1 Sam. 29:3 - Ebaibul

³ Temasi ŋikarikok ŋajorei a Ŋipilistin iŋitasi ebe, “Nyo itiyaete Ŋiburaniyae lu a ne?” Toboŋok Akis ŋikarikok a ŋajorei a Ŋipilistin tema, “Meere mono Daudi lo a, eketiyan a Saul a erwosit a Isirael, ŋolo adau akiruk ka ayoŋ ŋirwa ka ŋikaru a? Ŋinapei adoiunio iŋes neni kaŋ, mam aronis aripu ayoŋ aneni keŋ tari tokona.”

1 Sam. 29:3 Iomraidhean Croise

Akisy. 14:13

Bu etuŋanan epei ŋolo kebucun alojie a ŋol, tolimok Aburam ŋolo arae Eburaniyat ŋakiro a ejie. Alomit Aburam diyete ŋikuyono ŋulu a Mamure a ŋolo arae Emorait, torae daŋ lokaato a Esikol ka Aner; ariito ŋuluarei ŋul ka Aburam.

1 Ŋakiro a ŋirwa 12:19

Apotu ŋituŋa a Manase ŋice toriwo neni a Daudi apaki ŋina alosyoto Daudi ka Ŋipilistin akitijiore Saul. (Nai abu Daudi ka ŋikajiok keŋ nyiŋarakis Ŋipilistin, anerae ani kedaut Ŋipilistin a kimima ŋakiro a Daudi, apotu kiritasi Daudi ka ŋirukitos keŋ nariet. Temasi, “Ikicakari iwon akiyar yok kikiruko ka iŋes, ido toriwo iŋes ka Saul.”)

1 Ŋakiro a ŋirwa 12:20

Ani apaki ŋin elosi Daudi Sikilag, apotu ŋituŋa a Manase lu toriwo ka iŋes: Adina, Yosabad, Yediel, Mikael, Yosabad, Eliu ka Silesai, arae ikes ŋikarikok a ŋajorei a ŋuna aya ŋituŋa aliput alo Manase.

Dan. 6:5

Temasi ŋikilyok ŋul, “Nyikipedori iwon aryamun idiobore ŋinikisitakinet Daniel, mati keanyun iwon ŋadikiro alotooma ŋikisila a Akuj keŋ ŋunakisitakinet iŋes.”

Yoa. 19:6

Ani iŋolikinete ŋisacaradotin ŋulu apolok ka ŋiketeok ŋulu a Ŋiyudayan iŋes, tocelut temasi, “Kibubuk! Kibubuk iŋes lomusalaba!” Tolimok Pilato ikes tema, “Yaasi iyes ŋilopeyek iŋes kibubukis, anerae nyeryamuna ayoŋ adiosecit ŋina tubokinet iŋes.”

Ŋirom. 12:17

Ani kitiya ituŋanan ŋuna aronok neni kus, nyinyaŋasi ka aronis. Kikatakisi iyes akitiya ŋuna ejoikinito ŋituŋa daadaŋ.

1 Pet. 3:16

nai kitiyata ŋun ka apatanu ka akerit. Tocayete ŋatameta kus, ikotere ani ikiyanyo kisirumae ŋileec ŋituŋa ŋulu irworosi ŋakiro ŋuna aronok aŋuna a ŋipitesyo kus a ŋulu ajokak, ikwapei ŋikewuapak ŋulu a Kristo.

1 Sam. 14:11

Aŋun, apotu ikes ŋuluarei ŋul kitoodiyaros najore a Ŋipilistin; temasi nai Ŋipilistin, “Kiŋolikisi! Alomut Ŋiburaniyae alokuco a ŋulu sek keŋopitotor.”

1 Sam. 25:28

Ekemaimai ayoŋ iyoŋ ikisyon ayoŋ aketiyan kon ŋuna etiyat eroko; anerae ayeni ayoŋ atemar itoropari Ekapolon apukan kon ekapolon kaŋ aŋuna ijio iyoŋ aŋuna ke Ekapolon. Nyitiya aronis apei daŋ ŋirwa daadaŋ ŋulu iyarya iyoŋ.

1 Sam. 27:1

Abu Daudi totamatama alotau keŋ tema, “Epedori Saul akiar ayoŋ apeikoloŋit ŋirwa lupei lu. Ŋuna emaikina ayoŋ etiya iŋes akisii nakwap a Ŋipilistin; oeka aneni a Saul, ikotere nai eupi Saul akiwarit ayoŋ tooma akwap a Isirael.”

1 Sam. 27:7

Kiboi Daudi anakwap a Ŋipilistin epeikaru ka ŋilapyo ŋiomwon.

1 Sam. 29:6

Tonyarau nai Akis Daudi tema neni keŋ, “Ekoŋi ayoŋ alokiro a Ekapolon a ŋolo eyari atemar, irae iyoŋ ituŋanan ŋini ekinyomit ayoŋ, ido ajok ayoŋ akiwuakin iyoŋ etiyata ka ayoŋ najore. Ameun akoloŋit ŋina ibunio iyoŋ neni kaŋ akitodol tokona, mam aronis aryamu ayoŋ aneni kon, nai nyikikinyomito iyoŋ ŋikarikok a ŋajorei a Ŋipilistin.

1 Sam. 4:6

Ani iirarete Ŋipilistin ecelet ŋol, temasi, “Nyo apolou a ecelet a ŋol, a ŋolo ecelasi Ŋiburaniyae?” Ani nai eyenunete ikes atemar keyaun Asaduku ŋina ke Ekapolon neni eboiyoto Ŋisirael,