1 Sam. 4:10 - Ebaibul

¹⁰ Aŋun, apotu Ŋipilistin kitijioto Ŋisirael toreut. Tobwaŋas Ŋisirael, toem ŋinituŋanan lore keŋ. Totwaka Ŋisirael ŋulu alalak nooi ŋulu alosete a ŋakejen ŋulu adolit ekimar kec ŋalipyo ŋatomoniuni.

1 Sam. 4:10 Iomraidhean Croise

2 Sam. 18:17

Todakasi ikes akuwan ka Abusalom kimasakis nadui ŋina ayai namoni, ido tocakakis ŋamoru ŋuna alalak kidiama keŋ. Toema Ŋisirael daadaŋ ŋinituŋanan lore keŋ.

2 Sam. 18:7

Tobwaŋa ŋirukitos a Daudi Ŋisirael a nen, toarakinae Ŋisirael ŋulu alalak nen akoloŋit ŋin. Arae ekimar a Ŋisirael a ŋulu aponi toarae ŋalipyo ŋatomoniarei.

2 Sam. 19:8

Aŋun, abu erwosit tonyou tolot kiboikin diyete epuke. Ani elimokinio ŋasigarya ŋakiro ŋun ebe, “Iboi erwosit alopuke,” apotu ikes daadaŋ potu kiŋaren erwosit. Apaki ŋin, aris Ŋisirael daadaŋ keema lorerya kec.

2 Sam. 20:1

Ayai nen Ebenjaminait ece ŋolo aronon ŋolo anyaritae Seba. Arae iŋes lokoku a Biciri. Abu iŋes tokutak abureryaŋ a emesek, ido tocelu tema, “Mam ibore yok eyai neni a Daudi, Mam ibore ikiryamuni iwon aneni alokoku a Yese! Ŋisirael potu daadaŋ oboŋosi, ŋinituŋanan toboŋo lore keŋ!”

1 Ŋirw. 12:16

Ani eyenunete Ŋisirael daadaŋ atemar aŋer erwosit akiirar ŋakiro kec, toboŋokis ikes erwosit temasi, “Nyo mono yok kona ejok eyai neni a Daudi? Mam ibore emaikina eruwor ŋini yok aneni a lokoku a Yese. Iyes Ŋisirael, emaikina ŋinituŋanan toboŋo lore keŋ! Okoe Daudi kite tokona ŋituŋa a ekal kon ke elope!” Aŋun, apotu Ŋisirael toboŋosi lorerya kec.

1 Ŋirw. 22:36

Ani edoiyori akoloŋ, kiorwout ŋasigarya a Isirael temasi, “Toboŋo ŋolokile lotaun keŋ ka toboŋo ŋolokile nakwap keŋ.”

2 Ŋirw. 14:12

Kilounae ŋasigarya ka Amasia tobwaŋas daadaŋ toem ŋinituŋanan lore keŋ.

2 Ŋakiro a ŋirwa 13:17

Apotu Abiya ka ŋasigarya keŋ toara nooi Ŋisirael, toarae ŋulu arae ŋarwonita ŋuna ajiok ŋalipyo ŋamiae ŋakan.

2 Ŋakiro a ŋirwa 25:22

Kilout ŋituŋa a Isirael ŋulu a Yudaya toema ŋituŋa a Yudaya a ŋinituŋanan lore keŋ.

Ŋikiru. 78:9

Apotu ŋikilyok ŋulu ke Epuraim ŋulu ayakatar ŋikaleŋeleŋe tobwaŋas akoloŋit ŋina ke ejie.

Yer. 7:12

Toloto tokona nakibois kaŋ ŋina koloŋ ayai Silo, neni abu ayoŋ ewuak toyakaun ekiro kaŋ apaki ŋina esyaunan, ido kiŋolikis ŋuna abu ayoŋ etiya nen aŋuna ka aronis a ŋituŋa kaŋ a Ŋisirael.

Ŋilep. 26:17

Akaŋoikini ayoŋ iyes, ido ikireunete iyes ŋimoe kus; ikipukaete iyes ŋituŋa ŋulu imanito iyes, ido ibwaŋasi iyes tari kemam ŋini ikirisit.

Ŋikis. 28:15

“Ani pa kiwuapa iyes ejok ŋakiro ŋuna ke Ekapolon Akuj kus kirica ŋakiciketa keŋ ka ŋikisila keŋ, ŋakiro ŋuna etubunit iŋes ŋuna ekecik ayoŋ iyes akiwuap nakoloŋit na, iryamunete nai iyes ŋilam lu daadaŋ:

Ŋikis. 28:25

“Ikimyekini Ekapolon iyes ikilout ŋimoe kus, ilosete iyes akitijikin ikes itorito lowae epei nai ibwaŋasi iyes kitoro lowaetin ŋulu alalak. Iruworosi iyes ŋituŋa ŋulu ikijamuwaritae alotuŋa a ŋakwapin a daadaŋ.

1 Sam. 3:11

Tema nai Ekapolon neni a Samuel, “Kiira, eapi ayoŋ akitiyakin ŋakiro ŋadi Isirael ŋuna ani iirari ŋinituŋanan, toumok.

1 Sam. 4:2

Kisicodosi Ŋipilistin ajore kec akisiiryakin Ŋisirael, ani iryamete ŋajorei ejikin, apotu Ŋipilistin toreut Ŋisirael, toara alokiryam ŋikilyok ŋulu aapikinit ekimar kec ŋalipyo ŋaomwon.