1 Sam. 5:10 - Ebaibul

¹⁰ Aŋun, apotu ikes kiyakiyasi Asaduku ŋina ka Akuj a Ŋisirael yaasi Ekiron. Nai adolun Asaduku ŋina ka Akuj ŋin Ekiron bon, kikalout ŋituŋa ke Ekiron temasi, “Kaanukiro ayauniata ikes Asaduku ŋina ka Akuj a Ŋisirael neni yok akiar iwon ka ŋituŋa yok?”

1 Sam. 5:10 Iomraidhean Croise

2 Sam. 7:9

Arukitoe iwon ŋinapei aneni daadaŋ ibu iyoŋ tolot, ido amunya ayoŋ ŋimoe kon daadaŋ ŋulu eriwokina kiŋaren kon. Eturuwori ayoŋ ekiro kon ŋolo eyenen nooi, kikwaanikin ka ŋirorwa a ŋarwonita anakwap.

2 Ŋirw. 1:2

Abu erwosit Aasia ŋolo a Isirael tocakun alogoropa keŋ alo Samaria towana nooi, ido eperi. Aŋun kiyakiya iŋes ŋituŋa tolimok ikes tema, “Toloto neni a Baalsebub a ŋina erae akuj a Ŋipilistin, a ŋina eyai lotaun Ekiron, tosodo kiŋita iŋes erae kapedori ayoŋ aŋaleun, kori mam.”

1 Ŋakiro a ŋirwa 7:21

ka Sabad ta Susela. Ayakar daŋ Epuraim ŋisapa ŋice ŋiarei, ŋikaitotoi a Susela, ikes lu: Eser ka Elead, ŋulu keponi toarae apaki ŋina kecamitotor akokoiyar ŋibaren ŋulu kerae ŋulu a ŋituŋa a ŋulu eboiyete alo Gas.

Amos 1:8

Amunyari ayoŋ ŋituŋa daadaŋ ŋulu iboiyete alotaun Acidod, kaapei ka erwosit ka Asikelon; esicani ayoŋ ŋituŋa ŋulu iboiyete alotaun Ekiron, emunyar ŋipiya a Ŋipilistin daadaŋ.”

Amos 6:2

Toloto kiŋolikis etaun Kaline, a nen, toloto Amas lotaun ŋolo apolon, ido totiyaaros a nen, toloto Gas lotaun ŋolo a Ŋipilistin. Itamete iyes atemar igogoŋ iyes akilo ŋituŋa a ŋakwapin a ŋun a? Kori elal akwap kus akilo ŋuna kec a?

Yos. 13:3

Ameun aneni enyaritae Sikor alo Kide Ijipit akitodol lokukoru a Ekiron alo Kuju, imaritae nen daadaŋ erae akwap a Kanaan. Eraakasi ŋirwosi a Ŋipilistin ŋikan; epei ŋolo a Gasa, epei ŋolo ka Acidod, epei ŋolo ka Acikelon, epei ŋolo a Gas ka epei ŋolo a Ekiron ta ŋulu ka Apim.

Yos. 15:11

kiporo a nen kitor nakeju a ekamukumukut a ŋolo alo Kuju Ekiron, kilugok kidir Cikeron, kinapakin emoru Baala, kiporo Yabaneel; toremokin nai nanam Mediteranian.

Yos. 15:45

Ekiron ka ŋitaunio keŋ ta ŋirerya keŋ;

Ŋikat. 1:18

Apotu ŋituŋa a Yuda kikamasi etaun Gasa ka akwap keŋ daadaŋ, etaun Askelon ka akwap keŋ daadaŋ ta etaun Ekiron ka akwap keŋ daadaŋ.

1 Sam. 17:52

Tonyout ŋajorei a Isirael ka ŋuna a Yudaya ecelasi, kirita Ŋipilistin todolo tari Gas ka lopukei ŋulu ka Ekiron. Kidoŋo Ŋipilistin ŋulu awanawana lorot ameun alo Saraim tari Gas ka Ekiron.

1 Sam. 5:11

Aŋun, apotu ikes kiyakiyasi ŋituŋa anyarare ŋikapolok a Ŋipilistin daadaŋ temasi neni a ŋikapolok, “Tolemasi Asaduku ŋina ka Akuj a Ŋisirael a ne, kinyakasi nakibois keŋ, ikotere nyikiar isua ka ŋituŋa kosi.” Alimunete ikes ŋun, anerae kebu ekabule ŋolo ke etwane tolalaar nooi alotuŋa a etaun a daadaŋ aŋuna kebunio Akuj totiŋ ŋituŋa ŋul erono nooi.

1 Sam. 5:9

Nai ekaku keyaut ikes Asaduku ŋin Gas, totiŋ Ekapolon ŋituŋa a Gas erono nooi, toyakaun ekabule nen ŋolo apolon nooi. Kisican Ekapolon ŋituŋa a etaun a ŋol, ŋulu cicik ka ŋulu emojoŋito, aŋun abu edeke ŋolo arae ŋabusyo min lotuŋa ŋul.

1 Sam. 6:1

Apaki ŋina ayakar Asaduku ŋina ke Ekapolon nakwap a Ŋipilistin ŋilapyo ŋikanikaarei,