1 Sam. 30:6 - Ebaibul

⁶ Toyakaun Daudi locan ŋulu apolok nooi, anerae apotu ŋikajiok ŋulu arukito ka iŋes tolimut atemar ikicaki iŋes a ŋamoru. Arae ŋun aŋuna aŋoitotor ŋituŋa ŋul nooi aŋuna a ŋidwe kec a ŋulusapa ka ŋulupesur. Nai abu Akuj Ekapolon a Daudi inak iŋes atitinyu.

1 Sam. 30:6 Iomraidhean Croise

Akisy. 32:7

Tobul Yakob nooi ka kiyaloloŋ. Totyak ŋituŋa ŋulu arukito ka iŋes ŋaarei. Totyak ŋamesekin, ŋaatuk ka ŋikaala;

2 Sam. 17:8

Torubak Usai irworo tema, “Iyeni robo ca iyoŋ atemar ejioko papa kon ka ŋikilyok ŋulu erukitotor. Ededeŋ ikes ikote aŋatuny anariet ŋina edemaritae ŋitak keŋ. Nabo daŋ, eyeni papa kon ejie nooi; nyeperi iŋes neni epereneneete ŋasigarya keŋ.

2 Ŋirw. 4:27

Ani edoluni iŋes lomoru Karimel neni ayai Elisa, totunakin iŋes nakejen ke Elisa. Kikomaiya Geasi ecamit akijukar iŋes aneni ke Elisa. Nai abu Elisa tolimok Geasi tema, “Toesik iŋes bon; anerae etakani esibit eyakasi ŋakiro ŋuna eriebete iŋes ŋuna nyelimokina Ekapolon ayoŋ. Mam ŋakiro akalimoki Ekapolon ayoŋ aŋuna keŋ.”

Yob 13:15

Kiirasi akaari ayoŋ Akuj; mam akigeno ayakar ayoŋ, nai alimori ayoŋ alokiŋaren keŋ epite ŋolo etiyator ayoŋ emam asecit.

Ŋikiru. 116:10

Abu ayoŋ onup, tari daŋ ŋina abunio ayoŋ otema, “Aryamunit ayoŋ ŋican nooi.”

Ŋikiru. 138:3

Ibu iyoŋ itoboŋok ayoŋ akoloŋit ŋina akanyaraa ayoŋ iyoŋ, ibu iyoŋ ikisimukek ayoŋ ogogoŋier.

Ŋikiru. 18:2

Ekapolon iŋes erae ataaba kaŋ ŋina kiupala, aduketait kaŋ ŋina ajio alotooma ka ekaiunan kaŋ. Akuj kaŋ, ataaba kaŋ ŋinakiupala neni kon iŋes aiunor ayoŋ, iyoŋ irae aupal kaŋ ka ekaiunan kaŋ, neni kon ayakaun ayoŋ pa eryaŋiryaŋa.

Ŋikiru. 18:6

Abu ayoŋ alocan kaŋ onyara Ekapolon, abu ekalou neni ka Akuj kaŋ akiŋarakino, Abu Akuj alo Kai keŋ kiira etoil kaŋ, abu iŋes kiira akigworo kaŋ.

Ŋikiru. 25:17

Eyatakin ŋican alotau kaŋ, toiunae ayoŋ alocan kaŋ.

Ŋikiru. 27:14

Kidar Ekapolon! Togogoŋ ka kimyek etau kon tomukyaan, kidar Ekapolon!

Ŋikiru. 31:24

Togogoŋioto ka toena ŋitai, iyes daadaŋ ŋulu igenosi neni ke Ekapolon.

Ŋikiru. 42:11

Abu ayoŋ eŋis bon alotau kaŋ otema, “Kaanukiro ilelebar akiyaloloŋ lotau kaŋ? Kaanukiro aryebar ayoŋ alotau kaŋ? Ewuakini ayoŋ akigeno kaŋ neni ka Akuj, ido epuri nabo ayoŋ iŋes, ŋina erae akaiunan kaŋ ka Akuj kaŋ.”

Ŋikiru. 42:5

Abu ayoŋ eŋis bon alotau kaŋ otema, “Kaanukiro ilelebar akiyaloloŋ lotau kaŋ? Kaanukiro aryebar ayoŋ alotau kaŋ? Ewuakini ayoŋ akigeno kaŋ neni ka Akuj, ido epuri nabo ayoŋ iŋes, ŋina erae akaiunan kaŋ ka Akuj kaŋ.”

Ŋikiru. 42:7

Ikitoropik iyoŋ ayoŋ ŋican lopite ŋolo eropiyoto ŋakipi nacuuro; Ekeloŋiyasi ayoŋ ŋican lopite ŋolo erapuwarya akalele akwap; akarapuwasi ayoŋ ŋican lopite ŋolo erapuwarya arimama ibore.

Ŋikiru. 56:11

ekinyomit ayoŋ Akuj; mam ŋuna eketubulete. Anukiro epedori ituŋanan akitiya neni kaŋ?

Ŋikiru. 62:1

Akuj bon edarit ayoŋ atitinyikinit; neni ka Akuj iŋes aryamunitor ayoŋ aiuno.

Ŋikiru. 62:5

Akuj bon edarit ayoŋ atitinyikinit, anerae neni keŋ aryamunitor ayoŋ aiuno.

Ŋikiru. 71:4

Okoe Akuj kaŋ, toiunae ayoŋ, anapedor a ŋulu aronok, toiunae ayoŋ anapedor a ŋulu nyiyookino, ido torae ŋiryenyaanotin.

Ŋikiru. 71:5

Okoe Ekapolon iyoŋ irae akigeno kaŋ, okoe Ekapolon ekekinyomit ayoŋ iyoŋ ŋinapei anasoroko kaŋ.

Awos. 17:4

Aŋun, abu Moses kikalou neni ke Ekapolon kiŋit tema, “Nyo emaikina ayoŋ etiya neni a ŋituŋa a lu? Etenito ikes akicak ayoŋ a ŋamoru.”

Ŋakit. 18:10

Eyai agogoŋu ŋina apolon nooi lokiro ŋolo a Ekapolon, ekerete ŋulu iyookino lokiro a Ekapolon, ido eiuna.

Isa. 25:4

anerae ibu iyoŋ toruwor neni eiunotor ŋikulyak, ekaiunan a ŋituŋa a ŋulu a eyakatar akiitanit alocan kec, neni emecete ŋituŋa apaki ŋina ka akiru ka neni iboikin ŋituŋa apaki ŋina emwania akoloŋ. Apaki ŋina aponiata ŋituŋa ŋulu aryenyaanak keretut lopite ŋolo iretar akiru ŋina ka akiporo,

Yer. 16:19

Okoe Ekapolon, agogoŋu kaŋ ka aduketait kaŋ ŋina ajio alotooma, neni aŋopya ayoŋ akoloŋit ŋina a ŋican. Epote neni kon ŋituŋa a ŋakwapin anakisaleta a akwap. Elimunete ebe, “Mam ibore aryamut atapapaa kosi, nai amodiyo bon, aryamut ikes ŋiboro ŋulucaryo ŋulu emam akiŋarakinet iryamunia.

Yona 2:2

Tema, “Abu ayoŋ alocan kaŋ ekaloik Ekapolon, ido abu iŋes toboŋok akigworo kaŋ; alotooma akibois a ŋikatwak, abu ayoŋ ekalou acamit ekeŋarakin, ibu iyoŋ kiira etoil kaŋ.

Ekim. 14:10

Apaki ŋin, acamito ŋituŋa daadaŋ akicak Yosua ka Kaleb a ŋamoru. Abu nai totakanu aloeema a ŋolokilipet neni a Ŋisirael a daadaŋ akica ke Ekapolon.

Mat. 21:9

Tocalut ŋasepico a ŋituŋa ŋuna ayakasi kiŋaren Yesu ka ŋulu ewuapito iŋes ebasi, “Osanna Lokoku a Daudi! Erereŋ ŋolo ebunit alokiro ke Ekapolon! Osanna toyai kidiama nooi!”

Mat. 27:22

Kiŋit Pilato ikes tema, “Ekokini nai ayoŋ Yesu ŋolo enyaritae Kristo ai?” Toboŋokis ikes daadaŋ temasi, “Kibubuk iŋes lomusalaba!”

Yoa. 8:59

Kideput Ŋiyudayan ŋamoru ecamito acakya iŋes, nai abu Yesu toŋop, tosi alo Kai ka Akuj.

Ŋirom. 4:18

Abu Aburaam tonup ka kigeno, tari ŋina amamukatar ŋuna etemokino iŋes igenor, ido toruwor “Papa a ŋakwapin a ŋuna alalak.” Ikwapei igiritere Nakigireta ebe, “Elalakiarosi ŋikoniletok ikwa ŋikacer.”

Ŋirom. 4:20

Abu iŋes nyimyek akikinyomit Akuj ka nyeŋayaŋaya ŋuna ka akiikinet a ŋina ka Akuj; abu anupit keŋ togogoŋior ido abu iŋes kitopoloo Akuj.

Ŋirom. 8:31

Aŋuna a ŋakiro a ŋun a daadaŋ, ikitemari iwon ai? Ani keriit Akuj neni yok, ŋae epedori akitepeg iwon?

2 Ŋikor. 1:6

Ani kikiryamu isua ŋican, erae aŋuna ka akiŋarakino ka aiuno kus; ani kikiŋarakin isua, erae aŋuna ka akiŋarakino kus, ikiinakinete iyes ŋun akidaŋidaŋ ŋican ŋulu ikote ŋulu idaŋidaŋio isua daŋ.

2 Ŋikor. 4:8

Ikisilekio isua alowaetin a daadaŋ, nai nyibusokina ikes isua, nyikiyeni isua ŋuna kitiya, nai nyesaluni akigeno kosi.

2 Ŋikor. 7:5

Tari ŋina adolunere isua Makedonia, nyieŋuna isua. Ayakasi ŋatyokisyo ŋiwaetin daadaŋ, ikirikaunito isua ŋiburasyo alowaetin a daadaŋ ka ayai ekabule lotai kosi.

Ŋibur. 13:6

Aŋun, ikitemari pa ikikuryanit ebe, “Ekapolon iŋes ekeŋarakinit ayoŋ, nyakuryaniar ayoŋ. Nyo nai tokona epedori ituŋanan akitiyakin neni kaŋ?”

Ŋikat. 18:25

Toboŋokis ŋituŋa a ekabila a Dan iŋes temasi, “Tocoite imyekini etoil kon kiirarae isua, acepaki epedori ituŋanan ice alokidiŋ kosi ŋini epatana akiŋo akiar iyoŋ, ido icakari iyoŋ akiyar kon ka akiyar a ŋituŋa a ekal kon.”

Ŋikat. 20:22

Totitinyokieta Ŋisirael toboŋo, kicodosi nabo anakibois a ŋinapei ecodoritotor akoloŋit ŋina a ekiŋaren.

1 Sam. 1:10

Anakiyaloloŋ a ŋina apipilan nooi, abu Ana kilip neni ke Ekapolon ka kigwor nooi.

1 Sam. 23:16

Abu Yonasan lokoku a Saul tolot lotaun ŋolo anyaritae Ores neni a Daudi akisimukekin Daudi toryamu atitinyu aneni ka Akuj.

1 Sam. 28:15

Kiŋit nai Samuel Saul tema, “Kaanukiro ikicania iyoŋ ayoŋ, ikinyakunia ayoŋ analup?” Toboŋok Saul tema, “Ayai ayoŋ nakiyaloloŋ ŋina apolon nooi, anerae akaŋaanakinete ayoŋ Ŋipilistin ŋajorei, ido akaŋer Akuj ayoŋ. Mam ŋakiro eriŋa eboŋonokini aŋuna kaŋ alokadwarak, kori anakirujaeta, aŋun, akanyar ayoŋ iyoŋ, ikotere itolimok ayoŋ ŋuna emaikina etiya.”