1 Sam. 30:17 - Ebaibul

¹⁷ Kisiiryak Daudi ikes ŋinapei ipiripiriuni akoloŋ akitodol eboŋ akoloŋit ŋina atupakini ŋin. Mam ŋimoe ŋul ŋini abu tobucar, alemar ŋisorok ŋamiae ŋaomwon bon, ŋulu apotu todokakis ŋikaala toema.

1 Sam. 30:17 Iomraidhean Croise

2 Sam. 1:1

Ekaku ka atwanare a Saul, kedau Daudi aboŋun aneni amunyarya Ŋiamaleki, abu Daudi kiboi alo Sikilag ŋirwa ŋiarei, nyelot iwace.

2 Sam. 8:12

Kirirauni sek Daudi esilipa ŋol ka egolid ŋol anakwapin a nu: Alo Edom, alo Moab, aneni a Ŋiamoni, aneni a Ŋipilistin, aneni a Ŋiamaleki ka aloboro a ŋulu aŋatuni iŋes aneni ka Adadeser alokoku a Reob a ŋolo arae erwosit a Soba.

2 Ŋirw. 7:5

Ani ŋinibore ikaikakinia akwap eboŋ, tonyout ŋikilyok ŋul, toloto neni aya ŋasigarya ka Aram, nai ani eapikinete ikes neni eboiyoto ŋasigarya ŋun, toryamut akwap esil emam ituŋanan eyai.

1 Ŋakiro a ŋirwa 4:43

Toara Ŋiamaleki ŋulu kidoŋito nen, ŋulu sek kepotu tobucar. Iboiyete tokona Ŋisimeoni ŋul a nen tari nakoloŋit na.

Ŋikiru. 18:42

Abu ayoŋ oreu ikes kielaros ikwa apuwa ŋina ielari ekuwuam; abu ayoŋ ecakicak ka epuda ikes ikwa ecoto ŋolo alorotin a etaun.

Yer. 41:15

Nai abu Isimael lokoku a Nesania tosi aneni a Yoanan kaapei ka ŋikilyok ŋikanikauni, toloto neni a Ŋiamoni.

Ŋikat. 4:16

Abu Barak kiwuap ŋasigarya a Sisera ŋuna adokito ŋagaari ka ŋuna alosete a ŋakejen tari Aroses-Agoim. Aponi toarae ŋasigarya a Sisera daadaŋ a ekileŋ, mam tari ipei daŋ ŋini abu topuu.

Ŋikat. 7:12

Alalak nooi Ŋimidian, Ŋiamaleki ka ŋituŋa a ŋikabilae a ŋulu a lo Kide, apetakina akadipaalat daadaŋ esibit emaase, pa apedoryo akimarun ŋikaala kec, alalak nooi asibit asinyon alodiyete anam.

1 Sam. 11:11

Akoloŋit ŋina atupakini ŋin, abu Saul totyakatyaka ŋituŋa toruwor ŋajorei ŋauni. Ani taparacu eriŋa nyedolo esaa epei ŋolo ka apaaran, kicodokis ikes neni eboiyoto Ŋiamoni, toara Ŋiamoni akitodol ŋina amwanunia akoloŋ; kielaros Ŋiamoni ŋulu ariŋa eyarete a ŋipeipei, mam ŋulu apotu toema kaapei erae ŋiarei.

1 Sam. 15:3

Ape tokona kisiiryak Ŋiamaleki, tomunya jik ibore daadaŋ ŋini eyakatar ikes, nyimyek ikes, toar ŋikilyok, ŋaberu, ŋidwe, ŋaatuk, ŋakinei, ŋikaala ka ŋisigirya.’ ”