1 Sam. 29:9 - Ebaibul

⁹ Toboŋok Akis Daudi tema, “Ayeni ayoŋ atemar emam ŋakiro ikitoroniaritere iyoŋ apei daŋ, ikoni iyoŋ alokiŋaren kaŋ emalaika ŋolo ka Akuj. Kikote neni daŋ, adaut ŋikarikok a ŋajorei a Ŋipilistin alimun ebe, ‘Nyikirukori iŋes ka isua lojie.’

1 Sam. 29:9 Iomraidhean Croise

2 Sam. 14:17

Ayoŋ tokona aketiyan kon abala, ‘Kisieŋarae ayoŋ anakirot a ŋina ilimuni iyoŋ, ekapolon kaŋ erwosit, ikoni iyoŋ emalaika anatyakatyak ŋakiro ŋuna ajokak ka ŋuna aronok. Elipi toyai Ekapolon Akuj kon kaapei ka iyoŋ.’”

2 Sam. 14:20

Abu Yoab eketiyan kon kitiya ŋakiro ŋun, ikotere kilocokinos ŋakiro ŋuna tokona itiyasi. Nai iyakar iyoŋ ekapolon kaŋ erwosit aosou ŋina ke emalaika ka Akuj, iyeni iyoŋ ŋakiro daadaŋ ŋuna itiyasi anakwap a Isirael.”

2 Sam. 19:27

Abu iŋes kirwor alyokonu neni kon eketoroniyarit ayoŋ, okoe ekapolon kaŋ. Nai ayeni ayoŋ atemar ikwaan iyoŋ erwosit ekapolon kaŋ ka emalaika ka Akuj; aŋun, kitiya neni kaŋ ŋuna itami iyoŋ atemar ejokak aneni kon.

Ŋigal. 4:14

Nai tari ŋina abunio apalagu ŋina ka adyak kaŋ yau ŋatyokisyo neni kus, ipotu iyes nyikijamuwasi kori nyikiŋero ayoŋ. Akilo, ipotu iyes ikijaut ayoŋ esibit emalaika ŋolo ka Akuj; ipotu iyes ikijaut ayoŋ esibit ijaunito Yesu Kristo.

1 Sam. 29:4

Nai apotu ŋikarikok ŋajorei a Ŋipilistin toŋoikis Akis temasi neni keŋ, “Kitoboŋo ekile ŋol, ikotere iŋes elosi nakibois ŋina iinak iyoŋ iŋes. Nyemaikina iŋes orukosi ka iwon lojie, acepaki epedori iŋes alukin iwon alojie. Alipite nai ece epedorya iŋes amaikin ka ekapolon keŋ? Meere mono anakiyar a ŋikilyok a lu a?