1 Sam. 29:6 - Ebaibul

⁶ Tonyarau nai Akis Daudi tema neni keŋ, “Ekoŋi ayoŋ alokiro a Ekapolon a ŋolo eyari atemar, irae iyoŋ ituŋanan ŋini ekinyomit ayoŋ, ido ajok ayoŋ akiwuakin iyoŋ etiyata ka ayoŋ najore. Ameun akoloŋit ŋina ibunio iyoŋ neni kaŋ akitodol tokona, mam aronis aryamu ayoŋ aneni kon, nai nyikikinyomito iyoŋ ŋikarikok a ŋajorei a Ŋipilistin.

1 Sam. 29:6 Iomraidhean Croise

Akisy. 16:6

Nai tolimok Aburam Sarai tema, “Kiira, apese kon ŋin ŋina erae apito kon, eyai nakan kon; kitiya neni keŋ ŋuna ejokak aneni kon.” Totiŋ Sarai Agar erono nooi, todoki Agar aneni a Sarai.

2 Sam. 3:25

Emaikina iyoŋ toyeni atemar abunit Abiner lokoku a Ner ne amodikin iyoŋ ka ayenun epite ŋolo iyakar iyoŋ a ne ta ibore daadaŋ ŋini itiyae iyoŋ.”

2 Ŋirw. 19:27

“Nai ayeni ayoŋ apaki ŋina inyounio iyoŋ ka apaki ŋina iboikinor iyoŋ. Ayeni ayoŋ apaki ŋina ilomarya iyoŋ kiŋa ka ŋina ilomunia iyoŋ tooma, ayeni ayoŋ epite ŋolo ikidedeŋikinitor iyoŋ ayoŋ.

Ŋikiru. 121:8

Ikidari Ekapolon iyoŋ apaki daadaŋ ŋina ilomarya kiŋa, kori ilomunia tooma; ameun tokona ka ŋikaru ka ŋikaru.

Isa. 37:28

Ayeni ayoŋ apaki ŋina inyounio iyoŋ ka apaki ŋina iboikinor iyoŋ, ayeni ayoŋ apaki ŋina ilomarya iyoŋ kiŋa ka ŋina ilomunia iyoŋ tooma, ayeni ayoŋ epite ŋolo ikidedeŋikinitor iyoŋ ayoŋ.

Isa. 65:16

Ituŋanan daadaŋ ŋini egatanakini arereŋu nakwap, emaikina togatak alokiro ka Akuj a ŋina ikinyoma; ituŋanan daadaŋ ŋini ikoŋi anakwap, emaikina kikoŋ alokiro ka Akuj a ŋina ka akikinyoma; anerae emuryakin ŋican ŋulu koloŋ ka nyeriŋa ayoŋ ete ŋican ŋul.”

Yer. 12:16

Ekaku, ani keyenut ŋikidunyet a Ŋisirael ka alelakinit ayenun ŋuna iwuapito ŋituŋa kaŋ, ido kikoŋo alokiro kaŋ ebasi, ‘Ikwapei eyarya Ekapolon,’ lopite ŋolo etatamitotor ikes ŋituŋa kaŋ akikoŋ alokiro a Baal, ŋun nai epedoryata ikes akiboi kaapei ka ŋituŋa kaŋ.

Ekim. 27:17

ŋini iŋarenikini ikes elosete lojie, ido toboŋunio, ŋini iŋarenikini ikes aloticisyo kec a daadaŋ ikotere ŋituŋa a Ekapolon nyikwaanikin ka ŋamesekin ŋuna emam ekeyokon.”

Mat. 5:16

Ikwaŋinapei, itemokino akica kus tocai kileere alotuŋa, ikotere ikes eanyuwarete ŋiticisyo kus ŋulu ajokak, kipuro Papa kus ŋolo eyai nakuj.

Ŋikis. 10:20

Kitopoloorito Ekapolon Akuj kus, kilipa neni keŋ bon, kimiidikinos neni keŋ ka kikoŋo alokiro keŋ bon.

Yos. 22:30

Ani iirarete Pineas ŋolo arae esacaradoti ka ŋikarikok a Ŋisirael ŋulu aponito a natekerin a Ŋisirael ŋakiro ŋuna alimunete ŋituŋa a Ruben ka ŋulu a Gad ta ŋulu ka atutubet a apei a ŋina Manase, apotu tolakaros.

1 Pet. 2:12

Itemokino ŋipitesyo kus toruworos ŋulu ajokak alotuŋa a ŋulu nyenupito Akuj; apaki ŋina ikisitakiniata ikes iyes ebasi ŋikasecak, eyenunete ikes ŋiticisyo kus ŋulu ajokak, ido kipuro Akuj Akoloŋit ŋina ka abunore keŋ.

1 Pet. 3:16

nai kitiyata ŋun ka apatanu ka akerit. Tocayete ŋatameta kus, ikotere ani ikiyanyo kisirumae ŋileec ŋituŋa ŋulu irworosi ŋakiro ŋuna aronok aŋuna a ŋipitesyo kus a ŋulu ajokak, ikwapei ŋikewuapak ŋulu a Kristo.

1 Sam. 20:3

Nai abu Daudi kikoŋ tema, “Eyeni papa kon nooi atemar ikimina iyoŋ ayoŋ, ido ŋuna etami iŋes ikes nu ebe, ‘Nyemaikina kiteyenikinae Yonasan ŋakiro nu, acepaki iyaloloŋi.’ Nai kire jik, ikwapei eyarya Ekapolon ka ikwapei iyarya iyoŋ, eapi ayoŋ atwanare.”

1 Sam. 28:10

Kikoŋ Saul neni ka aberu a ŋin alokiro a Ekapolon tema, “Ekoŋi ayoŋ alokiro a Ekapolon a ŋolo eyari atemar, mam akisicanet ebuni neni kon aŋuna a ŋakiro a nu.”

1 Sam. 29:3

Temasi ŋikarikok ŋajorei a Ŋipilistin iŋitasi ebe, “Nyo itiyaete Ŋiburaniyae lu a ne?” Toboŋok Akis ŋikarikok a ŋajorei a Ŋipilistin tema, “Meere mono Daudi lo a, eketiyan a Saul a erwosit a Isirael, ŋolo adau akiruk ka ayoŋ ŋirwa ka ŋikaru a? Ŋinapei adoiunio iŋes neni kaŋ, mam aronis aripu ayoŋ aneni keŋ tari tokona.”

1 Sam. 29:7

Toboŋo, tolot ke ekisil, nyitiya ŋadi akitoŋoya ŋikarikok a ŋajorei a Ŋipilistin.”

1 Sam. 5:8

Aŋun, apotu ikes kiyakiyasi ŋituŋa anyarare ŋikapolok a Ŋipilistin, temasi ikes neni a ŋikapolok, “Nyo emaikina iwon etiyata aŋuna ka Asaduku a ŋina ka Akuj a Ŋisirael?” Toboŋokis ŋituŋa ŋulu a Gas temasi, “Yautu Asaduku ŋina ka Akuj neni kosi.” Aŋun, apotu ikes yaasi Asaduku ŋina ka Akuj a Ŋisirael Gas.