1 Sam. 27:2 - Ebaibul

² Aŋun, abu Daudi torotok a nen kilamar nakwap a Ŋipilistin, erukito ka ŋikajiok ŋulu arukito ka iŋes ŋamiae ŋakanikapei. Tolot iŋes neni ka Akis alokoku a Maok a ŋolo alo Gas.

1 Sam. 27:2 Iomraidhean Croise

1 Ŋakiro a ŋirwa 12:1

Apotu ŋikilyok ŋice toloto neni a Daudi apaki ŋina ayakar iŋes Sikilag, ŋina pa apedoritor akirimit aŋuna a Saul alokoku a Kis; arae ŋikilyok ŋul ŋulu kepotu sek ekiŋaren kiŋarakis Daudi alojie.

1 Sam. 21:10

Torotok Daudi akoloŋit ŋin, tosi aneni a Saul, tolot neni ka Akis a erwosit a Gas.

1 Sam. 21:11

Kiŋita Akis ŋiketiyak keŋ temasi, “Meere mono lo Daudi ŋolo erae erwosit ka akwap keŋ a? Pa mono apotu ŋituŋa toeo ka kidoŋata aŋuna keŋ ebasi, ‘Aar Saul ŋulu keŋ ŋalipyo, ido aar Daudi ŋulu keŋ ŋalipyo ŋatomotomoe a?’ ”

1 Sam. 25:13

Tema Daudi neni a ŋikajiok a ŋulu arukito ka iŋes, “Tonapa ŋileŋya kus!” Aŋun, abu ŋinituŋanan tonap ekileŋ keŋ, tonap nai Daudi daŋ ŋolo keŋ. Torotokis Daudi ka ŋikilyok ŋulu aapiyarit ekimar ŋamiae ŋaomwon, kidoŋo ŋamiae ŋaarei akitere ŋiboro.

1 Sam. 30:8

Kiŋit nai Daudi Ekapolon ŋuna emaikina iŋes kitiya tema, “Atupakini ba ŋimoe ŋulu keremete ne? Apedori ayoŋ arukaun ikes a?” Toboŋok Ekapolon iŋes tema, “Totupak; anerae kire jik, irukauni iyoŋ ikes ka kire jik, inyakuni iyoŋ ŋituŋa ŋulu erikitoe.”

1 Sam. 30:9

Aŋun, abu Daudi torotokis ka ŋikajiok ŋulu arukito ka iŋes ŋamiae ŋakanikapei. Todolut ikes nayonae ŋina enyaritae Besor, neni apotu ŋice kec kidoŋo.