1 Sam. 26:5 - Ebaibul

⁵ Torotok nai Daudi a nen bu nakibois ŋina eboiyoto Saul ka ŋikajiok ŋulu arukito ka iŋes; toripu Daudi akibois ŋina aperete Saul ka Abiner lokoku a Ner, ŋolo arae iŋes apolokinit ŋasigarya a Saul. Aperi Saul neni awuatae, ido awuaunito iŋes ŋasigarya anawaetin.

1 Sam. 26:5 Iomraidhean Croise

2 Sam. 3:27

Ani eboŋuni Abiner Eburon, toriko Yoab iŋes nawae, lopuke akirworikin ka iŋes make a ŋuluarei. A nen, abu Yoab totamu akinyaŋar Asael lokaato keŋ, ido abu kicum Abiner nakook toar.

1 Ŋakiro a ŋirwa 9:39

Abu Ner touru Kis, touru Kis Saul, ido touru Saul Yonasan, Maliki-Sua ka Abinadab ta Esi-Baal.

1 Sam. 17:20

Tonyou Daudi taparacu sek, kimyek ŋamesekin ka ekeyokon, tolemu ŋiboro ŋulu abala papa keŋ ya, ido torotok ikwapei ecikitor papa keŋ iŋes. Todolu iŋes neni eboiyo ajore a Ŋisirael, apaki ŋina anyounio ajore ŋin lojie, ido acelasi ŋituŋa, eosi ŋieosyo ŋulu ke ejie aŋuna alosyoto lojie.

1 Sam. 17:55

Ani iŋolikini Saul Daudi elosi akisiiryakin Epilistait, kiŋit Abiner ŋolo arae ekarikon ajore keŋ tema, “Abiner, lokoku a ŋae esorokit lo?” Toboŋok Abiner tema, “Ikwapei iyarya iyoŋ okoe erwosit, nyayeni ayoŋ.”

1 Sam. 26:4

Kiyakiya iŋes ŋikemimak, kimimaut ŋul kire atemar kedolu Saul nen.

1 Sam. 9:1

Ayai Isirael ekile ŋolo abarit nooi, abunit alokabila a Benjamin, arae ekiro keŋ Kis lokoku ka Abiel a ŋolo arae lokoku a Seror, arae Seror lokoku a Bekoras, ido arae Bekoras lokoku ka Apia.