1 Sam. 3:19 - Ebaibul

¹⁹ Ayai Ekapolon kaapei ka Samuel apaki ŋina apolounio iŋes, ido abu Ekapolon kisiyook ŋuna aris kelimu.

1 Sam. 3:19 Iomraidhean Croise

Akisy. 21:22

Apaki ŋin, temasi Abimelek ka Pikol ŋolo arae ekapolon a ŋasigarya keŋ neni ka Aburaam, “Irukito iyoŋ ka Akuj alotooma daadaŋ ŋuna itiyae iyoŋ.

Akisy. 28:15

Toyenu nu ebe ikiruki ayoŋ ka iyoŋ, ekeyokit ayoŋ iyoŋ aneni daadaŋ ilosi iyoŋ, ido ekenyakuni iyoŋ nakwap na, anerae nyakaesikini ayoŋ iyoŋ mati ketiyak ŋuna adau akiikin iyoŋ.”

Akisy. 39:2

Arukito Ekapolon kaapei ka Yosepu, kituruwo Ekapolon iŋes ŋolo alosi etic keŋ kiŋaren ejok, itiyae kai a ekapolon keŋ a Potipar a Ejipitanoit.

Akisy. 39:3

Ani eyenuni ekapolon a Yosepu atemar erukito Ekapolon kaapei ka Yosepu, ido elosi etic a Yosepu daadaŋ ejok,

1 Ŋirw. 8:56

“Kipuroe ŋolo ayau akieŋun neni a ŋituŋa a Isirael alopite a daadaŋ a ŋolo abunio iŋes kiikinia ikes, mam akirot apei daŋ ŋina a Moses a eketiyan keŋ.

2 Ŋirw. 10:10

Itoodiunit nen atemar isiyookinitoe ŋakiro daadaŋ ŋuna abu Ekapolon kirwor aŋuna ke ekal ka Aab. Etiyak Ekapolon ŋuna abu kirwor aneni ke Eliya a ŋolo arae eketiyan keŋ.”

2 Ŋirw. 15:12

Arae ŋun ŋakiro ŋuna eikinit Ekapolon Yeu atemar, ipukaete ŋidwe keŋ Isirael akitodol anyamet ŋina a ŋaomwon. Apotu kiyookinos ikote nenipei.

2 Ŋirw. 22:16

atemar ebala Ekapolon, kire jik, esicani ayoŋ akibois na ka ŋituŋa keŋ, lopite ŋolo igiritere lokitaabo ŋakiro daadaŋ ŋuna adau erwosit a Yudaya akisyom.

Isa. 43:2

Apaki ŋina itoryoto iyes kidiŋ ŋakipi, ikirukit ayoŋ ka iyes; kori apaki ŋina itoryoto iyes naŋololin, nyepedorete ŋakipi akiwok iyes; apaki ŋina itoryoto iyes kidiŋ akim, nyikinomi akim iyes ka nyikinomiari iyes arira a akim a ŋin;

Isa. 44:26

Ayoŋ esiyoonokini ŋakiro ŋuna irworosi ŋiketiyak kaŋ ka esiyoonokini ŋakiro ŋuna edwarete ŋikiyakya kaŋ; ayoŋ alimuni aŋuna a Yerusalem ebe, ‘Epote ŋituŋa akiboi alotooma keŋ’ ka ayoŋ alimu aŋuna a ŋitaunio a Yudaya ebe, ‘Edukokinio ikes nabo ka etonyouni ayoŋ ŋarwatatain a ŋakais kec ŋuna eritanakina.’

Isa. 55:11

ikokini nenipei akirot kaŋ ŋina alimuni ayoŋ, nyeboŋuni neni kaŋ emam ibore eyakar, nai isiyookini ŋakiro ŋuna sek alimunitor ayoŋ iŋes ka kisiyook ŋuna eyakitor ayoŋ iŋes.

Mat. 1:23

“Epotiuni ka idouni apese ŋina nyiryamakina ka ekile ikoku ŋini sapat, enyarao ekeekiro Emmanuel.” (Apolou keŋ atemar, “Ikirukit iwon ka Akuj.”)

Luk. 1:28

Tolot emalaika toloma kai ŋina ayai Maria, kimala iŋes tema, “Maata iyoŋ ŋina ikitojokit Akuj! Iyakasi iyoŋ ke Ekapolon!”

Luk. 1:80

Topolou ikoku togogoŋior alotau keŋ; kiboi iŋes anariet akitodol akoloŋit ŋina etoodikinere iŋes neni a Ŋisirael.

Luk. 2:40

Topolou ikoku, togogoŋior, kilelebun aosou; kiterereŋ Akuj iŋes. Akuj aŋuna keŋ.

Luk. 2:52

Abu Yesu topolou ka kiyatakin aosou italakarit Akuj ka ŋituŋa.

2 Ŋikor. 13:11

Ŋuna isidiyete ŋikaitotoi, ikianyun! Kitogogoŋo ŋitai kus. Kitatamas make; tocamununos make; kiboiyoto a ekisil. Toyai neni kus Akuj ŋina ka amina ka ekisil.

2 Ŋikor. 13:14

Toyai neni kus daadaŋ ajokis ŋina ke Ekapolon Yesu Kristo ka amina ŋina ka Akuj ta akimorikina ŋina ke Etau a ŋolo Asegan.

Ŋikis. 18:22

Ani kirwor ekadwaran alokiro ke Ekapolon nai nyitiyakin, kori nyiyookin ŋuna alimunit iŋes, iŋes atemar nyelimunit Ekapolon akirot ŋin; irworo ekadwaran ŋol ŋakiro ŋuna pa alimokinit ayoŋ iŋes, nyikibul aŋuna a ŋakiro keŋ.

2 Tim. 4:22

Toyai Ekapolon lotau kon! Toyai neni kus daadaŋ ajokis ŋina ka Akuj.

Yos. 21:45

Mam akirot apei daŋ ŋina ajokan ŋina abu Ekapolon kiik Ŋisirael ŋina abu nyiyookin. Apotu ŋakiro daadaŋ kiyookinos.

Ŋikat. 13:24

Abu nai aberu a Manoa kidou ikoku ŋinisapat, tolimok ekiro Samuson. Topolou edya ka kiterereŋ Ekapolon iŋes.

1 Sam. 10:7

Ani nai etakanunete ŋakiro ŋun neni kon, kitiya ŋuna ikilimokini iyoŋ Akuj akitiya, anerae eyai Akuj kaapei ka iyoŋ.

1 Sam. 12:2

Kiirasi, iyakatar tokona iyes erwosit ŋolo erae ekepukan kus, ani eruwor ayoŋ, amojoŋ akwaŋut ŋitim, nai irukito iyes ka ŋidwe kaŋ ŋulusapa. Akarik ayoŋ iyes ŋinapei anasorokanu kaŋ tari nakoloŋit na.

1 Sam. 16:18

Tema esorokit epei, “Ayeni ayoŋ lokoku a Yese a ŋolo alo Betelem atemar erami agita ejok nooi, erae iŋes ekile ŋolo etitiny, ekajion, irworo ejok nooi, erae iŋes ŋolodirya ka akuwan, ido eyai Ekapolon kaapei ka iŋes.”

1 Sam. 18:12

Tokuryaniar Saul aŋuna a Daudi, anerae ayai Ekapolon kaapei ka Daudi, ido aris Ekapolon keŋer Saul.

1 Sam. 18:14

Eloununui Daudi ŋimoe kec, anerae ayai Ekapolon kaapei ka iŋes.

1 Sam. 18:5

Abu Daudi tolot neni daadaŋ abu Saul kiyakiya iŋes ka abu kitiya ejok, aŋun, abu Saul kituruwo Daudi ekapolon a ŋasigarya. Tocamut ŋituŋa daadaŋ Daudi, tocamut tari ŋikapolok ŋulu epukatotor Saul.

1 Sam. 2:21

Kiterereŋ Ekapolon Ana, kidou ŋisapa ŋice ŋiuni ka ŋapesur ŋaarei, abu Samuel daŋ topolou itiyanakini Ekapolon.

1 Sam. 2:26

Abu nai edya Samuel topolou italakarit Ekapolon ka ŋituŋa.

1 Sam. 9:6

Nai tema eketiyan ŋol neni a Saul, “Eyai lotaun ŋol ekile ŋolo erae ituŋanan ŋini ka Akuj, erae iŋes ekile ŋolo itopolooritae. Iyoonokin ŋakiro daadaŋ ŋuna elimuni iŋes. Apena neni keŋ tokona; acepaki ikilimokini iŋes iwon neni ikiryamunia ŋisigirya.”