1 Sam. 30:20 - Ebaibul

²⁰ Toremu daŋ Daudi ŋamesekin ka ŋaatuk, kiteme ŋikajiok ŋulu arukito ka iŋes, kisiŋareno alobaren a ŋulu abuunite ikes. Abasi ŋikajiok ŋulu arukito ka Daudi emeto ŋibaren ŋul alokiŋaren ŋuluce ebe, “Erae lu ŋulu aremuni Daudi.”

1 Sam. 30:20 Iomraidhean Croise

2 Ŋakiro a ŋirwa 14:15

Apotu daŋ ŋasigarya a Yudaya toremo ŋauyoi a ŋulu alomito nen, tomyaasi ŋakinei ŋuna alalak nooi kaapei ka ŋikaala, tosodi toboŋosi nai Yerusalem.

2 Ŋakiro a ŋirwa 20:25

Aŋun, abu Yeosapat ka ŋirukitos keŋ toloto kiriraut ŋiboro ŋulu sek keyakatar ŋasigarya ŋun, toryamut ŋaatuk ŋuna alalak, ŋiboro ŋulu alalak ka ŋilowi ŋulu alalak ta ŋiboro ŋice ŋulu epol egyelit. Apotu ikes kiriraut ŋiboro ŋul kidoŋo ikote nenipei todaun akiwoket. Alalak ŋiboro ŋul nooi, aŋun, abu todol ŋirwa ŋiuni ecunete ikes ŋiboro ŋul.

Isa. 53:12

Aŋun, ainakini ayoŋ iŋes akibois aneni a ŋikapolok, ekorete iŋes ka ŋikagogoŋok ŋiboro ŋulu eŋatunitae, anerae abu iŋes tocamu atwanare ka aponi kimarakinae iŋes neni a ŋulu abilibiliyete ŋikisila, nai abu iŋes tocamu akidaŋ ŋasecisya a ŋikalalak ka abu todyek Akuj aŋuna a ŋulu ebilibiliyete ŋikisila.

Ŋirom. 8:37

Nai alotooma ŋakiro ŋun daadaŋ, ikiloit iwon tari ŋikelounak aŋuna a ŋolo abu ikiminak iwon.

1 Sam. 30:21

Todolu nai Daudi neni aya ŋikilyok ŋamiae ŋaarei ŋulu aupi akiwuapit kaapei ka Daudi erot a ŋimoe, ŋulu abu Daudi kimyek anayonae Besor. Tonyout ikes aneni eboiyoto toloto kisiryama Daudi ka ŋituŋa ŋulu arukitotor. Ani edolete Daudi ka ŋikajiok ŋulu arukito ka iŋes neni kec, kimala Daudi ikes.

1 Sam. 30:26

Ani edoluni Daudi Sikilag, kiyakiya ŋiboro ŋulu aŋatuni iŋes ŋice neni a ŋikasikou a Yudaya a ŋulu arae ŋikonei keŋ, tema, “Erae lu ainakinet neni kus aloboro a ŋulu aŋatuni ayoŋ alomoe a Ekapolon.”