1 Sam. 4:3 - Ebaibul

³ Ani eboŋunete ŋajorei a Ŋisirael neni sek eboikino ikes, temasi ŋikasikou a ŋisirael ebe, “Kaanukiro emyekinia Ekapolon Ŋipilistin ikilounete iwon nakoloŋit na? Apena oyautu alo Silo Asaduku ŋina ka Acamunet ke Ekapolon, ikotere ebuni Ekapolon kidiŋ yok itoiu iwon anagogoŋu a ŋimoe yok.”

1 Sam. 4:3 Iomraidhean Croise

2 Sam. 15:25

Tema nai erwosit neni a Sadok, “Todakasi Asaduku ŋina ka Acamunet, kinyakasi lotaun. Ani kakarimaki ayoŋ Ekapolon, ekenyakuni iŋes ayoŋ eŋolik Asaduku ŋina ka Acamunet ka akibois ŋina iwuakinitae iŋes.

1 Ŋakiro a ŋirwa 17:1

Ani kedau Daudi akiboikin kai keŋ, tema Daudi neni a Nasan a ekadwaran, “Ayai ayoŋ ne, eboi alokai a ŋina edukitoe a ŋakito a Cedar, nai eyai Asaduku ŋina ka Acamunet ke Ekapolon loeema.”

Ŋikiru. 74:1

Okoe Akuj, kaanukiro ikiŋeryo iyoŋ isua ŋikaru ka ŋikaru? Ipedori mono iyoŋ aŋoikin ŋituŋa kon a alope ŋikaru ka ŋikaru a?

Ŋikiru. 74:11

Kaanukiro iwounitor iyoŋ akiŋarakin isua? Kaanukiro iwounitor iyoŋ akiŋarakin isua anakiro a nu?

Isa. 50:1

Alimu Ekapolon ŋakiro nu, “Ai eyai abaruwa ŋina alakitor ayoŋ toto kus? Kori alu alotuŋa ŋulu etiŋito ŋisiliŋa kaŋ abu ayoŋ okogyelak iyes? Mam, erae aŋuna a ŋasecisya kus iŋes aponere ikigyelar iyes ka eritaryo toto kus aŋuna a ŋaronisya kus.

Isa. 58:3

Ebasi ikes, “Kaanukiro ikiredanakinia isua akiron, nai nyikite iyoŋ isua? Ikitiditeunun isua make, nai nyimisit iyoŋ.” Topupokisi, itiyaete iyes ŋuna ikitalakarito iyes pei akoloŋit ŋina iredanakineta akiron, ido isicanito iyes ŋiketiyak kus.

Isa. 59:1

Kiirasi, nyitamete atemar nyepedori Ekapolon alakun, kori nyepedori akiirar akigworo kus.

Isa. 59:2

Erae ŋasecisya kus ikityakarito iyes aneni ka Akuj kus ka ŋasecisya kus ikes ainakis iŋes akiwua ereet keŋ aneni kus, ikotere nyepedo akiirar iyes.

Yer. 3:16

Ani ipitunete iyes ilalakunete anakwap ŋirwa ŋul, nyelimunete nabo ŋituŋa ŋakiro ŋuna ka Asaduku a ŋina ka acamunet ke Ekapolon, emam ŋini etamuni Asaduku ŋin, kori emitakini, kori iwuakini natameta keŋ, kori emam nabo ace itiyaunio.

Yer. 7:4

Nyikinyoma ŋakiro nu ŋuna amodiyo ebe, ‘Erae na Akai ke Ekapolon, Akai ke Ekapolon, Akai ke Ekapolon.’

Ekim. 10:33

Aŋun, apotu ikes towotokis alomoru ke Ekapolon (iŋes Sinai), torubakis ewosete ŋirwa ŋiuni, kiŋarenikinite ikes Asaduku ŋina ka Acamunet ke Ekapolon aryamun aŋuna kec akibois ŋina elomete,

Ekim. 10:35

Apaki daadaŋ ŋina erotokinioto ŋulu adakito Asaduku ŋina ka Acamunet atemanari Moses, “Tonyou Ekapolon, elipi kielarae ŋimoe kon, elipi tobwaŋas ŋimoe kon alokiŋaren kon.”

Ekim. 31:6

Abu nai Moses kiyakiya ŋikilyok ŋul lojie, a ŋolokabila alemunit ŋikilyok aliput. Apotu ŋikilyok ŋul torukosi kaapei ka Pineas lokoku ka Eleasar a esacaradoti a ŋolo atiŋit ŋiboro ŋulu esitiyao anakibois a ŋina asegan ka ŋarupepe ŋuna akusyo eramere eli.

Ŋikis. 29:24

eumokinete ikes kaapei ka ŋituŋa a ŋakwapin ebasi, ‘Kaanukiro etiyakinia Ekapolon ŋakiro nu nakwap na? Anukiro kitoŋoiyete iŋes nooi?’

Ŋikis. 31:26

“Yaasi ekitaabo lo ŋolo a ŋikisila, kiwuakis diyete Asaduku ŋina ka Acamunet a Ekapolon Akuj kus, emaikina iŋes eyai nen ikwapei esuuda a ŋakiro aŋuna a eŋerenu kus;

2 Tim. 3:5

ŋulu esibito iricito ŋakiro ŋuna ke edin, nai kitoodiunite akiyar kec atemar emam apedor ŋina ka Akuj alotooma kec. Toŋer ŋituŋa ŋulu ikote ŋul.

Ŋibur. 9:4

Tooma agule ŋin, ayai Namuroet ŋina etiyaunitae a egolid, ŋina ecunyeneneere ŋimina ŋulu akukunyok ka ayai Asaduku ŋina ka Acamunet ŋina aburusiyaritae a egolid. Ayakasi tooma asaduku egalan ŋolo ayai akimuj ŋina enyaritae Manna ka ebela ŋolo ka Aron ŋolo eminiaunito ŋakwii, ta ŋamoru ŋaarei ŋuna egiritae Ŋakiciketa ŋunatomon.

Yos. 4:7

itemokino tolimokis ikes atemar apotu ŋakipi ŋuna ka aŋolol Yorodan totubos towua aiwapei, totyeikis Asaduku ŋina ka Acamunet a ŋina ke Ekapolon. Aŋun, erae ŋamoru ŋun ŋuna etamunitotor Ŋisirael ŋakiro ŋun ŋikaru ka ŋikaru.”

Yos. 6:6

Tonyarau nai Yosua ŋolo arae lokoku a Nun ŋisacaradotin tolimok tema, “Todaka Asaduku ŋina ka Acamunet, totiŋa ŋisacaradotin ŋikanikaarei ŋamomwar a ŋimeesekin ŋakanikaarei, kiŋarenikis Asaduku ŋina ka Acamunet a Ekapolon.”

Yos. 7:7

Tolimu Yosua tema, “Okoe Ekapolon Akuj! Kaanukiro bo ibunio iyoŋ kitodokunia ŋituŋa lu lokekwat lo alo Yorodan? Arae mono akipotor isua ikimunyasi Ŋiamori a? Okoe, kerae bo oyenunito daŋ, kikidoŋit ekekwaye Yorodan!

Yos. 7:8

Nyaanu ŋuna alimuni ayoŋ Ekapolon ŋina tokona abwaŋatar Ŋisirael alomoe kec?

1 Pet. 3:21

Erae ŋakipi ŋun akitaanyikinet, ŋina ka akibatisao a ŋina tokona ikiununui iyes. Nyerae iŋes alemaret elos ŋolo eyai nakuwan, nai erae adyekit Akuj akitesegun ŋatameta yok, alotooma ayarun ŋina a Yesu Kristo,

Yud. 1:5

Acamit tokona akitatamun iyes, tari sek daŋ kikiteyenikinitae daadaŋ, atemar abu Ekapolon, kedau aiun ŋituŋa keŋ ŋulu a Isirael anakwap a Ijipit, tomunya ekaku ŋulu pa anupito.

1 Sam. 1:24

Ani ejoŋoe ikoku akinak, abu Ana ya ikoku keŋ Kai a Ekapolon ŋina ayai Silo, tomyaa emoŋ ŋolo arae apolou ŋikaru ŋiuni, ya ŋakirya ŋakiloi ŋatomoniarei ka ŋaarei ka ebur ŋolo etiyaunitae alolou a ibarasit ŋolo eturitae epiini.

1 Sam. 14:18

Tema Saul neni ka Aija, “Yau Asaduku ka Akuj laalo.” Akoloŋit ŋin, adakito Ŋisirael Asaduku ŋina ka Akuj anajore kec.

1 Sam. 4:2

Kisicodosi Ŋipilistin ajore kec akisiiryakin Ŋisirael, ani iryamete ŋajorei ejikin, apotu Ŋipilistin toreut Ŋisirael, toara alokiryam ŋikilyok ŋulu aapikinit ekimar kec ŋalipyo ŋaomwon.