a ŋolo arae ŋabusyo.

1 Sam. 5:8

Aŋun, apotu ikes kiyakiyasi ŋituŋa anyarare ŋikapolok a Ŋipilistin, temasi ikes neni a ŋikapolok, “Nyo emaikina iwon etiyata aŋuna ka Asaduku a ŋina ka Akuj a Ŋisirael?” Toboŋokis ŋituŋa ŋulu a Gas temasi, “Yautu Asaduku ŋina ka Akuj neni kosi.” Aŋun, apotu ikes yaasi Asaduku ŋina ka Akuj a Ŋisirael Gas.

1 Sam. 6:20

Temasi nai ŋituŋa a Bes-Semes, “Ŋae epedori akiwo alokiŋaren Ekapolon Akuj na ŋina Asegan? Neni a ŋae emaikina Asaduku yae aneni yok?”