1 Sam. 28:21 - Ebaibul

²¹ Ani ebuni amuron ŋin neni a Saul, kiŋolik Saul ebulit nooi, tema neni keŋ, “Kiira, adau ayoŋ aketiyan kon akiwuap ŋuna ibala iyoŋ. Abu ayoŋ alope ojal akiyar kaŋ, etiya ŋuna ibu iyoŋ tolimok ayoŋ.

1 Sam. 28:21 Iomraidhean Croise

2 Ŋirw. 6:11

Apotu ŋakiro ŋun kisiilo nooi erwosit ŋolo ka Aram, aŋun, tonyarau iŋes ŋikarikok a ŋasigarya keŋ kiŋit tema, “Tolimokinae ayoŋ, ŋae alokidiŋ yok eriito ka erwosit a Isirael?”

Yob 13:14

Acamu ayoŋ ŋuna etiyakin nakuwan kaŋ, ewuak ayoŋ akiyar kaŋ napedor kaŋ a elope.

Ŋikat. 12:3

Ani aanyuni ayoŋ atemar nyicamito iyes alakun ayoŋ, abu ojal akiyar kaŋ, odoka ekekwaye akitijiore Ŋiamoni, ido abu Ekapolon kipotok ikes napedor kaŋ. Kaanukiro nai iponitotor iyes neni kaŋ nakoloŋit na akitijiore ayoŋ?”

1 Sam. 19:5

Abu iŋes tojal akiyar keŋ apaki ŋina alosyo akitijikin Golias, ido abu Ekapolon kisilou nooi Ŋisirael daadaŋ ŋimoe kec. Ibu iyoŋ elope kiŋolik ŋun, ido ibu tolelyan; kaanukiro nai icamitor iyoŋ akitiya aronis neni a ituŋanan a ŋini nyesecit, anukiro icamitor iyoŋ akiar Daudi koŋin?”

1 Sam. 28:20

Apaki ŋinapei ŋin, kimasar Saul toramakin kwap, tobul iŋes nooi aŋuna a ŋakiro a Samuel a ŋun, todaun agogoŋu aneni keŋ, anerae mam ibore emujit iŋes akoloŋit ŋin apaaran daadaŋ ka akuwar daadaŋ.

1 Sam. 28:22

Ekemaimai tokona ayoŋ iyoŋ, kiira ŋakiro kaŋ a aketiyan kon, ido itocamak ayoŋ okoinak iyoŋ akimuj adio ikimuj, toryamunia agogoŋu ŋina ilosyo neni icamit.”