1 Sam. 30:4 - Ebaibul

⁴ Aŋun, apotu Daudi ka ŋikajiok ŋulu arukito ka iŋes, kigworo iworoete nooi, akitodol ŋina adaunor agogoŋu aneni kec ŋinakigworyet.

1 Sam. 30:4 Iomraidhean Croise

Esir 10:1

Ani eriŋa Esira ilipi elimonori ŋasecisya ŋun kigworo ecakanakin kwap alokiŋaren Akai ka Akuj, tocunun neni ayai Esira Ŋisirael ŋulu alalak nooi: Ŋikilyok, ŋaberu ka ŋidwe, apotu ŋituŋa ŋul daŋ kigworo nooi.

Ekim. 14:1

Ani iirarete ŋituŋa ŋakiro ŋuna alimunete ŋikilyok ŋulu eyakiyaritae akireb akwap a Kanaan, apotu daadaŋ tocelut iworoete nooi ka kigworo akuwar ŋin daadaŋ.

Ekim. 14:39

Ani elimokini Moses Ŋisirael daadaŋ ŋakiro ŋuna alimuni Ekapolon, apotu ŋituŋa kiyaloloŋo nooi.

Ŋikat. 2:4

Ani irikakini emalaika ŋolo ke Ekapolon akirwor ŋakiro ŋun neni a Ŋisirael a daadaŋ, apotu ŋituŋa kiworout ecelasi nooi ka kigworo.

Ŋikat. 21:2

Apotu nai Ŋisirael toloto Besel, kiboiyoto a nen alokiŋaren Ekapolon tari ŋina awarya akwap, kiworout a nen nooi kigworo nooi.

1 Sam. 11:4

Ani edolunete ŋituŋa ŋulu eyakitae Gibea neni eboiyo Saul, tolimosi epupete ŋituŋa daadaŋ ŋakiro ŋuna eyakitere ikes, kikalout ŋituŋa daadaŋ iworoete.

1 Sam. 30:3

Ani edolunete Daudi ka ŋikajiok ŋulu arukito ka iŋes lotaun, toryamut kicunyar keper alokwap. Toryamut kerikor ŋaberu kec ka ŋidwe ŋulusapa ka ŋulupesur.

1 Sam. 4:13

Apaki ŋina adolio iŋes nen, eboi Eli alokicoloŋ keŋ alodiyete erot eteorit lowae ŋolo a Misipa, anerae kebu etau keŋ tomaran aŋuna ka Asaduku a ŋina ka Akuj. Ani elomuni ekile ŋol lotaun, tolimo ŋakiro a ejie, kikalou etaun daadaŋ.