1 Sam. 27:8 - Ebaibul

⁸ Aloseneneete Daudi ka ŋikajiok ŋulu arukito ka iŋes akirem Ŋigesuri, Ŋigirisi ka Ŋiamaleki; kiboiyete ŋituŋa ŋul ŋinapei koloŋ anakwap a ŋina eyai ameun alo Sur tari Ijipit.

1 Sam. 27:8 Iomraidhean Croise

2 Sam. 14:23

Aŋun, abu Yoab torotok, tolot Gesur, ido abu yau Abusalom Yerusalem.

2 Sam. 14:32

Toboŋok Abusalom Yoab tema, “Kiira, abu ayoŋ eyaku ituŋanan neni kon alimokin iyoŋ ebe, ‘Bua laalo, ikotere ekeyakiya ayoŋ iyoŋ neni a erwosit kiŋit iŋes ŋakiro nu: Kaanukiro ekenyakunere ayoŋ alo Gesur? Kejok aneni kaŋ kerae toriŋa ayoŋ ayai ama.’ Kimyekinae ayoŋ tokona olot neni a erwosit, ani keyai aronis etiyat ayoŋ, itemokino iŋes okoar ayoŋ!”

2 Sam. 15:8

anerae, abu ayoŋ eketiyan kon ekoŋ neni a Ekapolon, apaki ŋina ayakar Gesur nakwap ŋina ka Aram. Abu ayoŋ otema, ‘Ani ca kekenyaka ayoŋ Ekapolon Yerusalem, elipi ayoŋ neni keŋ alo Eburon.’ ”

2 Sam. 3:22

Apaki ŋinapei ŋin, toboŋunete ŋituŋa a Daudi anajore erukito ka Yoab. Aŋatunito ikes ŋiboro ŋulu alalak nooi. Aris apaki ŋin Abiner kerotoki alo Eburon; aris Daudi kitorotok iŋes a nen emam ŋace.

2 Sam. 3:3

ŋolo a ŋiarei arae Kileab lokoku ka Abigail a ŋina alo Karimel, apuserut a Nabal; ŋolo a ŋiuni arae Abusalom lokoku ka Maaka a ŋina arae nakoku a Talimai a erwosit a ŋolo a Gesur;

2 Sam. 8:12

Kirirauni sek Daudi esilipa ŋol ka egolid ŋol anakwapin a nu: Alo Edom, alo Moab, aneni a Ŋiamoni, aneni a Ŋipilistin, aneni a Ŋiamaleki ka aloboro a ŋulu aŋatuni iŋes aneni ka Adadeser alokoku a Reob a ŋolo arae erwosit a Soba.

1 Ŋakiro a ŋirwa 2:23

Nai apotu ŋapukasinei ŋuna a Gesur ka Aram kikamasi ŋitaunio a Gilead ŋatomonikanikapei, kimoriyasi ka ŋirerya ŋulu a Yair ka Kenas ta ŋitaunio ŋulu edunyatar. Arae ŋituŋa ŋulu eboiyete a nen daadaŋ ŋipapae a Makir a ŋolo arae papa a Gilead.

Awos. 15:22

Kitena nai Moses Ŋisirael a Nanam a ŋina Areŋan, toloto ikes naloŋisat ŋina enyaritae Sur. Toloto ikes analoŋisat todol ŋirwa ŋiuni nyeryamuna ŋakipi.

Awos. 17:8

Toŋaut Ŋiamaleki ajore, toremo Ŋisirael alo Repidim.

Ekim. 13:29

Ŋiamaleki ikes iboiyete anakwap a ŋina a Negeb; Ŋiitaiti, Ŋiyebusi ka Ŋiamori ikes iboiyete anakwap a ŋina a ŋikamukumukui, ido Ŋikanaani ikes iboiyete alodiyete anam ka alodiyete aŋolol Yorodan.”

Ekim. 14:45

Apotu nai Ŋiamaleki ka Ŋikanaani, ŋituŋa ŋulu eboiyete anakwap a ŋina a ŋikamukumukui, kitijikis Ŋisirael kilout, kirita ikes tari neni anyaritae Orema.

Yos. 12:5

Epukat iŋes ŋinapei alomoru Erimon ka Salek, Bacan daadaŋ tari lokukoru a ŋituŋa a ŋulu enyaritae Ŋigesuri ka Ŋimaakasi kaapei ka atutubet apei ŋina a Gilead, akitodol lokukoru a Sikon a erwosit a Ecibon.

Yos. 13:13

Nai apotu Ŋisirael nyielasi Ŋigesuri ka Ŋimaakasi, ŋakiro ŋun iŋes arubakiniata Ŋigesuri ka Ŋimaakasi iboiyete ka Ŋisirael tari tokona.

Yos. 13:2

Ŋakwapin ŋuna eriŋa nyikamara ikes nu: Akwap daadaŋ ŋina a Ŋipilistin ka akwap daadaŋ ŋina a Ŋigesuri.

Yos. 16:10

Nai apotu ikes nyiritasi Ŋikanaani ŋulu alomito Geser. Tari tokona arubakis Ŋikanaani erukito ka ŋituŋa a Epuraim, nai ereikinitae ikes akitiya aŋuna a ŋituŋa a Epuraim.

Ŋikat. 1:29

Apotu ŋituŋa a ekabila a Epuraim nyiritasi Ŋikanaani ŋulu eboiyete alo Geser, nai eboiyete Ŋikanaani kaapei ka ikes alo Geser.

1 Sam. 29:6

Tonyarau nai Akis Daudi tema neni keŋ, “Ekoŋi ayoŋ alokiro a Ekapolon a ŋolo eyari atemar, irae iyoŋ ituŋanan ŋini ekinyomit ayoŋ, ido ajok ayoŋ akiwuakin iyoŋ etiyata ka ayoŋ najore. Ameun akoloŋit ŋina ibunio iyoŋ neni kaŋ akitodol tokona, mam aronis aryamu ayoŋ aneni kon, nai nyikikinyomito iyoŋ ŋikarikok a ŋajorei a Ŋipilistin.

1 Sam. 30:1

Ani elunyari ŋirwa ŋiarei, todolut Daudi ka ŋikajiok ŋulu arukito ka iŋes Sikilag. Toryamut Ŋiamaleki keŋaasi ajore kwap Yudaya ka keremo Sikilag. Kepotu Ŋiamaleki toremo ka kicunyasi Sikilag