1 Sam. 31:13 - Ebaibul

¹³ Kidepasi nai ŋakoyo kec, tonukakis Yabes, kwap ekitoe ŋolo esibit ekwaakwaa, ido kiredakis akiron ŋirwa ŋikanikaarei.

1 Sam. 31:13 Iomraidhean Croise

Akisy. 35:8

Apaki ŋin, totwana Debora ŋina apolouni Rebeka aneni keŋ; tonukae iŋes kwap ekuyon natiyaaret kwap Besel. Aŋun, aponi tonyarae ekiro a akibois a ŋin lokuyon ŋolo Alon-Bakus.

Akisy. 50:10

Ani edolunete ikes nalos ŋina ka Atad, ŋina eyai diyete Yorodan, kigworo a nen nooi iyaloloŋete; kigwor Yosepu papa keŋ a nen ŋirwa ŋikanikaarei.

2 Sam. 1:12

Kiwololoto ka kigworo aŋuna a Saul ka Yonasan lokoku a Saul ka aŋuna a Ŋisirael a ŋituŋa a Ekapolon. Kiredakis ikes akiron akitodol eboŋ. Etiyaete ikes ŋun daadaŋ aŋuna keponere toarae Ŋisirael ŋulu alalak.

2 Sam. 11:26

Ani iirari aberu a Uria atemar aari lokile keŋ, abu kigwor iwololoe aŋuna alokile keŋ.

Yoa. 11:19

ido aponito Ŋiyudayan akimaima Marita ka Maria aŋuna ka atwanare a lokaato kec.

1 Sam. 22:6

Akoloŋit apei, aponi tolimokinae Saul atemar aripun neni eyai Daudi ka ŋikajiok ŋulu arukito ka iŋes. Apaki ŋin, eboi Saul alo Gibea alokwap ekitoe ŋolo esibit ekwaakwaa, ŋolo ayai kidiama emukura. Atiŋit iŋes akwara keŋ, ido awuasi ŋiketiyak keŋ a nen erimokinito iŋes kidiŋ.