1 Sam. 26:8 - Ebaibul

⁸ Tema Abisai neni a Daudi, “Ikipotok iyoŋ Akuj ekonimoit nakoloŋit na; aŋun nai, kimyekinae ayoŋ orem iŋes aremyet apei bon, oenik kwap a akwara, nyaremi ayoŋ iŋes ŋaremyet ŋaarei.”

1 Sam. 26:8 Iomraidhean Croise

2 Sam. 16:9

Kiŋit Abisai lokoku a Seruia erwosit tema, “Kaanukiro icenio eŋok ŋolo atwan lo ekapolon kaŋ erwosit? Kimyekinae ayoŋ olot neni keŋ otubo akou keŋ.”

Ŋikiru. 31:8

Nyejalakina iyoŋ ayoŋ neni a ŋimoe kaŋ; nai ikicamak iyoŋ ayoŋ alosi neni daadaŋ acamit.

Yer. 40:15

Tolot nai Yoanan lokoku a Karea akisirwor Gedalia alo Misipa anakimunono tema, “Kimyekinae ayoŋ olot oar Isimael lokoku a Nesania ka mam ituŋanan eyenuni ŋakiro ŋun. Kaanukiro elemarya iŋes akiyar kon, ido kielaros Ŋiyudayan daadaŋ ŋulu acunakina neni kon, ido totwaka ŋipiya a Yudaya?”

Naum 1:9

Kaanukiro itukotor iyes imanito Ekapolon? Emunyari Ekapolon ŋimoe keŋ daadaŋ, Emunyari iŋes ikes apeimunyaret bon todaunos jik.

Ŋirom. 11:32

Anerae agoloki Akuj ŋituŋa daadaŋ tooma aŋerit ŋakiro keŋ, ikotere itoodikinia akisyon keŋ neni kec a daadaŋ.

Ŋikis. 32:30

Ikokini ituŋanan ipei ilouni ŋituŋa aliput ai? Ikokinete ŋituŋa ŋiarei ebwaŋete ŋituŋa ŋalipyo ka ŋalipyo ai? Mati ejalit ikes ekaiunan kec, mati ipotorit ikes Ekapolon kec.

Yos. 21:44

Abu nai Ekapolon kisieŋa Ŋisirael jik ejie alowaetin a akwap kec a daadaŋ, ikwaŋina eikinitor anakikoŋiet keŋ neni atapapaa kec. Mam ŋimoe kec tari ipei ŋini abu topedo akiloun ikes. Abu Ekapolon kipotok ŋimoe kec daadaŋ nakan kec, toreut.

Ŋikat. 1:4

Apotu nai ŋituŋa a ekabila a Yuda kitipeiyosi kitijikis ŋimoe kec, abu Ekapolon inak ikes akiloun Ŋikanaani ka Ŋiperisi, toara ikes alo Besek ŋikilyok ŋulu arae ekimar kec ŋalipyo ŋatomon.

1 Sam. 23:14

Torubak Daudi iboi anaguriguryo anaturukanin a ŋuna aya naloŋisat ŋina ka akwap a ŋina anyaritae Sip, a ŋina alalak ŋikamukumukui. Abu Saul tolomak akiwarit Daudi a ŋinakoloŋit, nai abu Akuj nyimyek Saul toryamu Daudi.

1 Sam. 24:4

Temasi ŋikajiok ŋulu arukito ka Daudi neni a Daudi, “Akoloŋit ŋina ikilimokinit iyoŋ Ekapolon iŋes na ebala, ‘Akainakini ayoŋ iyoŋ emoit kon, kitiya iyoŋ neni keŋ ŋuna ikitalakarito iyoŋ.’” Toniemar nai Daudi neni a Saul, totub ecileta a ekaaso a Saul pa eyeni Saul.

1 Sam. 24:5

Ekaku aŋun, abu Daudi tomaran nooi alotau, anerae abu iŋes totub ecileta a ekaaso a Saul.

1 Sam. 26:23

Einanakini Ekapolon ŋinituŋanan eropit keŋ aŋuna eraakar ituŋanan ŋin ŋini iyookino ka ŋini ikinyoma; anerae abu Ekapolon nakoloŋit na ikipotok iyoŋ neni kaŋ, nai abu ayoŋ nyekyaa akan kaŋ okoar iyoŋ ŋolo erae Ekapolon abu itoseu.

1 Sam. 26:7

Aŋun, apotu Abisai ka Daudi toloto neni aya ŋasigarya a Saul nakwaare. Toryamut ikes Saul ejotoe a nen alokidiŋ ŋasigarya, edupakinit akwara keŋ kwap diyete nakou keŋ; toperete Abiner ka ŋasigarya nawaetin keŋ.

1 Sam. 26:9

Nai tema Daudi neni ka Abisai, “Nyiar iŋes; anerae ŋae epedori akiar iŋes ŋolo erae Ekapolon abu toseu, ido kimyekinae iŋes ŋin nyitoroniyar?”