1 Sam. 31:7 - Ebaibul

⁷ Ani iirarete Ŋisirael ŋulu ayakasi ekekwaye akadipaalat ŋina a Yesireel ka ŋulu ayakasi ekekwaye aŋolol Yorodan atemar abwaŋasi Ŋisirael ka aari Saul ka ŋidwe keŋ ŋulusapa, apotu kimyekis ŋitaunio kec, toema nariet. Apotu nai Ŋipilistin potu toloma lotaunio ŋul.

1 Sam. 31:7 Iomraidhean Croise

Ŋilep. 26:32

Enyasuni ayoŋ akwap kus, ikotere ŋimoe kus ŋulu epote akiboi a nen eumokinete a ŋakiro a ŋun.

Ŋilep. 26:36

Nai iyes ŋulu ikirikoryo nakwapin a ŋimoe kus, ewuakini ayoŋ akuryanu lotai kus tokuryaketa anakwapin a ŋimoe kus toruworos ŋulu ibwaŋabwaŋasi tari iirarete eruye ka akuyon a ŋina erwo alokuwuam, iemete iyes esibit ikirisitae akiar, ibusonokinosi ikes esurur tari daŋ kemam emoit ikiwuapit.

Ŋikis. 28:33

Enyamete ŋituŋa ŋulu nyiyenete iyes ŋaraito a akwap kus ka ibore daadaŋ ŋini itiyaunito iyes a ŋakan kus, erubakinio ikijamuwaritae ka ikisicanitae iyes,

Ŋikat. 6:2

Aŋuna aponiata Ŋimidian kisicana Ŋisirael nooi, apotu Ŋisirael toduko aŋuna kec ŋakiboisyo ŋunaŋopet lomoru, naturukanin ka toduko ŋaduketa ŋunajiet.

1 Sam. 13:6

Ani eanyunete Ŋisirael atemar kelomasi ikes locan ka kerookin ikes kidiŋ, apotu toŋopa alokuco, anaturukanin a ŋuna aya natabab, analyalin ka anakaumeumei.

1 Sam. 13:7

Apotu Ŋiburaniyae ŋice toema ekekwaye Yorodan, nakwap a Gad ka Gilead. Apaki ŋin, ariŋa Saul eyai Giligal, arukito iŋes ka ŋituŋa ŋulu abulit ka amaranete.

1 Sam. 31:6

Aŋun, apotu Saul ka ŋidwe keŋ ŋulusapa ŋiuni ka ŋolo aryoŋit ŋiboro keŋ ŋulu ke ejie ta ŋikajiok ŋulu arukito ka iŋes daadaŋ totwaka akoloŋit apei.

1 Sam. 31:8

Ani akoloŋit ŋina atupakini ŋin, apotu Ŋipilistin toloto akilac ŋituŋa ŋulu aris ikes keara ŋul. Toryamut akuwan a Saul ka ŋuna a ŋidwe keŋ a ŋulusapa a ŋuluuni eperete alomukura a ŋolo a Gilboa.