1 Sam. 28:6 - Ebaibul

⁶ Ani iŋisi Saul Ekapolon ŋuna emaikina iŋes kitiya, abu Ekapolon nyeboŋok iŋes, kerae anakirujaeta, kori anakilamilam ka adio, kori alokadwaran ke edio.

1 Sam. 28:6 Iomraidhean Croise

2 Sam. 22:42

Apotu ikes kiwara ikaiunan, nai mam ŋini arae ikaiunan ikes; apotu ikes kigworonokis Ekapolon, nai abu Ekapolon nyeboŋok ikes ŋakiro ŋadi.

Ŋikiru. 74:9

Nyeriŋa isua ikiŋolyanakini ŋimacarin ŋulu a ŋitalyo kosi, emam ekadwaran idoŋit epei daŋ, emam ipei daŋ alokidiŋ kosi ŋini eyeni apaki ŋina edaunotor ŋakiro nu.

Awos. 28:20

Elain ŋolo a ŋiomwon emaikina eyakasi ŋamoru nu: Ŋuna enyaŋiyarito ŋuna enyaritae karisolite ka ŋuna areŋak puu ŋuna enyaritae onikis ta ŋuna inyalal ŋiraŋgi ŋuna enyaritae Yasiper. Emaikina ŋamoru ŋun daadaŋ eenianakinitae iwapei, isibakitae a ŋiriko a ŋulu itiyaunitae ke egolid.

Awos. 28:30

Kiwuak loboli ŋol ŋolotubet ŋakiro ŋiboro lu: Ibore ŋini isileereununui ŋakiro ŋini enyaritae Urim ka ŋini isiyoonokini ŋakiro ŋini enyaritae Sumim. Emaikina Aron enapit ŋiboro ŋul anatorobu keŋ apaki daadaŋ ŋina elomarya nakibois ŋina Asegan nooi ŋina eyai Ekapolon. Aŋun, emaikina Aron torubak enapit eboli anatorobu keŋ apaki daadaŋ ŋina etubio ŋakiro a Ŋisirael alokiŋaren Ekapolon.”

Ŋakit. 27:1

Nyiturokin aŋuna a moi taparacu, anerae nyiyeni iyoŋ ŋuna eyakaun moi taparacu.

Yer. 23:28

Kimyekisi ekadwaran ŋolo irujat tolimu ŋuna irujat iŋes, nai kimyekisi ŋini eyakar akirot kaŋ tolimu akirot kaŋ emam akilocokin. Alipite ikwaanatar nooi ŋikinyom ŋulu ikote erau ka eot?

Aum. 2:9

Aritaar ŋipukei a arwatata emuleleiyasi ŋamoru, amunaiya ka abilibilaa Ekapolon ŋasuwa ŋuna sek ilorere ŋikekya. Arikor nakwapin erwosit a Yerusalem ka ŋikapolok ŋulu epukatotor iŋes. Adaun ŋikisila. Nyisileerekino Ekapolon ŋikadwarak ŋakiro keŋ anakirujaeta.

Yoel 2:28

“Ekaku, eyakikini ayoŋ Etau kaŋ lotuŋa daadaŋ. Edwarete ŋikusidwe ŋulusapa ka ŋulupesur, irujaete ŋikasikou kus, ka eanyunete ŋikusisorok ŋatakanikineta.

Ŋilep. 8:8

Kitanapik Moses Aron eboli, ido kiwuak ŋiboro lu loboli: Ibore ŋini isileereununui ŋakiro ŋini enyaritae Urim

Mika 3:7

Irumete ŋikadwarak ŋileec. Nyelakarosi ŋimurok, ituruworyo ikes daadaŋ ŋicaryo, anerae nyeboŋokini Akuj ŋakiro kec.

Ekim. 12:6

Tema Ekapolon, “Kiirasi ŋakiro kaŋ nu: Ani eyakasi ŋikadwarak kidiŋ kus, ayoŋ Ekapolon, atakanikini neni kec, erworo ayoŋ neni kec anakirujaeta.

Ekim. 27:21

Nai, ewoi iŋes alokiŋaren Eleasar esacaradoti, ŋolo iŋitununui aŋuna keŋ ŋakiro anakisileerekinet a ŋina ke Ekapolon, mati kelimu iŋes atemar apena toloto nai Ŋisirael daadaŋ ka iŋes lojie ka mati kelimu iŋes atemar oboŋosi, iŋes nai eboŋunioto iŋes ka Ŋisirael daadaŋ alojie.”

Mat. 1:20

Nai ani eriŋa iŋes etamatamae ŋakiro ŋun, totakanu emalaika ŋolo ke Ekapolon neni keŋ anakiruja tema, “Yosepu lopapait a Daudi, nyikuryaniar akiit Maria toruwor aberu kon, anerae ŋini epoti iŋes ebunit aneni ke Etau a ŋolo Asegan;

Yoa. 9:31

Ikiyeni iwon atemar nyepupi Akuj ŋikasecak, epupi ŋulu ekerito iŋes bon ka ŋulu itiyaete ŋuna ecamit iŋes ikes kitiyata.

Ŋikis. 33:8

Abu Moses kirwor ŋakiro nu aŋuna a ŋituŋa a ekabila a Lepi: Inak ŋiletok a Lepi ibore ŋini enyaritae Sumim, inak daŋ ikes ibore ŋini isileereununui ŋakiro ŋini enyaritae Urim, ŋiletok a Lepi ŋulu ibu iyoŋ kikatak alo Masa, ŋulu ibu iyoŋ apaki ŋina ayakatar neni aya ŋakipi ŋuna a Meriba,

Yak. 4:3

Tari ŋina iŋisyata iyes iŋes, nyiryamunete, anerae iŋitasi erono; iŋitasi iyes ŋiboro ŋulu isitiyaete aŋuna ke ekibure kus.

1 Sam. 14:37

Aŋun, abu Saul kiŋit Akuj ŋakiro ŋun tema, “Akuj, atiyaar ba kwap ama, ewuapak Ŋipilistin? Iinakini iyoŋ Ŋipilistin nakan kosi a?” Nai abu Akuj nyeboŋok Saul ŋuna eŋita akoloŋit ŋin.

1 Sam. 28:15

Kiŋit nai Samuel Saul tema, “Kaanukiro ikicania iyoŋ ayoŋ, ikinyakunia ayoŋ analup?” Toboŋok Saul tema, “Ayai ayoŋ nakiyaloloŋ ŋina apolon nooi, anerae akaŋaanakinete ayoŋ Ŋipilistin ŋajorei, ido akaŋer Akuj ayoŋ. Mam ŋakiro eriŋa eboŋonokini aŋuna kaŋ alokadwarak, kori anakirujaeta, aŋun, akanyar ayoŋ iyoŋ, ikotere itolimok ayoŋ ŋuna emaikina etiya.”

1 Sam. 28:5

Ani iŋolikini Saul ajore a Ŋipilistin, tokuryaniar, tomaranik etau keŋ nooi.