1 Sam. 3:1 - Ebaibul

¹ Apaki ŋin, eŋarakinit Samuel Eli, etiyanakini Ekapolon. Pa amina Ekapolon alorwa a ŋul akirworo lotuŋa, pa alal Ekapolon atakanianakin neni a ŋituŋa.

1 Sam. 3:1 Iomraidhean Croise

Ŋikiru. 74:9

Nyeriŋa isua ikiŋolyanakini ŋimacarin ŋulu a ŋitalyo kosi, emam ekadwaran idoŋit epei daŋ, emam ipei daŋ alokidiŋ kosi ŋini eyeni apaki ŋina edaunotor ŋakiro nu.

Ŋakit. 29:18

Akwap ŋina nyiwuapitere ŋuna ebala Akuj kiwuapa, erae ŋina ileleba akiguro, nai elakara ŋituŋa ŋulu iwuapito ŋikisila ŋulu ka Akuj.

Isa. 13:12

Etukudiouni ayoŋ ŋituŋa anakwap totyonior aryamun ikwa egolid ŋolo ajokan ka totyonior aryamun ikwa egolid ŋolo a Opir

Esek. 7:26

Ikiropikinete iyes ŋican, ikiropikinete iyes ŋirworisya ŋulu ka alyokonu; iitanete iyes ayenun alokadwaran ŋakiro ŋuna eponito; edaun esacaradoti ŋakiro ŋuna ikitatami iyes, edaun ŋikasikou ŋakiro ŋuna ikisirworiuniata iyes.

1 Sam. 2:11

Toboŋo nai Elkana lore keŋ Rama, kidoŋ Samuel Silo akitiyanakin Ekapolon, topolokinite esacaradoti Eli iŋes.

1 Sam. 2:18

Apaki ŋin, etiyanakini Samuel Ekapolon, tonapite arapet ŋina amilimilan anatorobu.

1 Sam. 2:35

Etopoloori ayoŋ aŋuna kaŋ esacaradoti ece ŋolo ekekinyomit ayoŋ, ŋolo itiyae ŋuna eyakasi lotau kaŋ ka natameta kaŋ. Etojoki ayoŋ jik ŋituŋa a ekal keŋ, ido ebuni iŋes akitiya ejok ŋirwa daadaŋ alokiŋaren erwosit ŋolo aseuni ayoŋ.

1 Sam. 2:36

Tosodi nai, epote ŋituŋa ŋulu emyekin a ekal kon aryedik alokiŋaren esacaradoti ŋol, ilipasi esilipa edio ka imugati, ido todyeka iŋes ebasi, ‘Inakinae kareca etic edio anakibois a esacaradoti, ikotere ikiryamuni akimuj adio kimujae.’ ”

1 Sam. 3:15

Toper Samuel nen akitodol taparacu; tonyou nai toŋaa ŋikekya ŋulu ka Akai ke Ekapolon. Apaki ŋin, akuryanit Samuel alimokin Eli ŋakiro ŋuna ka atakanikinet a ŋina abu toyakaun neni keŋ.

1 Sam. 3:21

Torubak Ekapolon etakanununui alo Silo, abu Ekapolon torubak itoodyanakin neni a Samuel alo Silo. Aponi nai kiteyenikinae Ŋisirael daadaŋ ŋakiro a Samuel.