1 Sam. 4:13 - Ebaibul

¹³ Apaki ŋina adolio iŋes nen, eboi Eli alokicoloŋ keŋ alodiyete erot eteorit lowae ŋolo a Misipa, anerae kebu etau keŋ tomaran aŋuna ka Asaduku a ŋina ka Akuj. Ani elomuni ekile ŋol lotaun, tolimo ŋakiro a ejie, kikalou etaun daadaŋ.

1 Sam. 4:13 Iomraidhean Croise

Ŋikiru. 26:8

Okoe Ekapolon, amina ayoŋ Akai kon ŋina iboiyo iyoŋ ka akibois ŋina iyai iyoŋ icai nooi.

Yer. 48:19

Towua alodiyete erot kiŋolikis, okoe iyes ŋituŋa ŋulu iboiyete alo Aroe! Kiŋita ekile ŋolo ekeri ka aberu ŋina esiit ebe, ‘Anukiro etiyakin?’

Yos. 7:9

Ŋina tokona edolyoto ŋakiro nu neni a Ŋikanaani ka ŋituŋa ŋulu ka akwap kec daadaŋ, ikirimokinete ikes isua kidiŋ kitiyata ŋuna nyiirarere nabo jik ekiro kosi anakwap. Nyaanu tokona ŋakiro ŋuna itiyae iyoŋ torubakinia ekiro kon itopolooritae?”

1 Sam. 1:9

Ani kedaut ikes akimuj ka akimat alo Silo, tonyou Ana tolot kitoodiyar neni ke Ekapolon. Apaki ŋin, eboi esacaradoti Eli alokicoloŋ a ŋolo a Kai ŋinakilipet.

1 Sam. 4:14

Ani iirari Eli ŋituŋa igworosi, tema, “Anikiolol na?” Bu nai ekile ŋol atipei neni ke Eli tolimok Eli ŋakiro.

1 Sam. 4:18

Ani elimuni iŋes Asaduku ŋina ka Akuj, kimasar Eli ekaukau, alokicoloŋ keŋ a ŋolo eboiyo iŋes kimasakin diyete epuke, tobila emosiriŋ keŋ, totwana Eli, anerae aris iŋes kemojoŋ, ido ayai apotis nakuwan keŋ. Keris iŋes kitiya erae ekatubon ŋakiro alo Isirael ŋikaru ŋatomoniomwon.