1 Sam. 5:4 - Ebaibul

⁴ Nai, ani nabo enyounete ikes ataparacu ŋinace, toryamut Dagon imasakina kwap edot aloreet, eyai kiŋaren Asaduku ke Ekapolon, ketuborosi akou ka ŋakan keŋ neni kec bon eya lopuke. Akuwan bon nenisulut edoŋit neni keŋ.

1 Sam. 5:4 Iomraidhean Croise

Isa. 27:9

Aŋakiro a ŋun, emookunio ŋituŋa a Yakob anasecit kec, eruwor nu ŋuna iwuapakinete kedaun amookuun ikes anasecit kec: Isyonio ŋasecisya kec erae ca kiryaasi ikes ŋamoru ŋuna edukitere ŋamuroeta kinyaadiyar kikokis esimit ka erae kedaun ŋitorubei a akuj a ŋina enyaritae Asera, kori ŋamuroeta ŋuna icunyere ekinyate.

Isa. 40:20

Ikwapei ainakinet, eseuni ituŋanan akitoe ŋina agogoŋon, akitoe ŋina nyipirenene, tosodi nai kiwararya ituŋanan ŋini epiiryana nakicere ŋiboro, kiceu ŋin ibore ŋini anikesipokin nyimasar jik.

Yer. 10:11

Aŋun tolimok ŋituŋa ebe, “Emunyaryo anakwap ŋakujo ŋuna pa arae ikes etiyaunete ŋiboro ŋulu alokidiama ka ŋulu alokwap, eŋopiyarete ikes alokwap ka kidiama.

Yer. 10:14

Imasimasit ŋituŋa daadaŋ ka emamukatar aosou; irumete ŋileec ŋituŋa ŋulu itiyaununete ŋakujo a egolid, anerae erae ŋitorubei kec ŋulu ka alyokonu ka emam ekieŋanu eyai lotorubei ŋul.

Yer. 10:15

Erae ŋitorubei ŋul ŋicaryo, erae ŋulu itiyaunitae aŋuna ka ajamuwaro; apaki ŋina isicanere ikes, eŋopiyarete ikes.

Yer. 50:2

“Tolimosi anakwapin a daadaŋ ka kiserata, kikyaasi abendera ka kiserata, nyimunono ŋakiro nu, temasi iyes, ‘Ekamar Babilon, esirumi Bel ŋileec, akadaki Merodak. Esirumi ŋitorubei a ŋakujo kec ŋileec, akadaki ŋakujo kec.’

Dan. 11:8

Tari ŋakujo kec kaapei ka ŋitorubei a ŋakujo ka ŋiboro kec ŋulu ajokak ŋulu itiyaunitae a esilipa ka egolid, iwokori iŋes nakwap a Ijipit ikwapei ŋiboro ŋulu eŋatunitae alojie. Eai nai iŋes ŋikaru ŋulu alalak nyitijikino erwosit ŋolo alo Kuju.

Mika 1:7

Ebiliilaaryo ŋitorubei a ŋakujo ŋulu eya tooma keŋ. Icunyaryo ŋainakineta a ŋakujo keŋ daadaŋ, enyasuni ayoŋ ŋitorubei a ŋakujo keŋ daadaŋ. Aŋuna abunio Samaria tocunia ŋainakineta anamalao ka akilip neni a ŋakujo, isitiyao ŋainakineta ŋun amalaania nabo.

1 Sam. 6:5

Aŋun, itemokino iyes kitiyaut ŋitorubei ŋikan ŋulu ikwaan ka ŋabusyo ka kitiyaut ŋitorubei a ŋidooi a ŋulu apotu kinyasut akwap, kitopoloosi Akuj a Ŋisirael. Acepaki ejoŋoe iŋes atiŋit iyes erono nooi kaapei ka ŋakujo kus ta akwap kus.