1 Sam. 5:2 - Ebaibul

² todakasi a nen, kiwuakis kai ŋina ka akuj kec a ŋina anyaritae Dagon; kiwuakis diyete Dagon.

1 Sam. 5:2 Iomraidhean Croise

1 Ŋakiro a ŋirwa 10:10

Kiwuakis Ŋipilistin aupal a Saul kai a ŋakujo kec, ido toenikis akou keŋ kai ka akuj a ŋina anyaritae Dagon.

1 Ŋakiro a ŋirwa 10:8

Ani akoloŋit ŋina atupakini ŋin, toloto Ŋipilistin akilac ŋituŋa ŋulu aris ikes keara ŋul. Toryamut akuwan a Saul ka ŋuna a ŋidwe keŋ a ŋulusapa a ŋuluuni eperete alomukura a ŋolo a Gilboa.

Dan. 5:2

Abu Belisasar tomat epiini nooi ka tomerakin, tosodi alomeret keŋ abu kicik ŋituŋa atemar yaunae neni keŋ ŋiboro daadaŋ ŋulu itiyaunitae a egolid ka esilipa ŋulu koloŋ keyauni papa keŋ Nebukadinesar alo Kai ka Akuj alo Yerusalem, ikotere kisitiyata erwosit kaapei ka ŋikapolok, ŋaberu keŋ ka ŋaberu keŋ ŋuna nyiisitae, amasya ŋimaten.

Dan. 5:23

idau iyoŋ akitopoloor bon anaŋerit Ekapolon ŋolo eyai nakuj. Adaun ayaun ŋiboro ŋulu ka Akai keŋ neni kon, ido isitiyata iyoŋ ka ŋikapolok kon, ŋaberu kon ka ŋaberu kon ŋuna nyiisitae ŋiboro ŋul amasya epiini. Ipur iyoŋ ŋakujo ŋuna itiyaunitae a egolid, a esilipa, a eburonis, a ŋasuwa ka a akitoe ta a amoru, ŋakujo ŋuna nyiteete kori nyepupete, kori nyeyenete ŋakiro; nai nyitopolooro iyoŋ Akuj ŋina ikiinit iyoŋ ekieŋanu, Akuj ŋina ikidarit iyoŋ aloticisyo kon a daadaŋ.

Abak. 1:11

Ani nai elomarete nen, topyasi ibore daadaŋ lopite ŋolo epyaa ekuwuam, ido nai torotokis. Erae ikes ŋituŋa ŋulu iilit ŋulu aŋero ŋikisila. Ituruworito ikes apedor akuj kec.”

Abak. 1:16

Aŋun, einanakini iŋes ŋamuronisya neni a ŋiboro keŋ a ŋulujiet, anerae earanakinete ŋiboro ŋul iŋes ibore daadaŋ ŋini ajokan.

Ŋikat. 16:23

Tocunakinos nai ŋikapolok a Ŋipilistin ainakin amuronot neni a akuj kec a ŋina anyaritae Dagon ka ikotere elelyanete, anerae abasi ikes, “Adau akuj yok akipotokin emoit yok Samuson napedor yok.”