1 Sam. 30:26 - Ebaibul

²⁶ Ani edoluni Daudi Sikilag, kiyakiya ŋiboro ŋulu aŋatuni iŋes ŋice neni a ŋikasikou a Yudaya a ŋulu arae ŋikonei keŋ, tema, “Erae lu ainakinet neni kus aloboro a ŋulu aŋatuni ayoŋ alomoe a Ekapolon.”

1 Sam. 30:26 Iomraidhean Croise

Akisy. 33:11

Ekelipit ayoŋ iyoŋ, tocamu ainakinet kaŋ na ŋina ikiinunitae iyoŋ, anerae etiya Akuj neni kaŋ ejok nooi, ido ayakar ayoŋ ibore daadaŋ ŋini acamit.” Aŋuna abunio Yakob torubak edyekit Esau, abu Esau tocamu akijaar ainakinet a Yakob.

2 Sam. 1:1

Ekaku ka atwanare a Saul, kedau Daudi aboŋun aneni amunyarya Ŋiamaleki, abu Daudi kiboi alo Sikilag ŋirwa ŋiarei, nyelot iwace.

2 Ŋirw. 5:15

Toboŋosi nai Naaman ka ŋisigarya keŋ neni ke Elisa. Towo Naaman alokiŋaren Elisa tema, “Ayenu tokona ayoŋ atemar mam anakwap a daadaŋ neni eyai Akuj mati Isirael bon; tocamu tokona ainakinet aneni kaŋ a eketiyan kon.”

Ŋikiru. 35:27

Kimyek ŋulu iitanito atubokino kaŋ anakiyookino tocela analelyanu ka analakara, torubakis ebasi, “Epol nooi Ekapolon, ŋolo ejoikinit ekiboiye ŋolo ajokan ŋolo a eketiyan keŋ”

Ŋikiru. 68:18

Ani ŋinibore idokarya iyoŋ Akuj kidiama, ibu iya ŋulu ekamitae alojiesyo; ibu toryamu ŋainakineta alotuŋa, tari aneni a ŋulu aŋerito atemar kiboi iyoŋ a nen, okoe Ekapolon Akuj.

Isa. 32:8

Nai eyeete ŋikapolok ŋakiro ŋuna apolok, ido anakiro aŋuna apolok a ŋun, erubakinete ikes erae ŋikapolok.

2 Ŋikor. 9:5

Aŋun, abu ayoŋ otamu atemar ejok akiŋitakin ŋikaitotoi ŋul aberun neni kus eriŋa ayoŋ, ikotere kitemokis ŋainakineta ŋuna iikinito iyes alemun. Kitemokino nai erae ŋainakineta ŋuna icamito iyes ŋilopeyek alemun, meere ŋuna ikitiŋakinitae.

1 Sam. 18:17

Tema nai Saul neni a Daudi, “Merab na nakoku kaŋ ŋina apolon, akainakini ayoŋ iyoŋ iŋes kiit; nai kitiyanakinae iyoŋ ayoŋ irae ŋolo ititiny, toji ŋijiesyo alokiro ke Ekapolon.” Atami Saul apaki ŋin ebe, “Mam ŋuna aronok ŋuna etiyakini ayoŋ neni a Daudi. Ŋipilistin earete iŋes.”

1 Sam. 25:27

Tocamak ekapolon kaŋ, ainakinet na, ŋina ayaunit ayoŋ aketiyan kon neni a ekapolon kaŋ, inakinae neni a ŋikajiok a ŋulu irukito ka iyoŋ.

1 Sam. 25:28

Ekemaimai ayoŋ iyoŋ ikisyon ayoŋ aketiyan kon ŋuna etiyat eroko; anerae ayeni ayoŋ atemar itoropari Ekapolon apukan kon ekapolon kaŋ aŋuna ijio iyoŋ aŋuna ke Ekapolon. Nyitiya aronis apei daŋ ŋirwa daadaŋ ŋulu iyarya iyoŋ.

1 Sam. 30:20

Toremu daŋ Daudi ŋamesekin ka ŋaatuk, kiteme ŋikajiok ŋulu arukito ka iŋes, kisiŋareno alobaren a ŋulu abuunite ikes. Abasi ŋikajiok ŋulu arukito ka Daudi emeto ŋibaren ŋul alokiŋaren ŋuluce ebe, “Erae lu ŋulu aremuni Daudi.”

1 Sam. 30:25

Akisyakin anakoloŋit a ŋin, abu Daudi totub ŋun erae ekisil ŋolo amaikina kiwuapae anakwap a Isirael; eriŋa ŋun iwuapitae tari nakoloŋit na.